الى الاخت مريم الصابرة مساعدة بخصوص تركيا

[FadixuRz]

و مشكوروررررررررررة كثيرا كثيرا على جهدك في وضع البرنامج في انتظار برنامج الايام الاخرى تقبلي منا اسمى تعابير الشكر و الامتنان و دمتي في رعاية الله

[مريم الصابرة]

المشاركة الأصلية كتبت بواسطة fadixurz

السلام عليكم و صح فطوركم اختي ان شاء الله تروحي لاماكن خير من تركيا كماليزيا و اندونيسيا لما لا فالسفر مفيد و ممتع للانسان انا عندي استفسارات ياسر ياسر متفضش على بالي باللي يا نهبلك ولا نهبلك في كلتا الحالتين نهبلك ههههههههههههههه حبذا لو تمديلنا اسامي فنادق او شقق يكونوا في المستوى و رخاص شوي حاجة اخرى اختي اسعار الفنادق في المواقع كالبووكينغ و غيرو مذكورة بالدينار و بالاورو مع العلم ان سعر الصرف في البنك ليس هو نفسه في السوق السوداء اذن فكيف سيكون التعامل مع الوكالة ، حاجة اخرى هل يفضل ان اخذ معي الليرة او الاورو ؟؟؟؟ لحد الان هادا وش جا في بالي كي نتفكر اني نسقسيك عادي هههههههههههههههههه و شكرا مسبقا

المشاركة الأصلية كتبت بواسطة fadixurz

و مشكوروررررررررررة كثيرا كثيرا على جهدك في وضع البرنامج في انتظار برنامج الايام الاخرى تقبلي منا اسمى تعابير الشكر و الامتنان و دمتي في رعاية الله

السلام عليكم اخي صحا فطورك
لا مشكل انا بالخدمة ما تهبلني ما والو واجبي انا ثاني كنت كيما نتوما ما نعرف والو والحمد لله لقيت شكون ورالي ولما رحت مرتين ديت فكرة
إيه يا خويا ماليزيا ومانعرف واش إدعيلي نروح للعمرة إن شاء الله يا ربي اللي عندو علاه لالا يروح وين يحب مليح السفر الإنسان يشوف امو جديدة حقيقة سفر لتركيا جاء صدفة ولكن والله حسيت بتغيير كبير نفسيتي ريحت ثم مناظر رائعة وأجواء ساحرة ونظافة يكفي البقاء عند الميناء خلي الحدائق خلي المساجد والله أروع ما رأيت
نرجعو لأسئلتك شوف الفنادق قي موقع بوكينغ اغلبها يكذبو لما توصل لثم تلقى أسعار مختلفة تماما ما نقدرش نسميلك للأنو لخرين ما نعرفهمش انا نعرف الفندق اللي كنت فيه مستوى رائع نظيف جدا محترمون ويحترمو المسملين والعرب هناك من يتكلم العربية في حي شعبي هادئ ليلا يعني ترقد بلا إزعاج الخدمات روعة
وقالولي جزائريين لقيتهم ثم عن فنادق منطقة بيازيد إنو رخيصة الثمن ونظيفة وبيازيد منطقة جميلة وهي امام امينينو وكاباتاش يعني هوما كلهم خط نفسو نتاع ترمواي
الفندق اللي كنت انا فيه 60 اورو لليلة عندك الصباح القهوة باطل اما الفطور والعشا تتعشى برا
نزيد نسقسلك المنتدى اللي انا مشاركة فيه ويخبروني ونقوللك تحب نمدلك الرابط وشارك فالمنتدى وتعرف بزاف أمور
لما تحب تعرف اسعر إدي المبلغ بالأورو ودير تحويل عملات فقوقل وتعرف الفندق كان رخيص او غالي لما تختار الفندق وتحب تحجز وحدك إما تتصل بيهم بالهاتف أو إيميل ويرجعو عليك كان الوكالة ما يدوش معاك دراهم بزاف
تروح تديلهم موقع الفندق أو إسمو وتدي دراهم الدينار نتاعنا عادي تخلصهم وهوما يوم او ثمثم يجيبولك ورقة الحجز يبعثوهالهم فالفاكس يمدوهالك اول ما توصل للفندق تلقى غرفتك جاهزة وتمدلهم الورقة هكذا انا درت
إنت كان لقيت ليرا هنا إشري منا وشوف انا اول مرة رحت كان 100 اورو مدولي 300 حتى310 ليرا مليحة تشري مليح وتتنقل وتاكل مليح وإنت دير حسابك
المرة الثانية 100 اورو ب 280 حتى 270 هبطت الليرا بزاف
وراك عارف 100 اورو وصلت حتى 1580 غالي بزاف فترة الصيف عليها ننصح اللي حاب يروح لتركيا يروح من سبتمبر للهيه يعني أكتوبر ونوفمبر قبل ما يبدا البرد عندهم لانو سامطة فالشتا ما تقدرش تحوس البحر هايج وبردها سامط بزاف
أي سؤال انا بالخدمة
وغذا نحط برنامج اليوم الثاني مع الصور للأخ ولك نتمنى نقدر نفيدكم شكرا لك