الوثائق الوردية لابي خولة

[أم عائشة أنفال]

تبعو معايا هذي حلقة جديدة

"........................قررت ام خولة تسمع نصيحة عجوزتها و تنسي قاع الماضي تاع زوجها و...........وبينما هي تفكر كيف يمكنها ذلك ..............يقاطعها ..
_ابو خولة: وين راكي يا مرا ......حطيلي العشا .....راني ميت بالجوع....
_ ام خولة : قبل العشا كاينة حاجة بغيت نقولهالك...........
_ابو خولة وهو يشاهد التلفاز : راني نسمع فيك .........
_ ام خولة : صاي غادي ننسى قاع هاديك الحكاية تاع بكري .....وما نزيدش نجبدلك عليها ........................بصح بشرط
_ ابو خولة: الحمد الله كي هداك ربي ..................شا هو هذا الشرط ثاني ؟؟
_ أم خولة : تحكيلي القصة كاملة من a حتى لz ......نسمعها منك خير ما نسمعها من غيرك......
_ابو خولة : شا راكي باغية تعرفي ؟؟؟...
_ ام خولة : اولا, هاذي الطفلة شابة ولا لا ؟؟, ثانيا كنت تبغيها ولا لا ؟؟, ثالثا شكون اللي تزوج الاول انت ولا هي ؟؟ واذا كان هي , لوكان ما تزوجتش كنت راح............................يقاطعها ابو خولة صارخا
_أبو خولة : شاوا هذا؟؟ تحقيق
_ام خولة : دبر راسك قولي ولا ما كاش العشا .......
_ ابو خولة : بغيتي تعرفي .....امالا اسمعي ......واه كنت نبغيها ....وكانت شابة بزاف ......ولوكان ما تزوجتش وخلتني لوكان راني ضروك معاها .......ارتحتي
_ام خولة : كيما هاكا .........امالا انا ما نحطلكش العشا روح عندها هي الي تعطيك تتعشا ........
ابو خولة : الله يهديك .....المخلوفة ربي ستر عليها و تزوجت .....وانت مازالك غايرة منها..........................ويخرج ابو خولة وهو في قمة الغضب ويغلق الباب ورائه...........طااااااخ
يمشي ابو خولة في الشارع ..........ويمشي لساعات طوال .......ويمشي في ليلة مظلمة ليس فيها قمر .........يمشي ..وحيدا ...حزينا...جائعا ........................ثم يتوقف ...وينظر في ساعة يده
_: راهي 12 تاع اليل..............................يا لشدة البرد..........مذا سيفعل ابو خولة ؟
يتبع