كيف كان اليوم الاول من الدراسة؟

[بربرية و أفتخر]

ههههههههه قصصكم روعة و أنا ثاني صرات معايا أسطورة كي حالتكم
الصباح صحيت على 6 (مش عوايدي )و بقيت نستنى الوقت خرجت على 7:45 رحت مع صحاباتي و كنا فرحانين دخلنا هذاك العالم الغريب العجيب
لقيناهم كل كبار (يخلعوا ) بدينا بتحية الأصدقاء و مبعد تحية العلم و بقينا نستناو حتى جاو المراقبين قسمونا و قالولنا الأقسام
بقينا عام كامل و حنا في لاكور و كي دخلنا جانا أستاذ رائع مي غريب الأطوار يضحك حالة
و بعدها جا أستاذ الرياضيات من دخل و هو يدير ف المحاضرة المشهورة (الاحترام .الإنضباط.الغيابات ممنوع . اللي يقلقني ناقص نقاط ........... لخ )
و قالولنا أول خبر يفرح (لعشية ماتقراوش) و بعدها خرجنا و رجعنا للدار و تغدينا شخشوخة ههههههههه
يوم مضحك و في الوقت نفسه يعيف
هذي قصة حيلتي المملة