لمادا الكثيير من الفتيات الجزائريات يعشقن أصحاب السيارات

[ل..ب..ن..ى]

المشاركة الأصلية كتبت بواسطة لفافطة بلال

كيف ما لا تعرفي يا لبـــــــــــــــنى ?
يعني أنت لا تعيشين معنا في الجزائر ?
المفروض انك بنت وتعرفين كيف تفكر النساء وشئ كهدا أكيد لا توجد فتاة لا تعرف موضوع كهدا .......مع احترامي لك لا أقصد انك تكدبين ........لكن يا لبنى لا تعرفيين ...ولله لا تدخل لرأسي .
اكيد لك صديقات او انت طالبة وتسمعين حكي من البنات ???

هههههههه
انتظرت هدا الرد

انا قلت ماعلاباليش ..!!
مي انت وشكون قالك واش ماعلاباليش ؟؟ ههههههه

صح شفت بنات بزاف
كي تجي فايتة لوطو حطّة يقعدو يبرّgو

مرة سقسيت واحدة صاحبتي
ماشي صاحبتي وانما تقرا معايا
خاطر ماعنديش صحبتي مازالني نحوس على واحدة ...... المهم


خطرة كنت مريحة معاها في الجامعة
ايا وكنا شايخين
حتى شفت البنت قع مالاهيتليش
نهدر مع الحشيش!!!!
قلتلها واش بيك ....... راني ندندن وحدي!!
قاتلي شوفي شوفي

درت نشوف مورايا
لقيت لوطو حطّة
وخارج منها واحد خالع روحو
حاسب الدنيا راهي تخدم عليه

المهم قلتلها واش نشوف وقعدت نضحك
قاتلي ايا بركي ما تتمسخري

قلتلها بيك هو ولا اللوطو ؟؟؟

قاتلي في زوج

المهم فاتت اللقطة ......... وانا مانكدبش عليك بالصح والله العظيم لا تهمني لا سيارة ولا صاحبها

من بعد كنا نحكيوو حتى جبدتلي عليه
قلتلها واش استفاديتي كي برguegتي فيه ؟؟؟

قاتلي متّعت عينيا بالزين

قلتلها اللوطو تاني متعتي روحك بيها ؟؟؟
هههه
قاتلي ماشفتيهاش كي دايرا ؟؟؟

قلتلها حبيتي تركبي فيها ؟؟؟
قاتلي وعلاه لا ..!!!!!!!
مي هنا كانت تتمسخر

المهم انا قلتهالها ونقولها لكامل البنات اللي يحبو يبرقو في اللواطا وماليهم

انتم سخفاء .......... !

والله اخي ماراني لا نكدب عليك لا والو
مي ماتهمنيش لوطو تتمشى في الطريق
ولا جات حبست قدامي
من يكون صاحبها

لا تهمني السيارات

كيما يقولك:

ليست لي مزرعة احصنة ........ ولا انا مهتمة بركوب الخيل


بالنسبة للبنات اللي يركبو في السيارات
اخي ........ ماتظلمش بنات الناس
باينين اللي يركبو في السيارات وشكون هما
باين واش راح يصرا
وكلش باين

وانا راني عارفة وانت عارف
والبهلول وفاهم ...........

واللهم اني صائمة


بنات الناس ماشي كيف كيف
كاين بنت الفاميليا
وكاين اللي ربي يهديها ان شاء الله


ويهدي الامة كاملة ان شاء الله

مانقولكش مانحبش يكون زوجي المستقبلي بخير عليه
وانما هادي غريزة في الانسان
يحب يكون مرتاح
مي انا من ضركا نحترم زوجي المستقبلي
نهار يديني مايقولو لبنى دارت مايقولولو لبنى خدمت

علاه بيا المشاكل
كيما مانحبوش يخدعني مالقري مازال مالقانيش المكتوب بيه
مانخسرلوش الشرف تاعو

لانني شرف والداي واخوتي وزوجي المستقبلي

انا نغير واتفهم الغيرة


اعتدر ادا قلت حاجة ماشي مليحة
ماشي بلعاني
مي والله مانشوفهم بنات هادو راكبات سيارات من هب ودب

ملاحظة: ......... اللوطو = سيارة هههههههه لهجة تاع الغرب الجزائري



سلاااااااااااام