المعاكسات في منتدى الجلفة

[قنوان دانية]

المشاركة الأصلية كتبت بواسطة thorpe

بسم الله الرحمان الرحيم

السلام عليكم ورحمة الله تعالى وبركاته

يبدو لي انو العنوان يحتم عليا ندخل مباشرة في الموضوع
هاته الايام لاحظنا كثرة الكلام عن ذئاب المنتدى و ظاهرة معاكسة الفتياة هنا ان صح التعبير
للاسف شيء مؤسف حقا ان نصل لهذا المستوى مع اننا نلاحظ انو اغلبية الاعضاء لديهم ثقافة دينية ماشاء الله وانا فرحان لهذا الشيء
لانو الله يبارك هاد العام رايحين نصليو التاراويح هنا لا لشيء انما لكثرة الشيوخ الاجلاء هنا ماشاء الله يا سيدي
شوفو يا اخوتي واخواتي ضرك نحكو بكل صراحة
الفتاة في الشارع او في الجامعة لما تكون تمشي من المؤكد انها عارفة بلي رايحين يعاكسوها ويرميولها الكلام فالطريق
لكن ماشي كل فتاة عندها ردة فعل مشابهة للخرى لهذا حبيت نوضح وننصح اخواتنا باهي يديرو كيما راهم يديرو فالشارع بلا ما نديرو الضجة هنا بدون فائدة

1 ---- كاين الفتاة الي كي يعاكسها شاب في الطريق تتجاهلو اصلا وكانو ماكانش وتمشي وتخليه واكيد هو يستخزى نفسو ويروح ويخليها
لهذا الي تدير كيما هاك فالواقع ننصحها هنا تدير نفس الشي اذا وصلها تقييم بكلام ترى ان فيه معاكسة وديرونجمو تتجاهل الكلام وتمر عليه مرور الكرام

2 ---- كاين الفتاة الي كي يديرونجيها شاب في الطريق تحكي معاه بكل برودة مثلا هو يطلب منها ان تتوقف وانه يريد الكلام معها وهي بدورها تفعل هذا لكن بكل برودة على سبيل المثال تقولو خويا وش تحتاج ؟
هو يقولها ممكن نحكي معاك كلمتين ؟هههه
هي تقولو اتفضل
المهم هو يبدى يعبر ويشعر ويتحول في تلك اللحظة من العمري او قدور الى كاظم الساهر
وفي الاخير تلقى البنت تقولو احبس من فظلك سيبالابين تشقي روحك وتروح
في الاخير ننصح الي معتادة تستعمل هاته الطريقة ان تستعملها هنا لكن فالتتوخى الحذر لانو احيانا الكلمات تخليك تنسى المراد ديالك يعني هي من الاول باغية تليكيديه عليها وممكن تتحول

3 --- كاينة الفتاة الي كون يحكي معاها شاب في الطريق خلات عليه ههههههه تبهدلو *تبهديلة عن الله خبرها وتجمع عليه الناس وتفضحو وهي تصرخ باعلى صوتها
روووووووووووووووح اخطييييييييييييني ما تحكيييييييييييييييش معاااااااااااااااااااااااي
هو اكيد اتفاجئ ويقول في نفسو يا لطيف تقول عليا نحكي مع كونغ ولا وحش بري ههههههههه
وبالتلي يهبط راسو والهربة تسلك
بمعنى اخر الي من هاد النوع في واقعها لازم عليها تفعل نفس الشيء هنا لكي تنجوا من شباك الصيد
والطريقة هنا ان تقوم بفضحه وغسله ونشره مع مراعات عصره جيدا
وتدير موضوع او رد واضح يخلي كل شاب كان معول عليها يلغي الخطة ويتراجع عما كان يدوف في ذهنه

4 --- كاين الفتاة الي ما تحبش تحكي هي وتحب تتفرج فقط بمعنى لو ازعجها فلان في الشارع او في اي مكان تشفى عليه حاجة بحاجة يعني تلتقطلو صورة في ذهنها وكي تروح للبيت تقول لاهلها واخوتها عن كل اوصافه والمكان الذي هو فيه وهوما يعرفو كيفاش يتصرفو معاه
وهاته الطريقة هي الاحسن في نظري ومن المستحب ان تستعملها اخواتنا هنا اذا تعرضن للمعاكسة من طرف بعض الاعضاء فعليهم تبليغ الهيئات المعنية وولات الامور وهم بدورهم سيلبون النداء ويبحثون في هذا الامر بدقة كي لا يظلم احد وبعدها سوف يكون القرار

ان شاء الله اكون قد وفقت في ايصال الفكرة والحلول لكل اخت هنا لاني بصراحة عييت من الاستغاثات دون جدوى والي تخلي كل شخص يشك في نفسو قبل غيرو
باااااارك الله فيكم وان شاء الله يوفقنا ربي لكل ما يحبه ويرضاه
اخوكم حسين thorpe
رمضان كريم
سلااااااااااااااااااااام

وعليــــــــكم السلام ورحمة الله...

أضحك الله سنك يا أخي...قتلتنا بالضحك...هذا ما كان ينقص..أن يحصل بالمنتدى ما يحصل في الشوارع...

معك حق لكل اسلوبه...الله يعفو عنا برك...

لكن أخي للملاحظة والله هناك من يجذب لنفسه المشاكل...فالتعارف والزيادة في الكلام و تجاوز الخطوط الحمراء يودي بالبعض بالتفكير الخبيث في كثير من الأحيان....الكلام أخي إذا كثر صدع ووجع..وكما ترى الكثير تصدع الآن وأخذ يشتكي الطبيب والدواء...لكن القربة حين تنكسر لربما تصلحت لكن تبقى خدوش لا تمحى...

ما قلناش ما تحكوش...لكن في حدود...والإستفادة لا تكون بتلك الطريقة وحسب...


كما وأنني لا أخفيك سرا..القصة غير معقولة بتاتا.../ ولا ُأكذب أحدا /


بارك الله فيك على النصائح...


تقبل مشاركتي المختصرة وان شاء الله ما يلصقش فيا الموضوع هذي المرة ثاني...


و السلام عليكم ورحمة الله وبركاته...

[thorpe]

المشاركة الأصلية كتبت بواسطة قنوان دانية

وعليــــــــكم السلام ورحمة الله...

أضحك الله سنك يا أخي...قتلتنا بالضحك...هذا ما كان ينقص..أن يحصل بالمنتدى ما يحصل في الشوارع...

معك حق لكل اسلوبه...الله يعفو عنا برك...

لكن أخي للملاحظة والله هناك من يجذب لنفسه المشاكل...فالتعارف والزيادة في الكلام و تجاوز الخطوط الحمراء يودي بالبعض بالتفكير الخبيث في كثير من الأحيان....الكلام أخي إذا كثر صدع ووجع..وكما ترى الكثير تصدع الآن وأخذ يشتكي الطبيب والدواء...لكن القربة حين تنكسر لربما تصلحت لكن تبقى خدوش لا تمحى...

ما قلناش ما تحكوش...لكن في حدود...والإستفادة لا تكون بتلك الطريقة وحسب...


كما وأنني لا أخفيك سرا..القصة غير معقولة بتاتا.../ ولا ُأكذب أحدا /


بارك الله فيك على النصائح...


تقبل مشاركتي المختصرة وان شاء الله ما يلصقش فيا الموضوع هذي المرة ثاني...


و السلام عليكم ورحمة الله وبركاته...

هههه ما يلصقش ان شاء الله ما تخافيش هههههههه
لكن اختي بعض الاخوات هنا اشتكو من تعرضهم للمعاكسات عن طريق التقييم وانا تتبعت الموضواضيع التي كتبت لكن للاسف لم ربما لن يفهم هاؤلاء الناس ماذا كن يعنين بالمواضيع باحببت توضيح الامور للضحايا احسن كي يتجنبن كل ما يثير هاته النقطة بطريقتهم
باااااااااااااارك الله فيييييييييك