نحن شعب البلاد وسنحدث نقطة انعطاف... سننتهي ان شاء الله مع الفساد..01: " التهور والجنون عند بعض الشباب "

[صُبح الأندلس]

المشاركة الأصلية كتبت بواسطة ل..ب..ن..ى

بارك الله فيك اختي
والله كلامك صح في صح
يعطيك الصحة

ايا ريبومديووا على اعتماد
اسئلة وطرح فووور



ربما قد يكون سبب فعلته الضغط
هل من حلول تخفض الضغط؟؟؟؟

واش نختارعوا كاش كاشي غير مؤدي خاص بمايتعرض له الجزائريون
من البيرووات؟؟؟؟

شكرا لكما والله سررت براييكما


سلاااااااااااااام

ههههههههه كمال راح يجيب سبع

[كمال الاسلام]

المشاركة الأصلية كتبت بواسطة اعتماد13

ههههههههه كمال راح يجيب سبع

هاو الموظف وهاو السبع

[زهرة الجزائر 07]

السلام عليكم

الصح حيرني العنوان شوي؟
هوا الي خلاني ندخل ،،حرت

نحن شعب البلاد وسنحدث نقطة انعطاف... سننتهي ان شاء الله مع الفساد
..01: " التهور والجنون عند بعض الشباب "

نقطة الإنعطاف تلك ستقودنا إلى الفساد؟
يعني الان لا نعاني من فساد؟ أو بالأحرى صراع الضلال
******

نتكلم على موقف الشاب
درك الموضفين رام يمارسو البيروقراطية
في بالهم هذا تطبيق للقانون؟؟
هذي تطبق في مجتعم منظم ،، ماشي عندنا

يكون ستيلو عندو و يقدر يوقع لكن يقله أرجع بعد سمانة؟
و مالقري داك الشاب يكون يحتاج الوثيقة هادي أرجون
يقلو هكدا زكارة ولي بعد أسبوع؟ ولا راو زعما راو يطبق و ينظم في القانون؟

جاو على هادي النقطة و طبقو القانون
لكن باش يطبقو القانون في صوالح تاع الصح
الي يسرق و الي يرشي و الي يقبض
الي يقتل الي يزور وووو
هادو قاع غمظو عين عليهم و العين التانية قاعدا تتفرج
تقول درك يجي خونا و يفريها؟
يعني كل واحد معول على التاني

يعني قضايا كبار نايمين عليهم
واقفين غير على تخراج ريق العبد
و كاش ما قالهم
يحلف ،،يقول والله ماك مديها منا لشهر؟؟ و هادي صرات لولد خالي
مسكين قاعد يستنى في لشان ليمتا تخلاص
أيا كي جا دوره قاله غدوا ولي؟ شا معناها هادي؟
ولد خالي مخلالوش-حسب ما يحكي طيح معاه الهدرة-
لموظف هداك قالو والله ماك مديها منا لشهر ؟؟؟

نقلك حاجا علاش يديرو هكدا
درك الدولة-و قصدي هنا الناس للفوق- تمارس السلطة على
الناس الي قل منهم
و هدوك الناس الي قل منهم
يبغيو يفرغو قلوبهم إلى تعمرو بسبة دوكا الناس -لفوق-
أيا زعافهم يدروه على الي قل منهم و الي هوما صحاب لكواغط و قاع ،،

هادي هي


على الحلول قتيلي ،،الصح معنديش حلول
راح ندير حلول على أكثر من آلاف الأشخاص؟؟
كل واحد يشوف لروحه و يحاول كيفاش يعدل منها
ولا كل واحد ينصح جاره ولا قريبه ولا صاحبه ولا حتى واحد شافه
يطبق هادا الشي -من شتى القطاعات-


أما إني نخمم عليهم قاع؟؟



هادا رأيي

[الصديق الذهبي]

المشاركة الأصلية كتبت بواسطة ل..ب..ن..ى

ههههههه

المشاركة الأصلية كتبت بواسطة ل..ب..ن..ى

زعما سردينة يديرو عليها حالة!!
فكرتني في حكاية

************************************************** *****
ماعليش نحكيها بين قوسين
هدا واحد يكذب بزاااااف من حبة بدير قبة

خطرة واحد صاحبه قاله ماتقعدش تكذب بزاااف
كي نقرصك نقص شوية في الكدبة
///هو يضخم الامور///
ايا خطرة كان في جماعة وهو يحكيلهم
قاللهم مرة كنت في الدار حتى خرجلي واحد الثعبان فيه 1كم
ايا صاحبو نقزو ...زعما باش ينقص شوية ....ههههههه
قاللهم: ماشي كامل 1 كم بصح يوصل واحد ال 0.5 كم
ايا صاحبو عاود نقزو
قاللهم: ماشي كامل 0.5 كم يعني واحد 5 امتار هكدا

ايا صاحبو نقزوا

قالو: واش انت حبيت ترجعها زرمومية ههههههههه
زرمومية = حرباء
************************************************** *********

بالنسبة للاخ اللي جاب الاقعى او الثعبان
تقول الجريدة بلي جابها في كيس
وهدا شيء محتمل
كاين اللي يقولولهم قناوة هادو عندهم انتي قرصة الافاعي ههههه
والله ماني نكذب بصح كاين اللي الافاعي مايديرولهم والو!!!!

بصح انا ماشي الحكاية هي صلب موضوعي
انا حبيت النقاش حول :
التهور والجنون عند الشباب الجزائري بوجه خاص والعربي بشكل عام

ماقلتناش رايك!!!!!!!!

مرورك سرنا اخي
ورايك يهمنا فلا تبخل علينا به


سلاااااااااااااام

ههههههه أسمحيلي الساع كنت جيعان ما قدرتش نكتب رد طويل الأمر محير شوية وفيه مبالغة
ثعبان 2 متر راه مايكل جوردن في شكارة يدوه يشاركو بيه في بطولة كرة السلة
من جهة أخرى الشباب نتاع درك متهور جدا ومشي الشباب برك مام الكبار متعصبين ومتسرعين
أنا زميلي قتل الأستاذ نتاعي وراكم سمعتوا الحكاية في اكتوبر 2008 من يومها وليت مصدق بلي اي انسان
خاصة الشباب المراهق يقدر يدير هاذ الأشياء
بصح واش نقولك أختي عمال الإدارة راهم فيهم مرض خطير ياو الثعبان ويخاف منهم يعدوه

[ل..ب..ن..ى]

المشاركة الأصلية كتبت بواسطة chulussien

و أنا أرد عليك، اعلمي أولا أنني موظف (أي أنني إداري )،
ربي يوفقك اخي في خدمتك
فالموظفي يختلفون و قبل أن تسمعي ردي، إعتبري قبل أولا أنني شاب جزائري كغيري، ولدت و تربيت كما كان الجميع، فالكل يفهم الكل.
عندما تكون إداري، فإنك تصبح شخصا يتبع القانون، و لا يجوز لك التصرف كما تشاء، لأن طريقك في العمل مرسوما و مهامك محددة مسبقا، و حتى يتم تنظيم المجتمع، كان يجب أن يحل هذا القانون محل تفكير البشر المتقلب بين يوم و آخر.
أما بالنسبة لهذا المواطن، ففي الكثير من الحالات تجد شابا مثلا يدهب لإدارة معينة لغرض تلبية طلب ما، ضانا أن هذه الإدارة يجب أن توفر له طلبه مهما كان، لأنها ما وجدت إلا لذلك. متناسيا أن شروط الحصول على طلبه منعدمة، فتراه يسب و يشتم و يلعن و يرمي بثعبان كما قد يرمي بنفسه أو يحرقها أو يفجر قارورة غاز في بيته أو حيهه أو ....
صحيح أن البيروقراطية معششة في إداراتنا، لكن يجب على المواطن أن يعرف ما له و ما عليه حتى لا تضيع حقوقه.
وانا معك بالنقطة هده
ولكن الاداري كما تفضلت وقلت مسبقا هو مواطن
وعليه ان يعمل على اكمل وجه
مايحقر فلان ... مايقصر في الخدمة لعلان

إن مثال هذا المواطن، أعتبره أخرقا، متهورا، ضانا بنفسه أنه القانون ، ناسيا أن حريتك تنتهي، عندما تبدأ حرية الآخرين. و لو فكر قليلا أو سأل متعلما كيف يجب أن أعمل و نوره هذا الأخير، فالأكيد أنه سيسترد حقه كما شاء و يشاء، عوض أن يصبح قصة يتداولها العامة في الشوارع و الجرائد و المنتديات.
صح فهو لم يكن حكيما ابدا في تصرفه
فقد تضيع حياته بسبب تهور
ولكن............. مرّات من بعض الموظفين الاداريين لا تستطيع التحكم في افعالك!!!
بالاك القصة لثوانيها تلك لم تستحق احضار الثعبان
ولكن ادا رحنا نبحث عما مر بالشاب قد نجد انه احتمل الكثير وانفجر في الموظف هناك
اخي انا لا ادافع عن الشاب ولا عن الموظف فرايي حيادي
بل انني اود تكوين فكرة واضحة صالحة
لست ضدك ولست ضد الشاب ولا ضد احد انا اناقش...يعني هده ملاحظة فقط
خاطر راني تقريبا ضد الكل ههههههه
اللي يقول بيضاء نقولو وعلاه
واللي يقول كحلة نقولو وعلاه.......
المهم ....... بماانك موظف اداري هل تعرضت يوما لموقف كهدا ؟؟؟
لا اقصد الثعبان وانما النرفزة من المواطنين...........
ماكان تصرفك؟؟؟؟؟
قد يخطئ غيري، لكن ليس من حقي أن أسترد حقوقي بالقوة، فالقانون يحميك لو عرفته و يسجنك عندما تكون غبيا.
و لا تدعوا.............................أننا يجب أن نصلح الأمور بأنفسنا، فكفانا جمهوريات و كفانا أفلاطونيات......و اتركوا مساحة للعقل وسط كل هذا الهرج في هذه البلاد.
لم افهمك؟؟؟؟؟؟؟
هل جملتك تود القول انه يجب علينا ان نوقف ما نحن بصدد عمله؟؟؟
وننتظر الى ان تستيقظ الدولة ؟؟؟؟
هل ننتظر الدولة لتغير؟؟؟؟ ونحن نبقى نشاهد؟؟؟
و تحية للجميـــــــــــــــــــــــع

شكرا لك اخي على مداخلتك والله سررنا بها

بماانك موظف اداري
فنرجو ان تبلغ رسالتنا الى زملائك ربما الدين قد رايت فيهم الكسل ...!!

قوللهم الشعب راهو مغلغل هههههههه

شكرا لك
وارجو ان تتقبل بعض الفاظ مزاحي
شكرا


سلاااااااااااام

[ل..ب..ن..ى]

المشاركة الأصلية كتبت بواسطة اعتماد13

ههههههههه كمال راح يجيب سبع

ههههههه

المشاركة الأصلية كتبت بواسطة كمال الاسلام

هاو الموظف وهاو السبع

اخطيووا الصفحة
الحالة راهي ماتعجبش ههههههههه
سلاااااااااااام

[وردة بجاية]

ألوكان يحقروني نقعد نبكي.........
بصح الشاب راه مخبوط في عقلو........ماشي حل قاع اديرو لعكس واش يقدر يقدر اباصيه.....بلاك مريض نفسيا
بصح الله غالب الحقرة لدير هكا سورتو إذا كانت عدة مرات
احضار ثعبان لست أبدا بفكرة......الجزائرين معروفين بسرعة غضبهم و تسرعهم.....
الجزائر كلها تمشي بالمعرفة.....و الحقرة........و التهميش
و الله انا متخوفة جدا من عدم اعطائي التخصص الذي أرغب فيه....خايفة الحقرة و المعرفة.....
الحل الأنسب في بالي هو التحكم في رد الفعل......قالي يومين....أسبوع.......معليش نسنا حتى ايديروهالي.....
الحمد الله جهتنا سرفيس رابيد ماشي حاجة...... مكاش حقرة........واش كلش مراقب الحمد الله.......و الكل يمشي بالقانون

[ل..ب..ن..ى]

المشاركة الأصلية كتبت بواسطة زهرة الجزائر 07

السلام عليكم

الصح حيرني العنوان شوي؟
هوا الي خلاني ندخل ،،حرت

نحن شعب البلاد وسنحدث نقطة انعطاف... سننتهي ان شاء الله من الفساد
..01: " التهور والجنون عند بعض الشباب "

نقطة الإنعطاف تلك ستقودنا إلى الفساد؟
لالا ... نحن نعيش في منحنى دالة
طريقه الانحراف والفساد
وددنا وضع نقطة انعطاف تغير الطريق من الهدف الاول اللي كان فساد
نحو هدف اخر وهو مصلحة البلاد والقيام بدولة حقيقية

يعني الان لا نعاني من فساد؟ أو بالأحرى صراع الضلال
******
بلى الفساد كثر علينا
عليها حبينا نبعدو منو............
كرهناه حبينا نخرجو على مساره

نتكلم على موقف الشاب
درك الموضفين رام يمارسو البيروقراطية
في بالهم هذا تطبيق للقانون؟؟
هذي تطبق في مجتعم منظم ،، ماشي عندنا

يكون ستيلو عندو و يقدر يوقع لكن يقله أرجع بعد سمانة؟
هههههههه
هادي صراتلي مرة
كان باقي برك يرفد ستيلو ويطبع ........
قالي صايي راهي ال12 ارجعي عشية
والله وقتها حبيت نضربو بصح اسكت ورحت
ووالله مارجعت ايا طفرت فيا هههههه
و مالقري داك الشاب يكون يحتاج الوثيقة هادي أرجون
يقلو هكدا زكارة ولي بعد أسبوع؟ ولا راو زعما راو يطبق و ينظم في القانون؟
لا مانظنش راهي زكارة
بصح حتى هما يحسن عونهم
انا نحسن عون الموظف ادا قالي ارجعي عشية
ايه نخرج نورمال وما نزقي ماوالو
بصح ادا احترمني
اقصد.......... شوفي المثال:
مرات تكوني رايحة تخرجي دراهم من لابوست
.......... بالشاك ماشي بالكارطا.......
المهم يكونو هكدا بزااااف حاطين بطاقات التعريف والشاك ودايرين الدالة
يجي واحد معرفة يفوت قبل كامل الغاشي
صحا واحد ماقلناش ..... سينورمال بالاك ولدو ولا خوه ولا ........
المهم عاود يجي وحداخر كيف كيف وهكدا

ايا انا منين يجي توري يقولي راهي ال12 مانزيدوش!!!
ماشي تقول تجيبلو كاميون اللي يدخل فيه!!!!!!!!


جاو على هادي النقطة و طبقو القانون
لكن باش يطبقو القانون في صوالح تاع الصح
الي يسرق و الي يرشي و الي يقبض
الي يقتل الي يزور وووو
بصح هدا النقاط هما خاطيهم!!!!!!
ادا كاننديرو القانون لازم نحترموه كامل
بصح ماشي ادا واحد احترم نقطة من القانون نقولولو اخطيك
الشعب الاخر واحد ماراه يحترم القانون!!!!!!!
هادو قاع غمظو عين عليهم و العين التانية قاعدا تتفرج
تقول درك يجي خونا و يفريها؟
يعني كل واحد معول على التاني
هههههههه
يعني قضايا كبار نايمين عليهم
واقفين غير على تخراج ريق العبد
و كاش ما قالهم
يحلف ،،يقول والله ماك مديها منا لشهر؟؟ و هادي صرات لولد خالي
مسكين قاعد يستنى في لشان ليمتا تخلاص
أيا كي جا دوره قاله غدوا ولي؟ شا معناها هادي؟
ولد خالي مخلالوش-حسب ما يحكي طيح معاه الهدرة-
لموظف هداك قالو والله ماك مديها منا لشهر ؟؟؟
زكارة؟؟!!!! ههههههه
لوكان راح يشتكي بيه


نقلك حاجا علاش يديرو هكدا
درك الدولة-و قصدي هنا الناس للفوق- تمارس السلطة على
الناس الي قل منهم
و هدوك الناس الي قل منهم
يبغيو يفرغو قلوبهم إلى تعمرو بسبة دوكا الناس -لفوق-
أيا زعافهم يدروه على الي قل منهم و الي هوما صحاب لكواغط و قاع ،،

هادي هي
ههههههه
بصح في اي ميدان انتي ماعندكش العرف فيه راكي ضحية
لوكان تكوني في ميدان عندك فيه العرف راكي سلكتي

ايه عندك الحق ادا قلتي الراسة الكبيرة راهي ماتصلحش
وكل واحد يحكم في اللي تحتو
يعني لازم نصلحو الراسة الكبيرة............

بما انه ماعندناش امكانيات تخلينا نصلحو الراسة الكبيرة
واش نديرو؟؟؟؟؟؟
نقعدو نتفرجو في الحالة؟؟؟؟؟؟

مالازمش نوعّيووا الجيل اللي راح يرجع هو الراسة
ونخلوه يرجع اهل لمنصبه؟؟؟؟؟



على الحلول قتيلي ،،الصح معنديش حلول
راح ندير حلول على أكثر من آلاف الأشخاص؟؟
كل واحد يشوف لروحه و يحاول كيفاش يعدل منها
ولا كل واحد ينصح جاره ولا قريبه ولا صاحبه ولا حتى واحد شافه
يطبق هادا الشي -من شتى القطاعات-

ان شاء الله كل واحد يبدا يخمم باه يصلح روحو
خاطر لازم نديرو الخطوة الاولى والا راحت علينا
أما إني نخمم عليهم قاع؟؟



هادا رأيي

اهلا بك اختي
سررنا برايك
وان شاء الله بلادنا ما يكون فيها غير الخير .......


عاودي اقراي العنوان ومع رجعيها من
دوك تفهمي القصد هههههه

شكرا لك اختي
سررنا بمرورك
سلاااااااااااام

[ل..ب..ن..ى]

المشاركة الأصلية كتبت بواسطة الصديق الذهبي

ههههههه أسمحيلي الساع كنت جيعان ما قدرتش نكتب رد طويل الأمر
محير شوية وفيه مبالغة
ثعبان 2 متر راه مايكل جوردن في شكارة يدوه يشاركو بيه في بطولة
كرة السلة
من جهة أخرى الشباب نتاع درك متهور جدا ومشي الشباب برك مام
الكبار متعصبين ومتسرعين
أنا زميلي قتل الأستاذ نتاعي وراكم سمعتوا الحكاية في اكتوبر 2008
من يومها وليت مصدق بلي اي انسان
ربي يستر ......!
في بلعباس؟؟؟؟؟؟؟؟
خاصة الشباب المراهق يقدر يدير هاذ الأشياء
بصح واش نقولك أختي عمال الإدارة راهم فيهم مرض خطير ياو
الثعبان ويخاف منهم يعدوه

هه
والله يا خويا الناس كامل تخربطت من الشباب الضائع الى الموظفين الى كبار
الشخصيات.....ان شاء الله مايكون غير الخير في بلادي

لازم كل واحد يغير روحو باش البلاد يرجع فيها الخير


شكرالك

سلاااااااااااااااام

[ل..ب..ن..ى]

المشاركة الأصلية كتبت بواسطة وردة بجاية

ألوكان يحقروني نقعد نبكي.........
بصح الشاب راه مخبوط في عقلو........ماشي حل قاع اديرو لعكس واش يقدر يقدر اباصيه.....بلاك مريض نفسيا
بصح الله غالب الحقرة لدير هكا سورتو إذا كانت عدة مرات
صح وانا اعتقد ان الشاب تعرض لاكثر من هدا
وفي النهاية ...... تفجر خنقو في هده الجماعة
احضار ثعبان لست أبدا بفكرة......الجزائرين معروفين بسرعة غضبهم و تسرعهم.....
الجزائر كلها تمشي بالمعرفة.....و الحقرة........و التهميش
واش رايك نبلغوا على كل واحد يحقر يرشي .....ووو ؟؟؟؟
و الله انا متخوفة جدا من عدم اعطائي التخصص الذي أرغب فيه....خايفة الحقرة و المعرفة.....
لا ماتخافيش ان ششاء الله ربي يوفقك اختي
واللي فيها الخير ربي يجيبها
الحل الأنسب في بالي هو التحكم في رد الفعل......قالي يومين....أسبوع.......معليش نسنا حتى ايديروهالي.....
الحمد الله جهتنا سرفيس رابيد ماشي حاجة...... مكاش حقرة........واش كلش مراقب الحمد الله.......و الكل يمشي بالقانون

والرقابة الاولى من الله تعالى

شكرا لك اختي
وبارك الله فيك على المرور العطر
مبروووك عليك الباك
وربي يوفقك في حسن الاختيار


سلااااااااااااام

[الصريح 80]

للاسف مشكل البيروقراطية والذكتتورية وصل حتى هذا المنتدى فنحن نرى كيف يعامل البعض هنا فما بالك بالواقع
اللهم اهدنا الى السراط المستقيم
جازاك الله كل خير اختي وانا احيي حيويتك ونشاك بالخيمة

[chulussien]

المشاركة الأصلية كتبت بواسطة ل..ب..ن..ى

شكرا لك اخي على مداخلتك والله سررنا بها

بماانك موظف اداري
فنرجو ان تبلغ رسالتنا الى زملائك ربما الدين قد رايت فيهم الكسل ...!!

قوللهم الشعب راهو مغلغل هههههههه

شكرا لك
وارجو ان تتقبل بعض الفاظ مزاحي
شكرا


سلاااااااااااام

تعقيبا أقول أنني لما قلت باني موظف إداري، هذا لا يعني أنني أدافع عن الإدارة. ثم يجب أن أوضح أنني إبن هذا الشعب و ليست الدولة هي التي أنجبتني، لكني خرجت من رحم أم جزائرية و تربيت وسط إرهاصات هذا المجتمع، لكن الله كتب رزقي في أن اشتغل كإداري و الحمد لله.
لقد تعرضت كغيري لسلوكات رعناء من بعض المواطنين الذين يقصدون الإدارة، تراهم يأتون أفعال لا تكاد تفهم من أين يأتون بها. و مع أنهم يعلمون أن ليس لهم حق في بعض طلباتهم، فهم مدفعون بعقلية جمهورية أفلاطون التي تسكن عقله إلى تجاوز حقهم و سلب حقوق الغير.و عندما تكونين يعيدة عن الضغط تتجاوزين تجاوزه القانوني و الأخلاقي و في أحيانا أخرى تطبقين القانون بحدافيره.
اقول هذا و لا أنفي تماما أن سلوكات بعض الإداريين كذلك توحي و كأنهم يشتغلون في إرث أبيهم أو جدهم و أنهم القانون و العامة عبيد يجب أن يطيع دوما.
و ما أردت توضيحه أن العلاقة التي تحكم إبن الشعب ( الإداري ) و إبن الشعب ( الذي يقصد الإدارة ) هي علاقة حددها القانون، فلا يجوز تجاوز الحق للمطالبة بالإمتياز، دون احترام الطابور.
و إن أخطأت في حقك، لا تسحبي ثعبانا بطول مثرين لمكتبي، بل أرفعي في وجهي قانونا يعطيك حقك، حينها سترين كيف سأراجع موقفي و في الحين.
لا يجب أن يرمي كلانا الآخر بسوء النية ( لا أقصد أنا و أنت طبعا )، و يجب أن نحفظ واجباتنا كما نحفظ حقوقنا.
أما عن مشروع موضوعك، فأقترح تغييره إلى مشروع تغيير سلوكيات المواطن عامة.
أكيد أننا شعب نفهم عقلية بعضنا البعض و نفهم كيف يفكر غيرنا لأننا أبناء شعب واحد. و أنت تعلمين جيدا أنه يجب أن نوقف السير بالعقليات و العمل على السير بالسلوكيات و الإنضباط التام.
شكرا مرة أخرى

[ل..ب..ن..ى]

المشاركة الأصلية كتبت بواسطة الصريح 80

للاسف مشكل البيروقراطية والذكتتورية وصل حتى هذا المنتدى فنحن نرى كيف يعامل البعض هنا فما بالك بالواقع
اللهم اهدنا الى السراط المستقيم اللهم امين
جازاك الله كل خير اختي وانا احيي حيويتك ونشاك بالخيمة
شكرا لك اخي
وحيويتك زادت للخيمة اشراقا شكرا لك

ايه حتى بلاصة ماتسلك
بصح راهي لحقت للمنتدى؟؟ ههههههه

المشاركة الأصلية كتبت بواسطة chulussien

تعقيبا أقول أنني لما قلت باني موظف إداري، هذا لا يعني أنني أدافع عن الإدارة. ثم يجب أن أوضح أنني إبن هذا الشعب و ليست الدولة هي التي أنجبتني، لكني خرجت من رحم أم جزائرية و تربيت وسط إرهاصات هذا المجتمع، لكن الله كتب رزقي في أن اشتغل كإداري و الحمد لله.
لقد تعرضت كغيري لسلوكات رعناء من بعض المواطنين الذين يقصدون الإدارة، تراهم يأتون أفعال لا تكاد تفهم من أين يأتون بها. و مع أنهم يعلمون أن ليس لهم حق في بعض طلباتهم، فهم مدفعون بعقلية جمهورية أفلاطون التي تسكن عقله إلى تجاوز حقهم و سلب حقوق الغير.و عندما تكونين يعيدة عن الضغط تتجاوزين تجاوزه القانوني و الأخلاقي و في أحيانا أخرى تطبقين القانون بحدافيره.
اقول هذا و لا أنفي تماما أن سلوكات بعض الإداريين كذلك توحي و كأنهم يشتغلون في إرث أبيهم أو جدهم و أنهم القانون و العامة عبيد يجب أن يطيع دوما.
و ما أردت توضيحه أن العلاقة التي تحكم إبن الشعب ( الإداري ) و إبن الشعب ( الذي يقصد الإدارة ) هي علاقة حددها القانون، فلا يجوز تجاوز الحق للمطالبة بالإمتياز، دون احترام الطابور.
و إن أخطأت في حقك، لا تسحبي ثعبانا بطول مثرين لمكتبي، بل أرفعي في وجهي قانونا يعطيك حقك، حينها سترين كيف سأراجع موقفي و في الحين.
لا يجب أن يرمي كلانا الآخر بسوء النية ( لا أقصد أنا و أنت طبعا )، و يجب أن نحفظ واجباتنا كما نحفظ حقوقنا.
أما عن مشروع موضوعك، فأقترح تغييره إلى مشروع تغيير سلوكيات المواطن عامة.
أكيد أننا شعب نفهم عقلية بعضنا البعض و نفهم كيف يفكر غيرنا لأننا أبناء شعب واحد. و أنت تعلمين جيدا أنه يجب أن نوقف السير بالعقليات و العمل على السير بالسلوكيات و الإنضباط التام.
شكرا مرة أخرى

اخي وانا معك والله فيما تفضلت
انا لما طرحت الموضوع
يعني كنت ابحث عن فكرة لأسُدَّ بها فراغا في
لهدا لازم اجادل الكل في فكرته للوصول الى فكرة سليمة
هده طريقتي في بناء شخصيتي
المهم :

انا اعلم انك مواطن قبل ان تكون اداريا
وانا مواطنة وربما قد اكون يوما ادارية .....

يعني من بين الاعضاء اللي ردو على الموضوع انت كنت بالنسبة لنا حالة خاصة
لانك في الميدان الاداري
لدلك حبيت شوية نقرعج ههههه ماخلاوكش المواطنين مع الوثائق زدتلك همي هههه

انا والله اود تكوين فكرة لا غير


بارك الله فيك اخي
وما اطرته بالاحمر في ردك رايته احد الحلول
التي علينا اتباعها

العنف لا ياتي بنتيجة ........ صح وانا معك


بالنسبة للحملة
هي في بدايتها
وان شاء الله راح مع الوقت تتوسع وكل مرة نزيدو فيها فكرة
في النهاية لمصلحة البلاد

جميلة فكرتك اخي
فتغيير سلوكيات المواطن هي هدفنا
شكرا لك
ونعتدر على الازعاج دوخناك هههههه



سلاااااااااااااااااام

[زهرة الجزائر 07]

المشاركة الأصلية كتبت بواسطة ل..ب..ن..ى

اهلا بك اختي
سررنا برايك
وان شاء الله بلادنا ما يكون فيها غير الخير .......


عاودي اقراي العنوان ومع رجعيها من
دوك تفهمي القصد هههههه

شكرا لك اختي
سررنا بمرورك
سلاااااااااااام

و عليكم السلام

راجعت العنوان؟؟ ههه
قلتي مع الفساد ماشو من الفساد
هههه


،،،،
أما على قضية تطبيق القانون
علبالي كل واحد يطبق القانون في المجال الي فيه
لكن درك هادو الموظفين-الي يخرجو في قلوب لعباد-
يقولو رانا نطبقو في القانون
و القانون هادا جاي من فوق
صافي للفوق جاو على هادي النقطة و طبقو فيها القانون؟؟؟
و فيصوالح لخرين،،
يضربو النح هههه

فهمتيني؟

،،،،،

[ل..ب..ن..ى]

المشاركة الأصلية كتبت بواسطة زهرة الجزائر 07

و عليكم السلام

راجعت العنوان؟؟ ههه
قلتي مع الفساد ماشو من الفساد
هههه


،،،،
أما على قضية تطبيق القانون
علبالي كل واحد يطبق القانون في المجال الي فيه
لكن درك هادو الموظفين-الي يخرجو في قلوب لعباد-
يقولو رانا نطبقو في القانون
و القانون هادا جاي من فوق
صافي للفوق جاو على هادي النقطة و طبقو فيها القانون؟؟؟
و فيصوالح لخرين،،
يضربو النح هههه

فهمتيني؟

،،،،،

ايه فهمتك
شكرا لك

كنت فاهمة في الحقيقة واش هو نحب نكعرر هههههه

شكرا اختي

وفقنا الله واياكم لما يرضاه
ان شاء الله

سلااااااااااااام