الى كل مترشحي باك 2010 سواء فزت بالباك ام لا

[amouna AYA]

الف مبروك للاخوة الناجحين وان شاء الله عقبال الغير ناجحين

اخت الهام انا متحصلة على شهادة البكالوريا بمعدل 14.12 والحمد لله على هدا سعبة لغات اجنيبة
في الحقيقة لقد درست في فصل الصيف واذكر اني بدات بعد ان سمعت بنتائج بكالوريا 2009 لكن لكي اكون صادقة معك لاتتعبي نفسك كثيرا لانه عندما يبدا الفصل الدراسي ستتعبين اكثر وسيكون ارهاق للنفس فقط
انصحك ان تدرسي لكن لا تكثري من دلك حتى لا تتعبي خدي ماهو مهم فقط ان مثلا بدات بالفرنسية لانها مادة اساسية وازحت نقاط ضعفي فيها وادكر في شهر رمضان درست الادب العربي وطول فصل الصيف بحثت في الانترنت على المواضيع les sujets
انصحك ان تلقي نظرة على الرنامج في كل المواد
في التاريخ مثلا تحتاجين الى المصطلحات والشخصيات اجمعيها وكتبها في كراس خاص افضل لك
ونفس الشيء في الجغرافيا وهكدا مع بقية المواد

لكن لاانصحك بالدروس الخصوصية لانها سترهقك خصوصا في فصل الصيف

انتظري حتى الدخول المدرسي انا شخصيا قمت بالدروس الخاصة في مادة الفرنسية مند بداية العام وفي الرياضيات مند جانفي وارى انها هي اللتي ارهقتني

اسفة على الاطالة وانت استمعي الى صوت عقلك اولا وقلبك ثانيا

واتمنى لك النجاح انت وبقية المترشحين


bac2011 ان شاء الله النجاح

[امين الاسلام]

المشاركة الأصلية كتبت بواسطة الهام الحياة

السلام عليكم
فقط اردت ان اعرف ادا درستم في الصيف الماضي دروس خصوصية ام لا
لان صديقاتي الكل رايحين يبداو يقراو في الصيف المواد العلمية ... رياضيات علوم فيزياء .... و انا في قرارة نفسي اخاف ان الوقت يفوتني هما يقراو في الصيف و انا لا ..
اتمنى تعطيوني رايكم + تجاربكم + معدل كل واحد فيكم في الباك

و جزاكم الله خيرا مسبقا

والله انا راي الصيف للاستراخاء واخد فسط من الراحة لانو راهو جاي عام شاق وطويل وتزيدي تهلكي روحك في الصيف انا مانديرش دروس خصوصية في الصيف لانوالصيف للاسترخاء والاستجمام ليس لل دراسة وراهو العامي جاي بطولو وعرضو وقراي
وتقبلي مروري

[silver3100]

oui je trouve que c'est bien

[اميرة الابتسامة]

انا ضد الدروس الخصوصية.......اااه قصدي ميش رايحة نديرهم.......
ههه وين رايحة نديرهم بالاساس؟؟؟ ....... خلي نروبوزي وخلاااااااااااص

[sofiane1298]

douka khod rahtak ou memba3d etkal 3la rabi

[رائد القمر]

أنا لم أدرس في الصيف و حتى أثناء العام الدراسي أخذت شهر دروس خاصة في الرياضيات فقط

لا تتعبوا أنفسكم في الصيف و ربحت الباك ب 14.21 أكرر ما تزيدوش على أنفسكم ما رانيش نقول الباك ساهل لكن ما راهش صعيب لدرجة أنك تقري في الصيف أختي و الله أعلم لكن من جهة أخرى أنصحكم و بشدة في العام الدراسي بأخذ دروس خصوصية و سأكون في الخدمة من خلال موقعي المذكور في التوقيع . شكرا الباك جميييييييييييل

[خلووود]

مانكذب ماوالو ماقريتش في الصيف
بديت كي بدينا نورمال
وجبتو ب 15.03 والحمد لله
علاه تععي روحك دوك
كي تدخلي وزيري روحك برك
وبالتوفيق....

[lili2]

انا ديت باك معدل 13 مي اقراي الغات في الصيف فرنسيا وانجليزية و ادب
في سبتمبر ركزي على مواد عليمة مع شويا مواد ادبية وجانفي ركزي على كلش
انا معجتنيش معدل عام جاي نعاود البك

[الهام الحياة]

بارك الله فيكم على هده النصائح القيمة
احي كل من مر بموضوعي و كل من شاركني حيرتي سواءا بنصيحة تو بشيء اخر

انا استنتجت انو ما لازمش نقرا المواد العلمية
لازم نقرا فقط اللغات
شكرا و بارك الله فيكم

[اشراقة ميمي الصبح]

واش راكي الهام ان شاء الله تكوني بخير
انا راني معولة نقرا غير اللغات ومن بعد ندير مراجعة لدروس السنة الثانية
اما الدروس الخصوصية فسانتظر حتى بداية الدراسة وارى الاساتذة لانهم اغلبيتهم جدد وممكن حتى نغير الليسي

[الهام الحياة]

انا الحمد لله اختي ميمي و انتي

انا تاني بلاك نغير القسم ... لكن الدروس الخصوصية حتان الدخول تع العام الدراسي باش نبدأ نخير الاساتدة

[مومياء]

قراي الانجليزية والعلوم والفرنسية لانهم مواد مايتنساوش انا ديت 16.34 والله ظلموني خدمت مليح وماراهوش عاجبني المعدل الدروس الخصوصية ضرورية ولكن حتى العام الدراسي

[miro1991]

متتخلعيش من الباك اقرايلو عادي كيما قريتي في الثانية انا واحد من الناس ماقريتش في الصيف و مادرتش ليكور و جبت الباك ب12.40
و الفضل يعود الى الله سبحانه و تعالى
و الى جهود الاساتذة في القسم و الى الزملاء في النتدى
و الحمد لله