السلام عليكم
والله كلام جميل اخي
بصح مالازمش نخلو مقاعد الدراسة
هدا واحد خرج في السنة التاسعة اساسي
سنة 2003
لاسباب عائلية
جعلته يخرج من الدراسة بحثا عن عمل
المهم تكل على روحو وهو صغير في عمرو
خدم كامل واش يلقى
بداها يجمع صناديق البطاطا في الاراضي الفلاحية
ويجيب نهارو
ويعيش امو واختو
ودرجة درجة ........ بنى الدار بمساعدة الوالدة
واشترى سيارة
وراهو في العسكر ضركا
هادي 4سنين ملي دخل الجيش
اخر.........
خرج في السنة ال2 ثانوي
سنة والله لا ادكر
بصح هو من مواليد 1986
خرج وتعلم la soudure
وضركا عايش لاباس بيه
اشترى دار خاصة
وراه قريب يلحق للسيارة
ويحوس كل عطلة في بلاصة
مفحشش روحو
هادو راني نحكي عليهم
وكاين وحدخرين
واحد ولد خالي طالما كان بين المتفوقين
المهم كمل قرايتو
وراهو شاد الحيط
مرة يلقى خدمة ومرااااات راه شاد الحيط
القراية ماشي هي كلش
بصح كاين تانيك ...........
واحد قرا عندسة وراهو الله يبارك يعيطولو في كل مشروع
وحداخر اقرا وبحث في مجال الطاقة الشمسية
وراهو عندو شهادة دكتوراه
استاد وباحث
في المجال اكيد
وعايش لاباس بيه الدار واللوطو
قصص كثيرة
وكلها تحب تقول :
القراية ادا قريتها من قلبك يعني ماكنتش تغش في حياتك
ربي يجيبلك ان شاء الله
لازم تخدم اي خدمة ادا حبيت تنجح خاطر جامي يجيك الواجد
ادا مانجحتش في الدراسة ماشي نهاية الدنيا
خاطر الباك خطوة واحدة برك في هده الدنيا
وزيد الى اصحاب الباك
الباك ماشي هو المفتاح نحو الراحة
انه مفتاح نحو ابواب مغلقة
ومادامك في هده الدنيا الابواب ماراحش تكمل
حتى تصل الى الباب الاكبر
وهو الموت
وتتهنى من الدنيا
سلاااااااااام
( تقرير عن مشاركة سيئة )، و الموجودة أسفل كل مشاركة .
2010-07-09, 16:27
العرض المتطور
