ايه راك غالط يا ابو خولة
وراح ترفع عليك قضية جنائية
كاين بزااااااااااف شواطئ خاصة بالعائلات
والله ماتلقى فيها قرد ماشي محترم
كاين في تلمسان شاطيء بورصي
بصح ماشي هو اللي خالي من ولاد الشيكي والبيريكي
كاين شاطئ وحداخر اسمو شاطئ بيدر
مكان هادئ فارغ
نقولك حاجة ........
راهو شاطئ مساحته كبيييييييرة
ويروحولو برك العائلات
وبين الباراصول والبارصول
اقصد بين العائلة والعائلة
سطاد تاع بالون ههههه
النساء فيه كامل يعومو بالحجاب
ماكاش هادام التمقنين تاع تتمشى في الشط وخالع روحك
كل واحد جابد روحو
والكل يتمتع بالcalme من جهة وبراحة البال يعني ماكاش اللي يفسد عليك النقرة
وانت مع فاميلتك
وزيد البرود
علاه هدا الشاطئ هكدا... يعني لا يتردد اليه الشعب المهبول..؟؟
خاطر هو ماشي بعيد بزاااف على شاطئ بورصي
وشاطئ بورصي على الحدود المغربية
يعني الناس يروحو لشاطئ فيه لومبيونس وووو
ايمالا يخلو هاداك البحر
وزيد هدا البحر بيدر
فيه الحشيش
عليها مايروحولوش
كاين برك واحد الجهة اللي مافيهاش الحشيش
وزيد ماشي كامل الشاطئ محروس
ههههههه
الجهة اللي مافيهاش الحشيش
يعني فيها الرملة
ماشي محروسة.....!!!!!! ههههه
عليها مايروحولهاش
يعني ادا رحت وحبيت تقعد في الجهة اللي مافيهاش الحشيش
لازم تعسّ خولة والدراري الصغار هههه
لازم تكون تاكل على روحك
سورتو كاين حاجة وحدخرا
الجهة اللي مافيهاش الحشيش
من جهة الروشيات
هاداماكان
بصح بحر والله فوووور
تريح فيه
تاع الصح
سلااااااااااااام
( تقرير عن مشاركة سيئة )، و الموجودة أسفل كل مشاركة .
2010-07-09, 12:17
العرض الشجري