تكرهون البنات؟؟دخلوا وتغيرون رايك

[nawald]

والله فقط المبلع من راسو وما يفهمش هو اللي ما يحبش البنات خصوصا اذا كان الكره من طرف الاب ياك البنت درك راهي كيما الذكر في الخدمة وتقدر تعاون الاب نتاعها في كل شىء ونقلكم الحق انا ابي انفصل عن امي قبل ما نزيد انا وديما نقول كون كنت على الاقل شوي كبيرة كنت ما نخليهمش ينفصلو قولولي علاش ديما المراة في هاد المجتمع ديما مظلومة درك ابي عاود حياتو من جديد بصح في هاد الوقت ماهتمش بمشاعر بناتو وانا درك عايشة عند خالي واللي نعيطلو ابي لانو يستحق هاد الاسم طبعا
نتمنى حتى واحد ماهوش عايش هاد الوضع لانو والله غير صعيب بزاف كي الانسان حياتو كاملة ماشافش معنى العائلة الحقيقية ودرك كون نقعد نكتب ما نحبسش نتمنى تكونو بالف خير ولازم كل الناس يعرفو اهمية المراة في هاد المجتمع ويقدروها احسن تقديرونقلكم بلي لقيت اخوتي الحقيقيين في هاد المنتدى نشكركم بزاف كامل الذكور والبنات لانكم شكلتو معايا عائلة حقيقية