حوادث طريفة حدثت في الماضي القريب ....ضع ما تذكرته هنا هههه

[* أمل وطموح *]

هههههههه زدت تفكرت وحدة انا من عادتي كي نكون نمشي مع وحد نحط يدي على ساكها ولا كرطابل تاعها مرة كونا فالبلاد والازدحااااااام كنت نمشي مع صحبتي وكانوا قبلنا 2 بنات وحنا كونا موراهم قدقد انا من التيه تاعي حاطة يدي على ساك الطفلة لي قبلي ونمشي هي حست دارت ليا نحيت يدي وجاني الضحك خلاص وليت قطعت الطريق انا وصحبتي وحنا ميتين بالضحك وراني نسمع فيها تعيط بالاك سختلها كنت رايحة نسرقها


ومرة ثاني فالبلاد مع طفلة وحدة اخرى كنا نمشيو مبعد الاكتظاظ بزاف قاتلي امشي فالطريق والطريق نمشو بين الطوموبيلات انا فهمت بلي نقطع الطريق هي هبطت وانا دزيتها انا ندز وهي دز مسكينة بقيت غير ندز فيها زعما باش تقطع الطريق بلا ما نفيق لروحي قريب داتها طوموبيل هي جاية وانا ندز فيها مسكينة مبعد كالعادة نطرطق بالضحك عليها وحد 2 حاروا فيا سختلهوم راني مهبولة حتان وليت بدلت الطريق

وثاني مرة هاذي صحبتي تعوجلها خمارها وانا بقيت غير نضحك عليها وهي تعدلو ومايتعدلش وانا نقولها شوفي فيا ونطرطق بالضحك الطريق كامل وانا نضحك عليها وانا باش نوصل للدار لازم وحد 45 دقيقة وانا نضحك عليها مسكينة كرهتلها حياتها