طلبة باك 2011 تفضلوا

[مومياء]

انا فوت هدا العام الباك ونصائحي لممتحني 2011 في هده العطلة الصيفية هي :

راجعوا قواعد اللغة الاننجليزية تاع السنة التانية مليح لانه في الغالب ما يتناولوهاش الاساتدة في النهائي وهي الاساس وهي عناصر التابة في الباك مهما تغير الموضوع والدروس اللي لازم تهضموها في الصيف هي :
passive and active voice
reported speesh
w.h quetion
if.*condetional
more.much
ملاحظة : غادي تدرسوا هدا العام iwich
providing that
had batter
وكلها دروس اسهل من السهل ولكن انصحكم بدراستها في الصيف حتى تستثمرو الوقت في حل مواضيع وانصحكم في العام الدراسي ان تحلوا مواضيع البكاوريات اللي فاتو لانو الاسئلة نفس الدرس غير الجمل والموضوع يتبدل
نظل دائما مع الانجليزية لازم في هدا الصيف تديرو كراس 120صفحة (راني استادة) تجمعوا فيه المصطحات الخاصة بكل وحدة وهدا هام جدا يعني اول وحدة ستكون ان شاء الله عن الethic وستجدون ان اغلبية صطلحات هده الوحة يغلب عليها الطابع الاقتصادي ويوجد في منتدى الجلفة عمل يجمع اهم مصطلحات هده الوحدة وانا طبعته وكان دايما معايا في الجيب الى ان حفظت كامل الكلمات اللي فيه (طولت معلييييش؟)
اه نسيت في هاد الصيفية حفظوا شوية افعال irregular verbes
الفرنسية : اللي يعرف يعرف والي مايعرفش الله غالب يعني فهامة تاع التاكس وصاي ولكن راجعو ليكوز واللبوت راكم تعرفوهم؟

التاريخ خطيكم من الحفظة دروك
الرياضيات تدربو على الدوال والنهايات اول درس ولخصوا المتتاليات وخلوها بجيه امبعد تستحقوها
الفيزياء راجعو الكيميا الاكسدة والارجاع تقريبا نفسها مع بعض الزيادات
العلوم لا علاقة ولكن اكتسبو بعض المعلومات حول كيفية تركيب البروتين
الجغرافيا : الخرريييييييييييييييييييييييييييييييييييييييطة هذا مكان خاصة الاتحاد الاروبي حنوب شرق اسيا امريكا ودول المنضمة المنظمات
التاريخ طالعوا على الحرب الباردة الجزائر
الفلسفة ادا عندكم الوقت حفظوا اقوا الفلاسفة ووالفو تقولهوم ولول هباءا حول المنطق .الرياضيات .التجربة .الفرض.النهج التجريبي .الحرية


هدا ماعندي نقولكم واله ينجحكم ولي باغي حاجة يقةلي ما تخافوووووووووووووووووووووششش هههههههه :1:

[*قلبي ملك ربي*]

قبل كلشي نشكرك ختي على هاد الموضوع و هاد النصائح
صح عندك الحق ختي العزيزة رانا خايفين بزاف
بالصح كاينين بزاف اللي يقولك بللي هاد les vacances استغلوهم للراحة و بالاكو تقراو فيهم بزاف هكدا باش تدخلو ملاح
للعام الجاي . واش رايك؟
و الحاجة لوخرا تاع الأقوال في الفلسفة يعني من الأحسن نحفظو هم دوك خير
و بالنسبة للجغرافيا كيفاش نديرو مع الخريطة؟ حاب يقول نهزو خريطة و نبقاو نحفظو في البلدان وين جايين.هكدا؟
و الانجليزية زعما يكفيو اذا حفظنا المصطلحات تاع كل وحدة برك؟
ان شاء الله ربي يعاونكم و ينجحكم و اجيبوه ان شاء الله avec mention

[assossa]

merci khetii mais saaaaaaaaaaaaah rana khayfin ana ghir nessem3 kalmt bac newali nrejof wahedi yroooooh tafekiri b3id
ida 9erina doka matafarch 3lina ll3am jay ??????????????????????????????
aaana akeraaah lhefada w wach hiya lfalessaafa mana3erefach manpâ wach ya9eraw fihaaaaaa !!!!!!!!!!!!!!!!!!!!!!!!

[مومياء]

هدا الخوف قبل العام الدراسي هو نفسو الخوف تا الاسبوع الاخي تاع البكالوريامي في العام غادي تنساو الخو مشي بهائياولكن غادي تتلهاو بالدراسة فقط وعلى هدا ننصحكم بالابتعاد على :
*عدم الاكثار من الزميلات يعني هدا العام تاع مصلحة وبس ولكن لازم تكون نيتكم طيبة مع الناس فقط
* تجنبو النااس المتشاءمين وصاحبو القاريين الواثقين من نفسهم
* قلة الكلام عن دراستكم( العين حق )
* وقت الاستراحة ماتقراوش فيه النكت الالغاز وانصحكم بالعاب لغوية سالو بعضم اسئلة تكون متعلقة بالدراسة وتناقشوا في الدروس ولكن بطريقة ممتعة باش متملوش ولكن عرفوا حدود الوقت
*وماديروش على الناس نظموا احوالكم وتوكلوا على ربي

[مومياء]

الفلسفة مادة سهلة ولكن الغلطة فانو حتى الهاد العا م قروهانا وهدا لا يكفي لدا كل التلاميد ما يعرفوش حتى كيفا تجي الاسئلة وبعض التلاميد الكسالى ميعرفوهاش حتى الاسبوع الاخير

احنا الحمد لله قرانا استاد روعة فهمهانا من اول يوم

سوف اشرحها بطريقة مبسطة :
هي مادة ادبية معاملها ((اظن 2) لاابه بالمعاملات عندي كل المواد كيف كيف ) غادي الاستاد( ادا كان من النوع الرفيع) يعرفكم بالمادة
*اولا في الدرس يبد الاستاد يقدم في الدرس وانتوما واااااش تعملوا؟ انا انقولكم ديرو كرا س مخصوص وسجلو اي تعبير جميل قاله الاستاد او قول فيلسوف اومثال او فكرة جاتكم في تلل اللحظة
* يبدا الاستاد في عناصر الدرس ( هده العناصر هي اللي تجي اسئلة امبعد نتكلمو عليها)
* غادي الاستاد يعطيكم طرق المقالات كل سؤال عنده طريقة تجاوبو عليها
*هناك حصص تطبيقية يقوم الاستاد بطرح قضية او اطروحة تم تديرولها مقال
بعض النصائح :
ما تديروش غير عللاستاد انتاعطم شوفوا مدارس اخرى لانوا بعض الاساتدة وخاصة الفلسفة مختلفين
الفلسفة تعتمد عللاسلوب يعني تخبطهم بمقدمة هاديك هي وانصحكم بالاطالة وتعودوا عليها من بداية العام يعني عمر الدوبلوفاي وطمع باش التزيد وادا ما عرفتش اديها خروووووطي والله نصيحة مي المهم اتبع المنهجية فقط واعرف الكلمات المفتاحية
انا كنت ندي اعلى نقطة في الفلسفة على مستوى التانوية كانت عند تقريبا مقدمة واحدة لكل الدروس انموديفي فيها برك ونقولكم بلي كاين الي يحفظ الفلسفة كيما انا وكاين اللي يفهم الدرس وامبعد يشكل على روحو مي المهم هو الاسلوب وما يكونش ادبي 100/100 يعني دخلو كل المصطلحات الي شديتوها في ريسانكم باي طريق وكبروها باش يشوفها الاستاد ويقو ل التلميد راهو متمكن

ولكن انا اتبعت طريقة الحفة يعني حفظت من كل درس مقالة وادا جات مقالة مخالفة للسؤال اللي راني شاكة في انمووديفي برك ولكني نحفظ ومكانش الي يقولكنم انا ما نحفظش الفلسفة حتى الاستاد يحفظ عسووووووووووووووووووه هههههههههههه

[مومياء]

ادعيو لي نجييب الباك ومن قلوبكم وفي الصلاة
ارجكوم ما بقى والو للنتيجة

[مومياء]

المناقشة مع الزملاء تجعلك تكتشف نقاط ضعفك...لتتوقاهاولكن ما تفقدش الثقة بنفسك ولو معرفتش اخدمو على نقاط ضعفكم

[*قلبي ملك ربي*]

المشاركة الأصلية كتبت بواسطة مومياء

ادعيو لي نجييب الباك ومن قلوبكم وفي الصلاة
ارجكوم ما بقى والو للنتيجة

ان شاء الله يارب
أكيد رايحين ندعيولكم
و باذن الله اجيبيه
بالصح قوليلي جوابك بالنسبة للـ

الاقوال في الفلسفة يعني من الأحسن نحفظو هم دوك خير
و بالنسبة للجغرافيا كيفاش نديرو مع الخريطة؟ حاب يقول نهزو خريطة و نبقاو نحفظو في البلدان وين جايين.هكدا؟
و الانجليزية زعما يكفيو اذا حفظنا المصطلحات تاع كل وحدة برك؟

و المصطلحات الانجليزية وين نصيبوهم؟ علاخاطر صبت هنايا في المنتدى غير تاع الوحدة الأولى

[مومياء]

لا اقوال الفلاسفة كل درس ننصحكم باش تطالع على اقوال الفلاسفة واكيد الاستاد غادي يعطيكم المهم من الا'قوال ولكن اجتهدوا لاثراء مقالاتكم لانها بالفعل مادة جميلة نسطيع من خلالها تبيان مستوانا الفكري والفلسفي والثقافي والاسلوب الجميل
اما بانسبة للخرائط كانت عندي طريقة وهي اولا انا كانت عندي خلفية حول بعض مواقع البلدان المشهورة متال فرنسا نبدا نشوف شكون فوقها وتحتها وحداها ونبدا نقول من فرنسانروحو لالمانيا وهكدا وكل مانشوف في الكتاب ولا الدرس بلاد نحاول نحدد الموقع تاعها في الخريطة كما كانت عندي خريطة صماء ( فيهاغير الحدود) ونبدا نراجع في البلدان مع الاستمرارية من العطلة الصيفية الى الشهر الاخير كنت متمكنة من كم هائل من البلدان وحابة نقولكم بلي في الباك حطونا دول الاوبك مع ان الاستاد متطرقنلهاش مي كنت شايفتها في الانال ادا لابد من الاستعانة بكتب الخارجية
كي تبغو تشوفوا البلدان حاولو تشوفوا كل منطقة على حدى مثل دول جنوب شرق اسيا والتي منها النمور والتنينات وحاولو تستعينو بهذه المصطلحات في بناء المقالات لاثراءها
اما الانجليزية ماتحفضوش برك مي حاولو تحضروا في الدار التمارين وتناقشو مع الاستاد في القسم باش تثبتوا المعارف حول الموضوع المتناول وغادي تصيبوا في الكتاب المدرسي مفاهيم حاولو تشرحوها بالاستعانة بالقاموس الى العربي واجتهدوا في بناء التعابير والوضعيات وفي العطلة حاةلو متحضوش المصطلحات جافة لانو غادي تملو
ولكن طالعوا مواضيع حولها متل
corruption. .. bribery ...immitate..advertisment
نعم كاين غير للوحدة الاولى والباقي انت وقاموسك واسالي الاستاد على السينونيم

[مومياء]

السنة باينة فيها وضعية ادماجية كاش ماراكم محضرين

[soulimha]

merci beaucoup mon frére c'est trés gentill mais ask tu peux aides- nous à fin de donner les paroles de philosophes stp

[barbari21]

li ray7in ye3agbou bac 2011 a9rawe fe bidayet 3am bark we matghalabech ro7ak nadam wa9tak we falsafa wach jibe fayda we nansa7koum ro7o lta7lil nas a7fad manhajiya dyalou hada makan we ba9i a9ra mli7

[مومياء]

المشاركة الأصلية كتبت بواسطة soulimha

merci beaucoup mon frére c'est trés gentill mais ask tu peux aides- nous à fin de donner les paroles de philosophes stp

انا اختكم الكبرى ان شاء الله وانا حاضرة ادعيولي برك

[أَبُو رَُئَيـــــــــــــــــــــــْمْ]

اختي ممكن تعطيني معاملات المادة و شكرررررا

[soulimha]

انشائء الله التوفيق للجميع