حوادث طريفة حدثت في الماضي القريب ....ضع ما تذكرته هنا هههه

[* أمل وطموح *]

هيا وشمن حكاية نحكيلكم بزاف كلما نتفكر وحدة تزيد تجي معاها ختها
مرة كنت نمشي وتايهة وكانوا هاذوك ليامات رايحين يلعبوا الخضر كيما يقولو يسما تعرفو وش يصرا كي يكونو رايحين يلعبو الغاشي كامل يلطابلات والدرابوات والغنا داير حالة ايه نوليو لحكايتنا انا كنت نمشي وتايهة خلاص ايمالا شفت حاجة ملونة بالأخضر والأحمر والأبيض تتحرك والله العظيم يمكن ماتصدقونيش ولكن زالله غير وش جا في بالي هاذيك اللحظة لأني هاذ الحاجة شفتها جانبيا برك يعني كانت بعيدة عليا وعلى اليسار تاعي وش قلت ؟؟؟؟ قلت وشبيهم هاذو على جال ماتش يلونو للجاجة جنحيها بالاحمر ولخضر ( وهي بيضة طبعا هذا هو مصدر الأبيض ) ويخليوها تتخبط مسكينة فالطريق نمشي شوي ثو ........... اسما هبلتي اااه مهبولة نورمال وش صرالي انا صح مهبولة وشمن جاجة يخي تفكير يخي لقيت روحي نهدر مع روحي ونقول لروحي في هاذ الهدرة قلت بصح وشيوا هذا أكيد ماهوش جاجة كي شفتو ههههههههه لقيتو درابو يرفرف كان شويييييييي ريح
نزيدلكم وحدة مرة كنت نمشي انا وصحبتي ومبعد تهت شوية ومبعد طرطقت بالضحك وشبيك وشبيك بدات تسقسي مسكينة قولتلها راكي تشوفي في هذاك الراجل لي راهو جاي مالصباح وانا نقول هذا وش بيه لاه يبيع الحجار بالاك كاين حجار يتباعو قلتلها على هاذيك لي تهت مسكينة بدات تقول شوفو ياناس هاذي الطفلة مانعرفهاش راني مديتها لسبيطار لمهابل برك بصح السؤال المطروح وش كان يبيع هذاك الراجل
........
............
.................
كان يبيع فالكرموس يعني تين مجفف ياك يديرولو الفرينة انا بانلي حجار بويض