حوادث طريفة حدثت في الماضي القريب ....ضع ما تذكرته هنا هههه

[*ألخيال*]

المشاركة الأصلية كتبت بواسطة assouma.a

ونهار جا يجري مورانا وحد المهبول بالعصا انا وصحبتي وحدها
ايه نزيدلكم وحدة ثاني مرة كونا مروحين انا و 2 صحاباتي وكنا نمشيو ورا شيخ الله يبارك طويييييييييييل وهاز عصا طويييييييييييلة مالا حنا سبقناه وصحبتي قاعدة تشوف فيه كي عقبت عليه طلعت راسها باش تشوفو وهو فاقلها ويهز لعصا تاعو انا قريب مت بالضحك بديت نجري خفت جي فيا الضربة وهي مسكينة سلكت في اخر ثانية لعصا تاعو طويلة قد ما تجري ماتسلكش منها بصح انا قريب طحت فالارض مالضحك هاذاك النهار
ومرة ثاني كنا نمشيو انا وهاذ الطفلة تاع الشيخ ومعانا وحدة اخرى كنا نمشيو ونحكيو وفجأة نطرطق بالضحك وقلتلهم توليو شويا للوراء ولينا وانا بديت نضحك نضحك خلاص ماقدرتش نوقف مالضحك حتان ولاو يهزو فيا ويعجبك كونا فالبلاد يعني التبهديل وصحبتي هاذي تعرفني مليح بقات تسقسي فيا وشبيك وتضحك على خاطر انا راني نضحك وانا نجي نحكيلهم نزيد نضحك وكي نشوفها تضحك بلا ماعلابالها علاش راني نضحك يزيد يجيني الضحك وصحبتي الخرى كنت عرفتها هاذاك العام برك مسكينة تشوكات بدات تقولهم رايحة تموت يا رايحة تموت وانا نسمعها نزيد نضحك نص ساعة وانا نضحك قريب مت وكي حبست قلتلهم شوفو شوفو هاذي الروبة - robe - كيفاش مدايرا ااااااااااه صح منعت مالموت بالضحك قريب قتلوني هوما

.قلنا المحكمة العسكرية قضت بمنعك من الضحك لمدة سنة حفاظا على حياة الابرياء