السلام عليكم أولا حبيت نسقسيكم كامل شايفين سعدان دركة خرف واهبل وبكاي وما يستهلش يكون مدرب فريقكم في حين قبل 7 أشهر كنتوا تشوفوه البطل القومي اللي فرح 35 مليون نسمة هو والكتيبة ديالوا ولا أشباله كيما كانوا يحبوا يسموهم,بعد مقابلة أو ملحمة أم درمان قلتوا كااااااااااااااااامل كيما الجزايريين كاااااااااااااامل كانوا يقولواعلى سعدان بلي :هو المدرب الدي نهض بالفريق الوطني و رفع مستواه إلى مصاف الكبار.
واليوم بانلكم سعدان منكر ومهبول وبكاي وإلى غير دلك انتوما الجزايريين براغماتيين اتبعوا غير القوي اتبعوا غير القادر كيما تقول ماما انتوما العرب عامة والجزايريين خاصة حبيبكم في حجركم ................
واللي راه شايف سعدان اهبل وما يفهم والوا كيما يقولوا السوريين يورجينا مراجلوا خلاهلكم سعدان 24 سنة واش درتو؟كاش واحد فرحكم ف24 سنة كيما فرحكم هو والفريق ف18 نوفمبر؟ولا ما اسهل الفاس في يد الناس؟ولا وليتوا كااااامل تفهموا فكلشي؟إدا علاش عندكم مدرب؟روحوا انتوما دربوا فريقكم,كل واحد يقول كليمة ونشوفوا بالاك يجيبولكم الكاس لدزاير بلا ما تلعبوا بلا ما تشقاو بيان سور تولوا السوبر فريق,الفريق الحديدي علاش يشقوا ارواحهم ويواجهوكم كامل رايحين يخسرو معكم ولا واش؟ الهدرة فالوسع ساهلة؟
و الأخت اللي قالت يجيبوا ماجر نقوللها ماجر كي جا يدرب الفريق الجزائري ما كانش يهتم باللعب ولا الاعبين كان أكبر هموا شعروا يبقى مجبود وحاكم لا فورم,الكوستيم ما يتكمش و الصباط ما يتوسخش لأنهم غاليييييييييييييييين وخسارة يتكرفصوا علاجال الفريق.
إدا نقوللكم اخطوا راس سعدان وبركاو ما جايبينها عقابوا ,واتفكروا بلي هو اللي فرحكم بعد 24 سنة وما تكونوش نكارين خيروطماعين لعبتوا الدور الأول فالمونديال يكفيكم والمهم النشيد الوطني الجزائري عزف في المونديال زكارة في شي ناس وهدا ماكان ويعطيه الصحة سعدان وصح شيخ الشيوخ والباقي والو قداموا واللي حب حب واللي ما حبش كيفكيف.
وأنا من جيهتي بلدي وإن جارت عليا عزيزة وأهلي وإن ضنوا عليا كرام والدنيا كامل هكدا تمشي نهار ربح نهار خسارة ماكانش اللي رابح على طول الخط
والسلام عليكم
إكراااااااااااااااااااااااااااام
( تقرير عن مشاركة سيئة )، و الموجودة أسفل كل مشاركة .
2010-06-14, 12:02
الجزايري عمروا ما كان نكار الخير يا ولاد الجزاير
العرض المتطور
