لقاء الاعضاء 37....اليك الخط اختنا*** زهرة الجزائر07*** - الصفحة 6

رحاب الأمل · 2010-06-12, 00:58

السلام عليكم
في امااااااااااااااااااااان الله
غدوى ان شاء الله

زهرة الجزائر 07 · 2010-06-12, 01:25

اقتباس:

المشاركة الأصلية كتبت بواسطة كمال الاسلام

صباح الليل اختي اسماء

نور بنجومو ............
قصف جديد وسريع اخر

تفضل.......
من من الاعضاء

تفكيره ترينه الاقرب الى تفكيرك؟

صراحة لا أدري.........
من جذب اهتمامك لدى تسجيلك ؟

هادي قصة طويلة شوي مش بزاف :d
كاين عضوة
دايما نقرا ردودها و مواضيعها
و دايما في ردودوها ملهوفة يعني متسرعة و عندها كلمة وحدة
داااااااااااااااااايما
أيا كرزتني بزاف
قلت نشوف وش بيها هادي الطلفة
و لحد الساعا معرفتش وش بيها
مزالت تكتب نفس الكلمة في ردودها
يعني همها الوحيد هوا إنو تزيد المشاراكات فقط
شكون من الاعضاء تتمناي ما يدخل ومايشوف اللقاء ؟

هههههه طبعا كنزة
علاش تسهري بزاف متنعسيش؟

:d لا ننعس و سيرتوا ليوم راني هلكانا و راني قاعدا نجاوب
لكن الله غالب عندي أرق
بالسيف لا يجيني النعاس في الليل
و زيد عندي إدمان على النت
لديك اكثر من عام من التسجيل

إيه
سجلت في 6 أفريل
واش رايك في المنتدى بين 2009 و 2010

سنة 2009 مكانش عندي علم كبير بالمنتدى
يعني ندخل قلييييييييييل مش بزاف
لكن في أواخر 2009 و بداية 2010 حتان يومنا هادا أصبحت من المدمنات على المنتدى

واش هو طباع الجزائري لقلقك
[font=tahoma][/font
كاين صوالح بزاف .............]
نكره صحاب لهيب هوب
لجان نتاع هادا الزمان
يعرفو غير الجيب
يديرو أي شي باش يعمرو جيبهم
و إلا باش يبانو قدام الناس رام لفووووق
النفاق ..الخداع أيضا
و زيد الدخان و قاع
مش عارفا حاسبين في الدخان رجلة؟؟؟؟؟ ولا كي يقولو لكلام العيب؟
رام خلاص وصلو للسما
الجهل - لخف فوق لحساب- الهدرة الزايدة- .................الخ
و زيد حبيبهم الجديد لبابور
حاسبين في البابور راو لخلاص
يضالو يتهربو من بلاصة لبلاصة يتخباو من لمارين
و ما يجو يدخلو للبابور حتان يطيح بيهم البابور في ربع الطريق :d
أيضا يشرب الخمر يزني يقول أبذئ الكلام و يصول رمضان؟؟؟؟؟؟؟؟؟؟؟؟؟؟؟؟؟؟؟؟؟؟؟
واش هو الطباع الجزائري ليعجبك

نبغي يكون راجل بمعنى الكلمة
ما يشوفش للمظهر الخرجي
ينضر و يمعن نضره في المضهر الداخلي
و يحاول إنو يفهم الشخص الي معاه
أيضا يكون عندو أسلوب حوار راقي
بعيد عن الرياء و النفاق
خلوق- يقول كل صلاة في وقتها - يحفظ كلمات الله و يعمل بها و يخاف من المولى
حسن المظهر الداخلي
صفاء نفسه و طيبة قلبه
يخاف غير من ربي
متهفوش الدراهم ولا الجاه ولا السلطة
همو الوحيد هوا إرضاء الله ثم إرضائي
يكسب لقمة عيشه بالحلال
و لايهمني إن كان أميا أو متعلما
المهم الأخلاق
شحال مقدار المهور عند الاقارب تواعكم ؟
[size="4"]
كل شخص و حسب طاقتو
كاين 30 كاين 20 كاين 10
كاين ميمدش قاع
كاين الي يشرو الراجل مش جيبو[/
size]
أما عن أهلي فخيرلك متسمعش هههههههه
وما رأيك في غلاء المهور

غلاء المهور
تسبت في زيادة نسبة العنوسة
أصبحت عامل أرق لعديد من الشباب
لواحد باش يجي يزوج
يدير مليون ألف حساب
و الناس نتاع هادا الزمان
مترحمش
يحوسو غير لجيبك
برك
لابغا تكون كريمنال و عندك دراهم حمرة
يقولو قابلين
كان جاي في يديك تحددي المهر شحال تطلبي؟

مش عارفا هههههههه
واش معولة تقراي في الجامعة ان شاء الله ؟

مهندسة
معليش منكثرش عليك

الحمد الله كي شفيتك
عينيا حوالو هههههه
نقجم برك
عادي مكان حتى مشكل
و لا تكثار
أي سؤال راني حنا
مغديش نهرب

بصح نرجع ان شاء الله

و أنا في الإنتضار

ليلة سعيدة

زهرة الجزائر 07 · 2010-06-12, 01:28

اقتباس:

المشاركة الأصلية كتبت بواسطة سرور

مررت لالقاء التحية اختي زهرة ........ساعود لاحقا ان شاء الله.................

السلام عليكم

عطرتي الصفحة أختي بمرورك

إن شاء الله

ليلة سعيدة

زهرة الجزائر 07 · 2010-06-12, 01:30

اقتباس:

المشاركة الأصلية كتبت بواسطة رحاب الأمل

السلام عليكم
شفت دعوى كبرت وانت راكي مصروعة من سفر
رحت طيبتلك بريق تاي باه تفطني طبعا بمساعدة عمك قوقل

اسكتي برك

الساعا راهي 1:28

حاسا راسي قد الكرة الأرضية قاع هههههه

بقاولو شوي ردود نخلصهم

و ديراكت للفراش

ربي يعيني على الإستيقاظ للفجر

جات متأخرة شوي هههههه مي عليش

نخبيه لغدوا

مكانش مشكل

زهرة الجزائر 07 · 2010-06-12, 01:31

اقتباس:

المشاركة الأصلية كتبت بواسطة سرور

طابت ليلتكم

في امان الله أختي سرور

زهرة الجزائر 07 · 2010-06-12, 01:32

اقتباس:

المشاركة الأصلية كتبت بواسطة ~@*صدام الحسين*@~

تحية وسلام ومرور ....اهلا بالضيفة

مرحبا بك أخي الكريم

سرني تواجدك

دمت في رعاية الله

ليلة سعيدة

زهرة الجزائر 07 · 2010-06-12, 01:33

السلام عليكم

أخييييرا كلمت الواجب هههههه

أردت فقط أن أتقدم بكل الشكر و التقدير

لكل من مر من هنا

و عطر صفحات هذا الجمع

بريحه الفواح

و بارك الله فيكم

ليلة سعيدة

غدا إن شاء الله

رَكان · 2010-06-12, 08:20

والله مليح...

المفروض أننا نستأمن البعض ولا نلتفت إليهم..قدماء في البيت..أحرص الناس على الإلتزام بقوانينه بل يساعدون غيرهم الجدد على الإلتزام بها..لا بل أعينهم يقظة..حارسة...مؤسف والله..
هلا تذكرتم هذا البند من قوانين منتدياتنا ؟؟؟؟؟؟؟

تمنع الدردشة التي لا طائل منها... و كذا المواضيع المشابهة كالألعاب في أقسام التسلية و الترفيه التي لا فائدة منها ...و التي تؤدي للدردشة بين الجنسين...

سأكتفي بغلق الموضوع الآن ...حتى لا أتخذ إجراء آخر..وإنه لبمثابة تحذير..هو أولٌ وأخير....