الاخت الغالية ((صمت الجزائر))) ضحية المجهر لهذا الاسبوع

[شقراء]

مساء النور على الكل
كيف انت مع المجهر المهم عندي سؤال واحد وما نكثرش عليك
واش هي الهواية الي تمارسينها بعد الخياطة وان كان الخياطة ما تخلي حتى وقت فارغ اعانك الله

[صمت الجزائر]

المشاركة الأصلية كتبت بواسطة شقراء

مساء النور على الكل
كيف انت مع المجهر المهم عندي سؤال واحد وما نكثرش عليك
واش هي الهواية الي تمارسينها بعد الخياطة وان كان الخياطة ما تخلي حتى وقت فارغ اعانك الله

السلام يا اختاه......والله انا انسانة ...عادية والخرجة ديالي قليلة.....اذن حتى الهوايات ما عنديش...كل اهتمامي في العمل ديالي...تعلمت كل الصنعات ...ومازال نحس روحي مانعرف والو...وخصوصا لما نشوف احد الاعمال للخياطات وتعجبني الخدمة ديالها...ولما دخل الميكرو والنت لبيتنا....انصب اهتمامي عليه....وتعلمت لوحدي بدون اي مساعدة..فتقريبا كان داي كل وقتي ....والمطبخ كذلك له جزء كبير في حياتي وخصوصا الحلويات ...وكانت عندي مشاريع...ولكن ....خليها على الله وشكرا لك وبارك الله فيك

[صمت الجزائر]

المشاركة الأصلية كتبت بواسطة بنت سكيكدة

وهذا اللقاء الممتع مع مبدعتنا الاخت الغالية

شارف على الإنتهاء ولو ماهو ودنا الحقيقه لأن هذه الأنثى بما تحمله الكلمة من معنى

خدمت منتدى التجارب المنزلية و الاشغال اليدوية بالشيئ الكثير

عن طريق تشجيع المواهب الشابه و تعليمها والحديث عن هذه الفنانة ليس له حدود

ولكني سأطرح بعض الأسئله وآمل الإجابه عليها اختي

1/ ما مصدر ثقافتك ؟

2/ اى المدن أقرب إلى قلبك ؟ ولماذا ؟

3/ لو خيرتي للعيش فى ( القاهرة - الامارات - لندن - الصين -تونس -فرنسا) أيهم تختارين ولماذا ؟

(((صمت الجزائر))) كلمتان تذكرانني بالموقف الاخير او بالاحرى بالازمة الاخيرة بين الجزائر و مصر و كيف عبرت الجزائر حكومة و شعبا عن موقفها بالصمت و الحكمة بدل الثرثرة التي لا تجدي على شاشات التلفزيون فلم تندم على صمتها كما ندم بضم الميم و كسر الدال على الثرثرة

04/ صمت الجزائر كشخص اي نوع من الصمت تفضل؟

5/ و أخيرا كلمة للمذيعة الفاشلة

بنت سكيكدة

دمت كما تحبين و لمن تحبين اختي العزيزة

و لك كل الود

صباح الخير يا اعز الناس...والله راكي اخجلتيني ....بتلك الكلمات الطيبة....
1_مصدر ثقافتي...هو حبي للناس ...وطيبة قلبي خلاوني...نتعلم من كل احد.......نطلب النصيحة قبل ..ما انا نمدها.....واللي يطلبني للمساعدة نحاول بكل ما عندي...واهم شئ هي....كلمتي....وفية ليها...والله كي نمدها...ما نرجع فيه ...ولو بالموت
2_ والله يا بنت سكيكدة ..ماعنديش اي مدينة محببة الى قلبي...كل بلادي نحبها...ونتمنى نزور كل مكان وكل شارع وكل حي بسيط فيها....
3_الامارات...حلمي وللابد....وتساليني وعلاش....نقولك...لما نشوفها على التلفاز....نعتز بالاسلام ..ديالي ونقول هذه ثاني من الدول المسلمة...وراهي تبان احسن واجمل واروع من الدول الاجنبية...ونقولك حاجة لو اتتني الفرصة باش نعيش في احد الدول الاجنبية مثل فرنسا...ارفض.....ومن صغري وانا رافضة هاذا الشئ.....

4_ الصمت العادي ....بصح نقولك حاجة ...كي نتنارفا.....ههههههههه

انا كنت نتابع من بعيد الاحداث الاخيرة...وقولي تقريبا على القنوات المصرية..ويا سبحان الله....(كي ما قدرش يقطف العنب..قال عليه حامض)..وهاذي ليهم وعليهم.....والرئيس ديالنا....كان صمت الجزائر...وعبر ان لايرد في الفراغ...ولكن بالعمل والعزيمة...لنتحدى كل الصعاب....هاذا راي....واش من فايدة لما نرد...واليوم راهي عندهم الهزيمة والهدرة الباطلة واحنى...ربحنا ..عزت نفسنا.... وكرامتنا حفظناها ..بايدينا..واعمالنا..اليوم كل الصحف المصرية اتجهت الى لبنان ......مقتل المصري...في لبنان...وشوفي واش صرى....عذب بابشع الطرق...ويالها من صور...لما شفتها على النت بكيت.....الله يهدي الجميع

5____والله انتي تنحطي على الجرح يبرى...واللي قال عليك فاشلة...جيبيه لعندي.....وانا نتحاسب معاه....هههههههه
انتي اعز الناس...والله من قلبي نقولك واصلي...انسانة مثقفة...وعاقلة...ورزينة...ويابخته اللي يديك...وتكوني زوجته...انتي كنز ...في الوزن قليل...والثمن غالي...يعني انتي جوهرة...ربي يحفظك ويصونك ...وبارك الله فيك

نتمنى اني كنت خفيفة...في كلامي...بسيطة في تعبيري....قيمة في افكاري....ونتمنى للجميع النجاح والفلاح وباركالله فيكم...وحفظكم من كل شر