البغرير

[•~ندية الجوري~•]

السلام عليكم
شكرا أستاذتنا الفاضلة::::نقلك على طريقتي في
تحظير الغرايف ..نحط سميد بكمية أكثر من الفرينة لأنه غرايف تاع الفرينة ..يجي مرخف شوي ..و من بعد نحط حبة بيض و الملح ...و الخميرة تكون مرنخة في الماء الدافي
بعدها نبدأ في وضع الماء بالعقل و نمزج حتي متحسيش بالحروشة تاع السميد ..و من الأحسن تخدميه في قصعة هكذا باش تحركي يديك مليح حتى يتمحر كامل
ما يكونش جاري بزاف و لا خاثر بزاف
و تحطيه في إناء تخليه حتى يطلع تقدي تجربي بمغرفة تاع القدر
تهزي و تعاودي ترجعي تشوفيه دار فقاعات ...
نطيبوه في طاجين يكون رطب ..تحطي زوادة ملح و تغمسيها في الزيت...تمسحي بيها الطاجين باش ما يلسقش
البغرير...كي تفرغي العجين في الطجين ما تحركيش يدك باش تجي صواب ..غير ما تحطيها حطي فوقها حوالي
عشرة حبات أو كما تريدي من الزبيب ...و إن شاء الله
يكون متقب بزااااف ...
من بعد نديرولو زيت الزيتون و إلا الدهان ...و العسل..
إذا ما توفرش العسل...تقدري تحطي سكر ...
بالصحة و الهناء ....
إذا حبيتي نقلك على الكسكس ...إذا عجباتك طريقة الغرايف

جزاااك الله خيرااا