اقتباس:
المشاركة الأصلية كتبت بواسطة مصطفى قاسمي
تسمعي بلي قالو "أين الذين يؤثرون على أنفسهم و لو كان بهم خصاصة" رد عليه صاحبو قالو "ذهبوا مع الذين لا يسألون الناس إلحافا"..؟ هذا وش راه صاير..إذا كان في رايك الرجلة راحت -حتى و ان كان منيش موافقك فيها- النسا تاع الصح تاني ما بقاوش.النسا اللي كانت الوحدة منهم تحمل راجلها في كل الظروف في الشدة و في الرخا.النسا اللي كانت الوحدة منهم تحوس على الراجل اللي يسترها و تسترو بلا ما تسقسي على الدراهم على خاطر تقلك الدراهم "من بعد يجو"
والله ما علابالي وش نقلك..نظن راكي قلتي كلمة كبيرة و ظلمتي جيل كامل بهدرتك ختي.الرجلة مزالت كاينة و الحمد لله و اللي عندو هذي الصفة ما يحتاجش تكون مكتوبة في جبهتو باش تعرفيه راجل.
|
السلام عليكم ورحمة الله تعالى وبركاته
واش نقلك يا خويا والله اسفة جد اسفة انا بكلامي هذا منيش نقصد رجال كامل هذا يعتبر اتهام وظلم كما قلت لانه مدام كاين الي مزال فيه رحمة ربي وقلبو مليح صافي مزالو كاين رجال ونسا تع صح مي قليل ولا منقلكش قليل لانه هذا كل راجع للمحيط الي عايشين فيه وللدولة تعنا يعني الرجال راحو فيها والنساء راحو فيها (الاغلبية مش كامل )وهذا راجع لعدة عوامل ...........راك تعرفهم وبالنسبة لكلامك انه النساء تع الصح تاني مبقاوش نقدر نقلك ايه مدامني قلت رجال مبقاوش صافي النسا تاني ضرك المراة راهي تخرج وتخدم بيانسور مراهيش راحة تتحمل كي تع بكري ومتقلكش نزوج بالراجل الي يسترني تقلك انا قادرة نستر روحي بنيفو تاعي وبخدمتي قادرة نبني حياتي كيما نحب وبدراهمي ندير وش نحب ومنحب حتى واحد يجي يقلي وش ديري وش لالا واحد ميصرف فيا ضرك عاد راجل والمراة تقريبا كيف كيف والدليل راك شايفو في مجتمعنا هذي الحالة رانا عايشينها على ما اعتقد واكيـــــــــد منيـــــــش نهد رعلى الجميـــــــع واعتذر لغلطت في حق كاش واحد بكلامي هذا لاني هذا وش راني شايفة وكيما يقال رايك صحيح يحتمل الخطا وراي خطا يحتمل الصواب .
وسلام
( تقرير عن مشاركة سيئة )، و الموجودة أسفل كل مشاركة .
2010-03-19, 09:33
العرض المتطور
