بصح الراجل اللي يطلق بنتوا ولا أختوا تروح للستاد ماهوش راجل

[الجزائري_dz]

المشاركة الأصلية كتبت بواسطة islam1977

السلام عليكم حبيت نسألك خويا علالو تلاقيت كاش نهار بأبي ولا بخاوتي؟لأنو احنا في دارنا أبي وخاوتي مانعين علينا منعا باتا حتى أننا نروحوا للسوق لأنهم يقولوا(السوق فيه التخلاط بزاف و الرجال فيه يهدروا برك إلا من رحم ربي)وصح عندهم الحق.
هدا السوق o.k أما الستاد فحدث ولا حرج الكلام اللي يتقال فيه أكيد كبير بزاف مادام خاوتي كي يخرجونا ويكون كاين ماتش ما يجوزوناش خلاص على الستاد ولمعلومك نكونوا في السيارة ماشي ماشيين o.k وفي الأخير أكييييييييييييييييييييييييد الذكر(ما يليقش نقولوا عليه راجل لأنوا الرجلة صفة)اللي يخلي بنتوا ولا ختوا ولا زوجتوا تروح للستاد ماشي بني آدم أصلا,مي الأنثى اللي تروح للستاد واش نقولوا عليها......................... واللبيب بالإشارة يفهم واحنا فالدار صح نسيبورتو الخضرة وماشيتلنا فالدم مي فالدار برك وبلا عياط ومالازمش يسمعوا الجيران اصواتنا ماشي حتى نروحوا للستاد يليق الرجال في دارنا يديروا الخمار ويلبسوا جبب o.k والسلام عليكم
أختكم في الله إكرام

يعطيك الصحة

ربي يبارك فيك و يخليلك والدي وخاوتك



تحيا بناتالجزائر
تحيا dz