خاص بالرجال

ميكا · 2010-02-14, 08:38

اقتباس:

المشاركة الأصلية كتبت بواسطة miloud12000

السلام عليكم و رحمة الله و يركاته

قالك سقسي المجرب و ماتسقسيش الطبيب ، أختي هذه المشكلة مريت بها أنا رحت و مرجعتش و ما سقسيتش أنا بدلت قاع الطريق ، و إذا قلتلك الغلطة مش مني الغلطة تاعنا حنا زوج أنا كنت نبغي بصح عمري ما قلت لواحد بلي عندي حبيبتي و لا حتى كلمة نبغيك تبالي ضعف مني، و هي كانت ترسلي صاحبتها و تخلي الوصاية عندها ،جاتني صاحبتها و قالتلي قالتلك ماتجيش عندى حتى تدبر الخدمة أرواح اهدر معايا ,غاضنتي الكلمة بزاف كون قالت أرواح أخطبني ماعليش و انا كانت عندي تجربة حب فاشلة من قبل أمنيني تخلطت عليا فكرتني بالجرح القديم ما بغيتش نواجهها ، و صراتلي كالصدمة كرهت قاع النساء أمنيني هربت منها بعد عامين لقاتني قالتلي وين راك حوست عليك و مالقيتكش قالتلي أرواح عندي كي نخرج من الخدمة كي لقيتها حكينا 10 دقائق عرفت بلي قالتها ، عاودت رحت من جديد مرت عامين لقيتها قالتلي أعطيني ساعة برك و فهمني ، هربت شحال من مرة بصح رحت و قلتلها قاع وش صرا قالتلي علاه ماجيتنيش قلتلها و علاه نتي ماقلتيلش ديك الكلمة و مارسلتيش صاحبتك الوقت فات ضروك قالتلي بلي مازالت تبغيني بصح أنا الله غالب عقلي وصاني ما نحب من جديد ،صارحتها بلي نبغيها بصح الزواج لا و نرجعوا من جديد من المستحيل لأني التجربة الي مريت بيها علمتني الحب عندو حدود و إسمحيلي على التدخل نتاعي في هذا الوقت كل واحد يخمم في المصلحة نتاعوا و يخلي جانب الحب ذكرى .

النصيحة هي عدم إرسال أي شخص عندما تكون العلاقة بين شخصين متوترة و المواجهة هي الحل الوحيد .

الشخص يجب معرفة ما يخرج من لسانه قبل أن يندم .

ربما هناك شخص أراد خيرا بينهما عند نقل الرسالة الى الشخص الثاني لكن حديثه غير من صيغتها و معناها .

و نقولك ضروك المشاكل بزاف الصح الواحد يقعد وحدو خير و كي يبغي يتزوج صح يخمم و كي يعرف وحدة و تعجبوا يسقسي عليها و من بعد يروح يخطب و على شهر و لا شهرين يتزوج. يهني راسو .

صح سقسي مجرب و لا تسقسي طبيب نخليها هي تحكيلك صاحبة القصة
خويا أنت غلطت كي رحت و ما عاودتش رجعت كان لازم تقولها أنك زعفان على هذه الشي لأنه أسوء شيء تحس به المراة كي تتصرفو معاها هكذا تحس ما عندهاش قيمة و لا قلب تحس بيه توجع بزاف أنا راني مريت بيها هذي الطفلة أنا بانتلي ما تحبكش أصلا و المهم القصة تتشابه بزاف لأنه راح ما عاودش رجع و كي تلاقيت كانت فيا ثورة غضب ما قدرتش نستحمل نجوز عليه في الطريق كي شغل ما نعرفوش و مبعد شديتو وهو كان واقف معايا و كأنه واقف على المسامر و أنا عندي 1000 علامة إستفهام ما حب يقول والو إلا أنه جاي الوقت و تفهمي توجعت بزاف و ما قرتش نتأقلم مع الحياة كيما يقولو الوجه يصحك و القلب ميت من الألم و مبعد بديت نتأقلم مع الحياة بشوية حتى عاودت تلاقيتو ما عرفتش حتى نمشي لأنه جا لمكان عرفني بلي نكون ثم بعد ما كان قبل كي يشوفني يبدل الطريق و كان يرمقني بنظرات ما عرفتش واش كان في بالو و أنا كنت نبدل بلاصتي غير باه ما نتلاقاهش لأنه بدون إرادة كنت نتصرف بجفاء تام لأنه الجرح عاود تفتح و ما خليتلوش الفرصة باه يحكي ثم رجعت للدار و عاودت رجعت حالة الإكتتءاب السابقة و الدمار و ندمت قلت لوكان عطيتلو الفرصة ممكن فهمت و رتحت
أنا توجعت لأنه إنسان متربي بزاف و الناس الكل يشهدولو ما كنتش متوقعة كل هذا يجي منه و الثانية لحد الأن ما نعرفش السبية الحقيقية حتى و فات أكثر من ثلاث سنين ما قدرتش ننسى و لا نعيش حياتي طبيعي ما عرفتش لا هو ظلمني و لا الظروف مانيش فاهمة بزاف حوايج و في نفس الوقت ما نيش قادرة نزيد نطلب يفهمني لأنه نخاف من ردة فعلو من جهتي راني في دوامة و حابة نعاود نرجع كيما كنت

نصيحة : كي تعود حاب تروح أيها الشاب قلها أنت حاول تفهمها أحسن بكثير من الهروب
القصة غير قابلة للعرض ثانية أي عدم نقلها

miloud12000 · 2010-02-14, 22:19

اقتباس:

المشاركة الأصلية كتبت بواسطة ميكا

صح سقسي مجرب و لا تسقسي طبيب نخليها هي تحكيلك صاحبة القصة
خويا أنت غلطت كي رحت و ما عاودتش رجعت كان لازم تقولها.....

نصيحة : كي تعود حاب تروح أيها الشاب قلها أنت حاول تفهمها أحسن بكثير من الهروب

شكرا على النصيحة أنا صح تألمت بصح تعلمت بلي نقول الصح حتى و لوكان على روحي و منخليش حاجة في قلبي الى في دماغي و قلبي يقولها لساني في وقتها صح ماهيش ساهلة لأني خسرت بزاف و قعدت جل و قتي وحدي لكن لقيت الناس الي فهموا بلي الصراحة نتاعي كبيرة بزاف حتى على روحي....
و ماتخافيش ضروك المواجه هي الحل حتى و لو كان فيها خسارة
نصيحة : باه ترتاحي ليق تسمعيلوا و يسمعلك باه تكونوا صافيين مع بعضيكم و اما الرجوع أنا ضد الفكرة لأن الإنسان في حالة الضعف يتفكر أيام الي جرحوا فيها .
أما الهروب من المواجهة كما قلتي هو يزيد يعقد الأمور ....
و اطلب منك السماح لأني ذكرت قصتي في موضوعك

ميكا · 2010-02-15, 12:23

اقتباس:

المشاركة الأصلية كتبت بواسطة miloud12000

شكرا على النصيحة أنا صح تألمت بصح تعلمت بلي نقول الصح حتى و لوكان على روحي و منخليش حاجة في قلبي الى في دماغي و قلبي يقولها لساني في وقتها صح ماهيش ساهلة لأني خسرت بزاف و قعدت جل و قتي وحدي لكن لقيت الناس الي فهموا بلي الصراحة نتاعي كبيرة بزاف حتى على روحي....
و ماتخافيش ضروك المواجه هي الحل حتى و لو كان فيها خسارة
نصيحة : باه ترتاحي ليق تسمعيلوا و يسمعلك باه تكونوا صافيين مع بعضيكم و اما الرجوع أنا ضد الفكرة لأن الإنسان في حالة الضعف يتفكر أيام الي جرحوا فيها .
أما الهروب من المواجهة كما قلتي هو يزيد يعقد الأمور ....
و اطلب منك السماح لأني ذكرت قصتي في موضوعك

مشكور أخي كثير كي سمعت قصتك المرة الأولى هي خافت لأنه القصة تتشابه بزاف تكون تعرفو و هي متأكدة بلي ما هوش منا
هي مستحيل ترجعلو بصح لحد الساعة حابة تعرف برك الحقيقة ميش كي الأطرش في الزفة بعد ما كانت تحبو بزاف تألمت أكثر ما تتخيل خسرت بزاف حوايج من وراه عادت مقلقة بزاف نقص وزنها ....... و كل ما تصرالها حاجة تقول هو سبتي
تسمعلو هي بالاك بصح هو ما عندوش الجرأة باش يقابلها ما يسمعلهاش و كي يتلاقاو هو يبدل الطريق برك المرة الأخير ..........كيما حكيتلك
هي حابة تعيش حياتها خلاص ما هيش قادرة تزيد هذ الإضطراب النفسي بزاف و ما لاقاتش الحل إلا أنهم يحكو لأخر مرة بصح هذا الشي شبه مستحيل هي تخاف لا تتصل بيه ما عندهاش الجرأة الكافية و هو مايجيش كي تخلى و علي فات الوقت على القصة بزاف مع العلم هي كا نت مرة على مرة تحاول تسألو تقول بلاك تحسنت حالتو و يقرلها لكن بدون فايدة

miloud12000 · 2010-02-16, 23:21

السلام عليكم و رحمة الله و بركلته

لماذا لإنتظار تعيش حياتها عادي ، أما التجرية التي مرت بها تاخذ منها دروس و عبر و لا تندم على شيء ، لأن التفكير فيها لا ينفع بل يدمر صاحبه ، و الدنيا رانا غير نتعلموا منها و تحمد ربي و صايي .
و النصيحة في هذا الوقت الواحد مايديرش على العواطف و القلب و الحب كل حاجة نديروها في بلاصتها نيشان ، وزيد أنا علمتني الدنيا بلي كل حاجة و عندها حد حتى الحب و المشاعر .
أما صاحبتك قوليلها بلي تحاول تشغل روحها بالخدمة و لا القراية ، على بالي لواحد ما ينساش و اي حاجة تقدر تفكروا
يصح ما هيش نهاية العالم و الدنيا ما تحبسش عند اول عثرة و هي كون راهي اخذت عبرة منها .
و كلشي بالمكتوب

ميكا · 2010-02-17, 16:50

اقتباس:

المشاركة الأصلية كتبت بواسطة miloud12000

السلام عليكم و رحمة الله و بركلته

لماذا لإنتظار تعيش حياتها عادي ، أما التجرية التي مرت بها تاخذ منها دروس و عبر و لا تندم على شيء ، لأن التفكير فيها لا ينفع بل يدمر صاحبه ، و الدنيا رانا غير نتعلموا منها و تحمد ربي و صايي .

و النصيحة في هذا الوقت الواحد مايديرش على العواطف و القلب و الحب كل حاجة نديروها في بلاصتها نيشان ، وزيد أنا علمتني الدنيا بلي كل حاجة و عندها حد حتى الحب و المشاعر .

أما صاحبتك قوليلها بلي تحاول تشغل روحها بالخدمة و لا القراية ، على بالي لواحد ما ينساش و اي حاجة تقدر تفكروا

يصح ما هيش نهاية العالم و الدنيا ما تحبسش عند اول عثرة و هي كون راهي اخذت عبرة منها .

و كلشي بالمكتوب

مشكور على كل ما قلت
أصبت في كلامك ربي يهنيك في حياتك

miloud12000 · 2010-02-17, 22:21

اقتباس:

المشاركة الأصلية كتبت بواسطة ميكا

مشكور على كل ما قلت
أصبت في كلامك ربي يهنيك في حياتك

أميييييين ياربي .