نظرة المجتمع للمرأة ......... استبيان ؟؟؟؟

[نمارق الأنثى]

ميكون الا خاطرك أسيدي متزعفش برك
نرد عليك مي هذا استبيان يعني يبقى لكل واحد رأيو مي نتا نرد عليك مي متزعفش من الرد ههههههههههه

المشاركة الأصلية كتبت بواسطة lebssisse

وهاته هي الاجوبة من وجهة نظري

1_هل تؤيد عمل المرأة؟؟

أؤيد عمل المرأة بثلاث شروط
- موافقة وليها او زوجها ادا كانت متزوجة

هذ خويا حاجة بديهية شكون تقدر تخدم وبيها ولا زوجها مراهوش موافق

- يجب ان تكون قادرة على التوفيق في خدمة بيتها وتربية أبناءها من جهة وإتقان عملها من جهة أخرى

هذ عندك فيها الحق ماشي هي تخدم ودارها ملبزة وولادها هاملين وراجلها تقولي أرمل هههههه

- ان يكون طابع العمل ليس فيه اختلاط وأن يكون لها محرم ليوصلها الى مكان عملها


المرأة التي تلبس لباس محترم وتحترم نفسها في الشارع ومتبديش صوتها وشخصيتها فور وعندها ايمان كبير خويا ميتخافش عليها المحرم ماشي ديما فارغ شغل ليها هي بإحترامها لنفسها تفرض احترام الآخرين ليها


2_ما هي الوظائف التي تراها مناسبه للمرأة؟؟

اهم وضيفة للمرأة هي المكوث في بيتها لتربية ابناءها وخدمة زوجها وهاته نعمة لا يحسها الا الزوج والابناء

مي خويا كي تضطر متقعدش تسنى في الحسنات تاع الناس تخدم بشرف خيرلها الخدمة ولا المنة ولا الطلبة مي اللي رايحا غير تجيب في الوقت هذيك ربي يهديها وأنا في رايي كي نلقا واحد يوفرلي كل طلباتي علاه نعيي روحي ونروح نخدم ؟؟


3_هل تفضل أن تكون شريكة حياتك عامله؟؟مع ذكر السبب(للشباب الغير متزوجين)

لا افضل ان تكون عاملة حتى تبقى تحت سيطرة الرجل وهدا مطلوب ولا حرج ادا كانت لها حرف تشتغل بهم في المنزل


علاه خويا في رايك المرأة اللي تخدم يفقد الراجل السيطرة عليها ؟؟؟؟؟؟ نقلك حاجة ديما الواحد ميحكمش خويا بالظاهر ياما نساء ميخدموش ورجالتهم فاقدة السيطرة عليهم وياما نساء يخدمو ويقدسو رجالتهم . وهذا خويا يرجع أولا للإختيار تاع الراجل في الأول وللشخصية نتاعو وللمرأة اللي راهو مزوجها واللي تحترم زوجها تحترمو سواء خدمت ولا لا لا واللي ملبزاتو ملبزاتو في كلتا الحالتين والراجل بشخصيتو واحترامو وتفاهمو وعلاقتو مع مرتو يفرض أسكو تحترمو ولا تلبزو........ وميديكش خويا بنت الفاميليا عمرها متتبدل

4_من وجهة نظرك ما هي نظرة المجتمع للمرأة العامله؟؟

والله في عصر العولمة أصبح الكثير يفضل عمل المرأة لأن المادة لعبت بعقولهم مع اهمالهم لدينهم

العمل الشريف عمرو مكان اهمال للدين مي التقلاش وحب الرفاهية هو اللي وصلنا لهذا الشيء


5- هل تحترم المرأة العاملة ؟

المرأة المحترمة يحترمها الناس ويبجلونها

شفت كيفاه هي اللي تفرض أسكو يحترموها ولا يلبزوها الشخصية تلعب دور كبير للرجل أو للمرأة


ملاحظاتك الشخصية إن وجدت في رأيك الخاص بعمل المرأة ....

ليس لي ملاحضات سوى ان تبقى في بيتها احسن وهاته هي نصيحة علماءنا الاجلاء

والله إذا كانت مكتفية وعلاه عليها الميزرية تربية جيل صالح إيجابي في المجتمع متدين ومتخلق أسمى وقمة وروعة عمل المرأة
مي الله غالب إلا كانت محتاجة وعلاه لالا في عمل شريف واحترام النفس ميصرالها والو والخدمة خير من الطلبة

شكرا لمشاركتك ورأيك تعيش خويا

[lebssisse]

المشاركة الأصلية كتبت بواسطة هيفاء12

ميكون الا خاطرك أسيدي متزعفش برك
نرد عليك مي هذا استبيان يعني يبقى لكل واحد رأيو مي نتا نرد عليك مي متزعفش من الرد ههههههههههه

[/color]


شكرا لمشاركتك ورأيك تعيش خويا

السلام عليكم

اولا شكرا لك على هدا الرد ولكن لدي بعض الانتقادات
1 - لما قلت لك ضرورة المحرم هاته ليست وجهة نظري ولكن الدين هو الدي اقر هدا
2- انت قلتي مي خويا كي متقعدش تسنى في الحسنات تاع الناس تخدم بشرف خيرلها الخدمة ولا المنة ولا الطلبة مي اللي رايحا غير تجيب في الوقت هذيك ربي يهديها وأنا في رايي كي نلقا واحد يوفرلي كل طلباتي علاه نعيي روحي ونروح نخدم ؟؟

نعم اوافقك في حالة الاضطرار ولكن اليوم مانلاحظه ان النساء كلهن تريد العمل ولم يصلو الى تحديد مفهوم واضح للإضطرار
3- المرأة بطبيعتها مخلوقة ضعيفة جدا ويملكها الغرور هاته حقيقة ولو أصبح لها مدخول خاص حتى وان بقيت تحت سيطرة زوجها تقل تلك السيطرة

وكخلاصة اوافقك بعمل المرأة بشروط لا تخرج عن ديننا الحنيف والمضطرات كاالارامل والمعوزين والتي هدفها آخري لا دنيوي

وشكرا لك ومرة اخرى ردي على مشاركاتي معاك في مواضيعك

[نمارق الأنثى]

المشاركة الأصلية كتبت بواسطة lebssisse

السلام عليكم

اولا شكرا لك على هدا الرد ولكن لدي بعض الانتقادات
1 - لما قلت لك ضرورة المحرم هاته ليست وجهة نظري ولكن الدين هو الدي اقر هدا
2- انت قلتي مي خويا كي متقعدش تسنى في الحسنات تاع الناس تخدم بشرف خيرلها الخدمة ولا المنة ولا الطلبة مي اللي رايحا غير تجيب في الوقت هذيك ربي يهديها وأنا في رايي كي نلقا واحد يوفرلي كل طلباتي علاه نعيي روحي ونروح نخدم ؟؟

نعم اوافقك في حالة الاضطرار ولكن اليوم مانلاحظه ان النساء كلهن تريد العمل ولم يصلو الى تحديد مفهوم واضح للإضطرار
3- المرأة بطبيعتها مخلوقة ضعيفة جدا ويملكها الغرور هاته حقيقة ولو أصبح لها مدخول خاص حتى وان بقيت تحت سيطرة زوجها تقل تلك السيطرة

وكخلاصة اوافقك بعمل المرأة بشروط لا تخرج عن ديننا الحنيف والمضطرات كاالارامل والمعوزين والتي هدفها آخري لا دنيوي

وشكرا لك ومرة اخرى ردي على مشاركاتي معاك في مواضيعك

واش خويا كاش واحد سلطك عليا مي ميكون لا خاطرك على راسي من فوق
هههههههههه
في رايي خويا بنت الأصل واللي متربية مليح عمرها متخرج من يد زوجها الرسول صلى الله عليه وسلم قال في معنى حديثه الشريف لو أمرت أحدا أن يسجد لأحد لأمرت المرأة ان تسجد لزوجها
واقتناعي أنه عمرها مكانت عزة المرأة في الخروج عن يد زوجها ولا عدم طاعتو تزيد عزتها كثر كثر كي طيع زوجها وطاعتها ليه عبادة ربانية
تبقى هذه راجعة لتربية وشخصية المرأة
والغرور خويا ثاني يبقا لكل فرد سواء كانت مرأة ولا رجل متقدرش تحكم بالكلية على أي واحد وكل واحد وربايتو وعقليتو وتمسكو بدينو
والإظرار خويا هو اللي يحتم الخدمة
مي الوقت الحالي تقدر تقول الأغلبية خارجين غير يسليو في رواحهم ويستعرضو في .............
ولكن ليس الكل
وأنا في اقتناعي وشخصيتي عمري منحكم على الواحد حتى نعرف ظروفو مليح حتى ولو شفت تصرفاتو غير لائقة لأنني لا أعرف الخلفيات وكيما نحب الناس يعاملوني نعاملهم ولسانك إذا صنته صانك والناس خويا عندهم خلفيات وعمري منتهم واحد منعرفش ظروفو وباه نفرض احترامي من طرف الآخرين نحترم روحي الأول
وشكرا لمشاركتك الطيبة في الموضوع ومايكون
إلا خاطرك نرد عليك مي الر تاعي راهو صعيب شويا ماشي نهدر وخلاص نهدر من منطلق ثقافتي وعقليتي وشخصيتي واقتناعي
مرحبا بيك ثانية