امزلت مصرة على قرارك على العمل؟

[التواقة للجنة]

السلام عليكم
و عليكم السلام ورحمة الله
ماعرفتش وين نرد
خاطر مالقيتش موضوعك

ولا بيناتنا راهو الصباح وراني عيانة نبحث عليه

المهم راح نقولك رايي في الموضوع
ماشي هدا وانما تاع عمل المراة:

اول حاجة صح واش قالوا البنات وحتى بعض الدكور الفوق
البيت ليس سجنا
وانا بدوري لا اعتبره سجن

ولكن عمل المراة مرات ربما يكون خير

راح ندافع على عملي المستقبلي انا !!ههه

تخصصي طب
شعبة طب
وان شاء الله الى مافوق
راح يكون تخصص نسائي

ممكن سسؤال؟؟

اخي : ادا منا والفوق
ان شاء الله تتزوج
وربي يرزقكم بطفل ان شاء الله

قبل الولادة
هل ستاخد زوجتك الى طبيب رجل
ام طبيبة انثى؟؟؟

جاوبني على هاد السؤال
وراح تعف واش هو رايي ..

علابالي بلي اختلاط النساء والرجال في العمل
ماشي مليح
ويعرض العلاقة الزوجية للخطر

...ملاحظة: ماشي كامل الازواج زواجهم في خطر بسبب العمل...

والله العظيم انا لا اكدب على ما ساقول :

والدي عامل ...خدام....
ووالدتي تخدم في قطاع التربية والتعليم ...المتوسط...

انا عايشة مع والديا مند ان خلقت في هده الحياة

والله العظيم ووالله العظيم ووالله العظيم
ولا مرة في حياتي شفت والديا مدابزين على الخدمة تاع ماما

ماما تعرف كيفاه تتمشى
وتقول انا نقري في سبيل الله

المخالطة ماكاش منها
هي تعرف كيفاه تتصرف
وبابا جامي جبدلها على خدمتها
ولا قاللها على كاش حاجة
مع انه بامكاننا العيش بمصروف الوالد فقط

اعود الى عملي المستقبلي ان شاء الله هههه
اعتقد ان طبيب نسائي
اهانة للرجل ...زوج المريضة...
ايه وزيد انا نشوفها تدخل في الحرام والله اعلم

امالا علاه ماتكونش طبيبة انثى
والمراة تروح عند المراة والرجل عند الرجل
وهكدا تمشي الحياة ...

راني ندير اشهار لروهي برك هههه

رايي والله اعلم

اه بالنسبة للفتيات اللواتي قلن
ان سنوات الدراسة راحت هباء ادا لم تكن النتيجة عمل
انا اخالفهن في هده النقطة
اد اقول:
الدراسة علوم ومعرفة
راح تفيدك في حياتك اليومية حتى بدون عمل

وزيد هي اللي تعطيك شخصية قوية باه تعرفي
تتعاملي في المجتمع
وتدافعين على افكارك وقراراتك

والدليل على دلك

انسان قاري قدام واحد ماقاريش

والله اعلم


سلااااااام
ساوافقك لبنى في هذا المجال مع انني افضل البيت على العمل لان في اختصاصي المستقبلي هو ادبي و سوف تكون الشهادة للمحاماة او الصحافة او ....مما لا اراه مناسبا لي كامراة لذلك مملكتي هي افضل مكان بالنسبة لي.
لكن في مجال الطب انا اوافقك 100 بالمئة.
انا لست متزوجة و عندما اريد اخذ موعد مع الطبيب تجدينني ابحث عن امراة و لا اذهب عند طبيب في جميع الاختصاصات ..اجد راحتي مع الطبيبة.
و الاختصاص الذي تودينه فانا اشجعك عليه ..اسال الله ان يوفقك فيه.
الطب حالة خاصة يتعلق بالجسم و اشياء نعتبرها حرجة ..اما المجالات الاخرى ...لا اراها مناسبة.
موفقة لبنى