أنا في الحقيقة حجبت لأن أبي طلب مني ذلك عن غضب
لكن أنا كنت قانعة بيه وكنت رايحة نلبسه في الدخول المدرسي تاع السنة أولى متوسط
وكنت هذاك العام رايحة نعقب السيسيام
في وحد العشية ماما شراتلي لباس رياضة باه نلبسو وبابا من قبل كيما راح للعمرة جابلي أنا وأختي
الصغيرة عبايات ولبسة باكستانية وأنا كنت ننتظر وكتاه نتحجب باه نلبسهم
في هذا النهار كيما لبست اللي شراتهالي ماما ناض بابا يعيط وقاللها هاذ العرا والتسنسير
مع أنها كانت مستورة ... المهم انتهى النقاش بقوله غدوا انتي وأختك تلبسو الحجاب
أنا بانتلي نورمال بالصح كان خليط بين الفرحة والحزن ... لانني لم أكن محظرة روحي وكان فجأة
بالصح نورمال .... ياخي المهم راني قانعة
المهم فالصباح نضت وعدلت خماري ولبست اللبسة الباكستانية وكان لونها وردي ودرت الخمار تاع
ماما الوردي كان هذاك النهار عطلة مناه دارولنا التطعيم رحت عند جدتي وشافتنا أنا وأختي وفرحو بزاااف بينا
أما عمتي فنضرتها ليا كانت بكل فخر وفرحة وراحت أعلمت الأستاذة تاعي بالخبر
في الغد رحت وكنت لابسةمعطف مناه كانت الشتاء في هذاك الوقت وجيت متأخرة وطول الأستاذة قالت للتلاميد
بلي راني محظرة مفاجأة ولما نحيت المعطف لم يظهر شعري بل خمار وردي
وبكل حاروفيا وبقاو يسقسيو ... هادي هي حكايتي مع الحجاب بالصح مازلت مدايرة خمار فقط
ونطلب ربي يهديني باه ندير حجاب ملتزم ان شاء الله
\بالصح المهم راني مازلت محافظة عليه
شكرا على الموضوع الجميل
وبارك الله فيك
( تقرير عن مشاركة سيئة )، و الموجودة أسفل كل مشاركة .
2009-09-01, 09:07
العرض المتطور
