صلاة الاستخارة

[منهاج]

السلام العليكم

الله يجيب الخير والله يدوم العقل والدين


ختي خليتي لي راه جا للدار ومازلتي تحوسي على لي راه عادا يخمم تزوجي وانستري

[anfal hannah]

شوفي يا الاخت انت غلطتي كي دخلتي واحد في النص يعني انت واحد وعدك و راكي تقولي اخلاق يعني كنت قادرة تصبريه مفهمتش علاش تعرفتي على الثاني اصلا
الخطا الثاني خبيتي على لي وعدك
مام كون تقبلي بالخاطب يعني رايحة تنساي الاول بشكل عادي كانك لم تعرفيه و كيفاش تواجهيه راكي تقولي كون يسمع يدير حالة ما ادراك تخليه و تتزوجي و هذا الخاطب علابالو في حكاية 3 سنين ؟؟
متظلميش الناس و روحك
هي من رايي صلي الاستخارة على الاول ماش الثاني و زيدي صارحيه علو حساب هدرتك راهو يدير مستحيل و يوجد في روحو باش يجي للدار يعني بالاك صغير و قدك عليها و الثاني باين يكون لحق و وجد و انت ممكن عندك رغبة في الاستقرار
المهم انت لازمك قبل تفرزي روحك و كيما يقولو امراة راجل ما يديها راجل و الدنيا مكاتيب

[كريم عربي]

الأخت الفاضلة صاحبة الموضوع

أسمحيلي، مي راني نشوف في بعض البنات يهدرو برك بدون منطق، وكل وحدة تهدرلك على هواها، وراكي تعرفي راي البنات.

أسمعيلي مليح أختي الفاضلة.

صلاة الإستخارة ممكن تجيك النتيجة في ليلة ممكن في أسبوع ممكن شهر كل واحد كيفاه حسب الظروف.

لكن شروطها تاني لازمك تكوني تصلي، ماكش توصليها لصلاة الإستخارة وتصليها ومبعدا تحبسي صلاة.

ثانيا: للبنات برك الي راهم يحكيو على الشاب لي عندك علاقة بيه، الأخت يا جماعة ماقالتش أنها على علاقة غير شرعية بيه، ممكن علاقتها بيه نظيفة وفي حدود الأدب والإحترام، علاه يعني كل وحدة تغني على هواها ؟؟ الاخت أدرى بعلاقتها منكن !!

والأخت ماقالتش بلي تحبو إطلاقا، قالت بلي الأخ هذا حاطها في بالها ويدير في مجهودو باه يكون نفسه مليح ويجي يخطبها وهي أدرى بيه.

والأخ الخاطب تاني ربي يبارك فيه كي جا دار خطوة شرعية.


لكن أختي ربي سبحانه برك هو لي يقدر يحددلك شكون تختاري، لا أنا لا غيري، الناس راهي داخلة لموضوعك تعفس وترفس، كل وحدة تحكيلك حسب عقليتها هي، يعني كل وحدة تحط نفسها مكانك وتبدا تحكيلك، وهم ماهمش فاهمينك أصلا.


شوفي أختي، تقربي لله عز وجل، واعتزلي شوية الأيام هادو وحاولي يكون كل وقتك للعبادة، والتقرب من الله، وابقاي ترقبي في النتيجة بإذن الله يكون فيها خير، رح تجيك بحول الله، صدقيني نعرف أخت دارت استخارة في نفس الموضوع وجاتها نتيجة إيجابية جدا في المنام، ومانقدرش نحكيها حفاظا على خصوصية الأخت.


وان شاء الله فيها خير أختي، وإذا عجبك ردي أعطيني دعوة تع خير برك وقولي ربي يفرج أمرك وييسر أمورك، وإذا ماعجبكش الرد ادعيلي بالهداية وربي يوفقك في مسعاك.

[zaki constantinois]

عجبا يا بنات الجزائر كيف تضعين رجلين موضع مقارنة الفرق بينهما بين و شاسع وواضح احدهما قاصد باب الله وجاك طلبك من والديك على سنة الله ورسوله والاخر عندك معاه 3 سنوات علاقة غير شرعية ........ اختي الكريمة مستقبلك بين يديك و اسأل الله لك الهداية ان شاء الله.....هذا واش نقدر نقولك جمعة جمعة

[prince of desert]

لاحظت في ردود الاخوة والاخوات أن كل شخص يرى الأمور من منظاره وخلفيته هو وصاحب المسألة هو الأدرى بها عن أي حرام تتكلمون في علاقتها مع الأول وما يدريكم بالنويا هل اطلعتم على قلبه لما ذا اتهمتموه بالعلاقة المحرمة أرجو أن تزنوا كلماتكم بدقة وتختاروا ولا تتهموا الناس بالباطل فلستم مكلعين على أفئدة البشر ولستم تعلمون النوايا .. أما الأخت هاهنا أقول لها أختي صارحي هذا الشخص الذي تربطك به علاقة بالأمر وانظري ردة فعله فان كان جادا صادقا صدوقا ويريدك في الحلال سيأتي لأهلك يكلمهم كخطوة أولية والخطبة تأتي ظمنا بعد ذلك حتى يتيسر معه الحال .. أما ان تماطل وحاول التهرب فاقطعي صلتك به من فورك ولا تدعي له مجالا اليك ابدا .. والأمر الاخر هو نيتك أنتي انظري ما الذي تريدينه وهل أنتي مقتنعة بالشخص الأول أو الثاني .. وأهم شىء أختي استخيري واستشري فان عزمتي فتوكلي وأنا من الأن أقول لك مبارك عليك وعلى قدر نواياكم رزقون . السلام عليكم .

[wafa16]

اي علاقة و تواصل بين بنت و شاب دون رباط شرعي و معرفة اهلها عبارة عن علاقة غير شرعية (ماكان لاه نزوقو في الكلام و نزينوه و نعطيولو مسميات اخرى باش يبان شرعي)
الحاجة اللي تحشم بيها و اديرها في السر بالتخبية على الناس اعرف بلي راك في الطريق الخطا
و كاجابة على صاحبة المشكلة انقوللها خبري الاول اللي كنتي معاه ادا بعث والديه يخطبو اختاري بيناتهم اما ادا ما بعثش امالا وافقي على الثاني و ما تضيعيش و قتك و ما تطيريش الفرص من يدك على حاجة ماراهيش باينة