و اخيرا سانظف بيتي

[امونة الشاوية]

السلام عليك اختي احنا قاعدين في الدار و نتهاونو يا حتا النساء العاملات ياربي يلحقوا على اللقمة و القش
المهم اختي انا الايام اللي فاتو درت شبه ميناج لانوا المناج الكبير لما يسخن الحال مليح
انا في رايي نبداو بالكوزينة لانها اكثر مكان يتسخ
اول حاجة تكوني عندك الغداء لانك راح تبداي فيها من الصباح بسم الله شمري على يديك
ابداي نحي الريدوات كاش نابات كاش سرافط تاع الاستعمال المهم انت ادرى حطيهم يتغسلو و حطيهم يشيحو هكا لما تكملي العمل ترديهم نظاف و ما تبقاش الكوزينة عريانة
يالا انا اشتريت فيقور و ايضا كاين مستر بروبر تاني مليح و اشتريت الاكياس السوداء الكبار درت 2 في بعظاهم و بديت في الثلاجة تاعي كانت ما عندهاش بزاف ملي تغسلت يعني ما طولتش معاها درت على الدواوات طيش طيش كاش حاجة ما نحتاجش طيش البواقي ارمي الحاجة اللي طولت المهم فرغتها و مسحتها بالجافيل و الخل الابيض هيا باي
درت للكويزينيار رحمتها ثو اللي لي مون فرغت الاواني لم اغسلهم لانهم تاع الاستعمال اليومي و عندي 1 فقط ماش بزاف اذا عندك بزاف تاع التخبية راكي تغسلي الاواني و تمسحيه و تفرشيلو البلاستيك و تعاودي ترديهم
انا فرزت الاواني تاعي يعني اللي فاسد او مشقق او *** ارمي ارمي و علاه نشريو و نخبيو كيما تقول عجوزتي علاه الضياف خير منا ههههه عندها الحق انا نحب اكل في اواني ملاح لمهم جبدت اواني ملاح* فرزت تاع ليزيبيس الي قديم ونخدمش بيه رميتو وغسلتهم و رديتهم
درت للطابونة و التويو تاعها الرابط اللي اسفل فيه بزاف اقترحات تاع الاخوات ممكن تستفادي وكيما قتلك ميناج خفيف درت شوي فيقور و غسلت الباب و الحيط تاع الطابونة و اللي وراء الكويزينيار و المصباح والطاقة و الزجاج لم اغسل الحيوط اكل شبه ميناج **ما جيت نكمل لقيت الريدوات و لاناب شاحو ا رديتهم زدت غسلت القجار تاع البطاطا و البصل و التوم و الحمد لله كملتها و بانت نظيفة و تكملي حتى للصيف و تتغسل

بديتلك بالكوزينة و درك نكملك باقي الفرزة







https://www.djelfa.info/vb/showthread.php?t=1197526