حابة نشري باتور

[درة بيتي]

[IMG][/IMG]السلام عليكم أختي هذي الباتور تاعي ماركة مليحة عندي سبع سنين وأنا نخدم بيها فيها لي طلع البيض والميرانغ ووو...وفيها مكسور وفيها عجان يجي للعجينة لخفيفة هايلة على بالك بص السومة والله مانكذب عليك راهي جاتني كادو في عرسي راني حطيتلك صورتها إن شاء الله نكون أفدتك وبالتوفيق حبيبتي ربي يرزقك وتشري عجان مرة وحدة ينحي عليك لغبينة

[غريبة الوطن]

انصحك ب craft من الماركات الممتازة

[ام عبودة]

يعطيك الصحة راكي شاطرة ولاحقة على كامل الوصفات
شوفي دائما اشري الدوريجين باش ما تحيريش
انا عندي فيليبس وراه صادقلي ب3800دج
وصح العلمة فيها حوايج يهبلو ورخاص
عندي بنت عمي من غرداية تروحلها وتتسوق وتجيب بزاف حوايج منها
وبصحتك الشري والطياب والاكل
وما تنسايش ذوقينا شوي باش نعطو راينا
هههههههه

[MOona Hind]

انا عندي philips هايل ننصحك بيه

[hadjira195]

ana j ai le moulinex d origine hayel le voila https://www.webmarchand.com/a/liste_p...te_produit.htm

et ma tante a philipis d origine minimum 3andou 13 ans hada guir men eli nachefalou ana takhdem bih la3djab et jamais fssad

[ROUMISA]

حبيبتي المهم يكون دوريجين
انا عندي (( كان وود ))
من احسن الماركات

[امونة الشاوية]

moulinex.مليح عندو معايا 5 سنوات

[نرجس44]

المشاركة الأصلية كتبت بواسطة oum radja

شوفي اختي أنا عندي seb باتور و ميكسور في نفس الوقت شريته 350 الف و راه عندي في شحال من عام

حتى انا عندي هذا
يعني جديد عندي قبله كنت نشري ماركات اخرين كلهم يتحرقو في اقل من عام

[كريمة حجاج]

المشاركة الأصلية كتبت بواسطة إلهام07

شوفي أختي ، ما تهمش لامارك ، المهم هو أن الباتور اللي تشريه يكون أوريجينال ، يعني ممكن تشري seb أو brown أو moulinex أو philips المهم يكون الباتور اللي تشريه دوريجين .
روحي للمحلات الكبيرة اللي تبيع لوريجينال ، ماعليش يغليو عليك شوية بصح حاجة مضمونة .
وإذا حبيتي نصيحتي ، أنا عندي 2 باتور ولكن نستعمل البيتران لأن السرعة و القوة نتاعو أكبر و يوفر عليك الوقت والتعب.إذا عندك بيتران استعمليه ، النتيجة نتاعو أحسن( ندير بيه مايونيز وكيك وميرانق و كروكي يطلع البيض روعة و بسرعة و النتيجة نتاعو القاطو هشووش ) و خلي الباتور استعمليه غير كي تكون عندك كمية قليلة .
الباتور كي تكثري عليه راهو يفسد لأن المحرك نتاعو صغير يحب الاستحفاظ وانتي راكي ما شاء الله ناشطة.
أنا نصحتك وانتي حرة

يعطيك صحى اختي قولتي ليكونت راحا نقولو يعطيك الف عافية

[عدالة الله]

انا ننصحك ب moulinex عند دارنا و شريتو حتى في جهازي

[imane-droit]

اشري مولينكس روعة