العرايش و التشاراك من مطبخي

[kakinova]

المشاركة الأصلية كتبت بواسطة طير الرحمة

رووووعة يارك الله فيك وطريقة الكاوكاو هاااايلة من فضلك مافهمت القلاصاج واش فيييه ممكن تعيدى لى لو سمحت المقادير لانه عندى قاطو للعرس حاية نديرو يالقلاصاج وما لقبي النوع المليييخ ياربي المقادبر اكون قليلة لكى اجرب اولا وسلمت يداك شكراااااااااا

انا استعملت قلاساج سريع لانو كانت 1 نتاع الليل
درت حليب فايض و بارد زائد ماء زهر و خلطت معاه سكر رطب زوج ملاعق و خلطت بالخفاقة اليدوية حتى تغير لونو قليلا و ضفت عصير ليمون و كملت نخفق و نضيف سكر رطب
لكن هذه القلاياج فيه حليب مالازمش يطول

نعطيك طريقتي فالقلاساج جربي شوية و متاكدة رح يعجبك

نعطيك كمية قليلة و جربي و شوفي


في الخلاط الكهربائي ماشي نتاع الطاس الكبير
حطي بياض بيضة و ابداي فالخفق ثم ضيفي قطرات خل و الخلاط دائما يدور و رشة ملح و قطرات من عصير الليمون حتى يتضاعف حجم البيضة
ضيفي كمية من ماء الزهر حسب الرغبة فنجال او حتى اكثر و عصير ليمون و القليل من السكر الرطب و كملي اخفقي و ضيفي السكر الرطب كل مرة حتى قريب يصبح كثيف ذوبي فنجال او مغرف كبيرة مملوؤة مليح فوندون في حمام مائي و خلطيها مع المكونات الاخرى فالخلاط مع ملعقة زيت وز كملي اخفقي مليح
رح تتحصلي على قلاساج ابيض ناصع دون اضافة ملون و يبقى طري و ناعم

جربي في حبة اذا جاك سائل ضيفي سكر رطب
اذا جاك يابس ضسفي ماء زهر و عصير ليمون

جربي كمية صغيرة و رديلي بالخبر ان شاء الله نكون ساعدتك