اريد حل لمشكلة العلب المصبرة؟

ام ايمان16 · 2013-03-07, 13:54

السلام عليكم

مشكلة علبة الطماطم المصبرة
عندما افتحها ويمر علىها اسبوع اجدها قد شكلت طبقة وكانها ستتعفن ؟مع اني احفظهافي علبة زجاجية مغلقة؟
هل يوجد حل للمشكل

وايضا العلب المصبرة مثل الفطر او الماييس فهل يضر بقاؤهم في العلبة بعد فتحها؟
بانتضار خبراتكم؟

ام ظافر · 2013-03-07, 15:20

اختي احكي لك عن تجربتي الخاصة وهذي 10 سنين
الطماطم لما تفتحيها مباشرة اوضعيها في علبة بلاستيكية انا عن نفسي نستعمل العلب تاع مارغرين لابال والى المجمد وكل وين تحبي تستعمليها اجبدي قطعة بالسكين من العلبة من الفوق والله من نهار استعملت طريقة امي هذه ما رميت شيء من الطماطم لاني جربت طريقة بلارة الزجاج وفوقها الزيت وووووديما تتعفن او تحماض وتتغير طعمتها واحيانا نسافر ممكن حتى لشهرين وهي في المجمد ما يصرالها والو
اما الماييس شرينا منو علبة كبيرة جدا في عرس اخي وبقى منو الكثير صفيتو من ماه و وضعتو في كيس التجميد ولما نحتاج نجبدو في اخر لحظة ونحطو فوق الاوردافر مثلا ولا شيء تغير فيه لانو اصلا كان في العلبة محفوظ في الماء
اما الفطر اغسليه مليح وطيبيه في صوص بيضا عادية ومن بعدها صفيه وخبيه ايضا في المجمد ولما تحتاجيه اجبديه مباشرة الى القدر وما يحتاجش وقت كثير لانو طايب مثل ما نعملو للحمص تماما
هذه تجربتي نتمنى نكون افدتك بيها

الأمنيات · 2013-03-07, 15:31

انا نشري ونقسمها نصفين لاني لا استعملها بكثرة نستعمل تاع الحبة
ندير نصف في المجمد ونصف في علبة مارغرين فارغه عمرها ما خسرت لي

ام ايمان16 · 2013-03-07, 15:48

بارك الله فيكم واالله افدتماني جزاكم الله كل خير
وفكرة علبة لابال اراها جيدة مع المجمد سافعلها ان شاء الله

ام عبودة · 2013-03-07, 15:49

اقتباس:

المشاركة الأصلية كتبت بواسطة ام ظافر

اختي احكي لك عن تجربتي الخاصة وهذي 10 سنين
الطماطم لما تفتحيها مباشرة اوضعيها في علبة بلاستيكية انا عن نفسي نستعمل العلب تاع مارغرين لابال والى المجمد وكل وين تحبي تستعمليها اجبدي قطعة بالسكين من العلبة من الفوق والله من نهار استعملت طريقة امي هذه ما رميت شيء من الطماطم لاني جربت طريقة بلارة الزجاج وفوقها الزيت وووووديما تتعفن او تحماض وتتغير طعمتها واحيانا نسافر ممكن حتى لشهرين وهي في المجمد ما يصرالها والو
اما الماييس شرينا منو علبة كبيرة جدا في عرس اخي وبقى منو الكثير صفيتو من ماه و وضعتو في كيس التجميد ولما نحتاج نجبدو في اخر لحظة ونحطو فوق الاوردافر مثلا ولا شيء تغير فيه لانو اصلا كان في العلبة محفوظ في الماء
اما الفطر اغسليه مليح وطيبيه في صوص بيضا عادية ومن بعدها صفيه وخبيه ايضا في المجمد ولما تحتاجيه اجبديه مباشرة الى القدر وما يحتاجش وقت كثير لانو طايب مثل ما نعملو للحمص تماما
هذه تجربتي نتمنى نكون افدتك بيها

يعطيك الصحة على هذه التدبيرة
لكن علاش ما تحاولش تشري العلب الصغيرة
تشوف روحها اذا كانت تستهللك بسرعة ولا لا
حنا في الدار الكبيرة نشرو الطماطم تاع الكيلو وما تفسدش لكن ما يكمل الاسبوع غير تكون خلاصت
وصحيح الماييز ثمثم يفسد على رايك لازم المجمد اذا كانت العلبة كبيرة
والطن تاني ثمثم يولي حار في اللسان كيطول مفتوح حتى وليت نشري بالعلب الصغيرة وكل ما نحتاج نفتح
الفطر انا في رمضان نشري بالبيدون الحديد ونديرو في عبة بلاستيكية بالماء تاعو مع براج من الليمون
وما يفسدش كامل

ام ايمان16 · 2013-03-07, 17:35

شكرا ام عبودة

انا نستعمل طماطم نتاع رطل بصح مانديرش بيها بزاف على هذي تطول
وضرك نعود نكونجليها كيما قالولي الاخوات

بنت الحاج · 2013-03-08, 03:42

وعليكم السلام ورحمة الله وبركاته
أختي تفاحة هو كما نصحتك الأخوات من قبلي الحل في التجميد وأنا أفعل نفس الشيء ولا مرة فسدت إلى آخر الكمية ولكنني أفضّل استعمال الزجاج بدلا من البلاستيك وعند الحاجة للطماطم خذي منها بالسكين لأنها تكون متماسكة بسبب الثلج وأعيدي الزجاجة للمجمد في الحين حتى تتفادي ذوبانها.

أما الفطر والذرة يفضل تجميدهما بكميات صغيرة ووقت الحاجة أخرجيها واتركيها في درجة حرارة المطبخ لتذوب بشكل عادي واستعمليها، هذه طريقتي وبالتوفيق لك.
وبارك الله في كل الأخوات على ردودهن المفيدة.

ام ايمان16 · 2013-03-08, 08:53

اقتباس:

المشاركة الأصلية كتبت بواسطة بنت الحاج

وعليكم السلام ورحمة الله وبركاته
أختي تفاحة هو كما نصحتك الأخوات من قبلي الحل في التجميد وأنا أفعل نفس الشيء ولا مرة فسدت إلى آخر الكمية ولكنني أفضّل استعمال الزجاج بدلا من البلاستيك وعند الحاجة للطماطم خذي منها بالسكين لأنها تكون متماسكة بسبب الثلج وأعيدي الزجاجة للمجمد في الحين حتى تتفادي ذوبانها.

أما الفطر والذرة يفضل تجميدهما بكميات صغيرة ووقت الحاجة أخرجيها واتركيها في درجة حرارة المطبخ لتذوب بشكل عادي واستعمليها، هذه طريقتي وبالتوفيق لك.
وبارك الله في كل الأخوات على ردودهن المفيدة.

بارك الله فيك اختي
شكرا لك

محمد...عبد النور · 2013-03-15, 18:52

حسب ما أعلمه أختي الكريمة في البيت عند فتح الطماطم يتم تجميدها في المبرد.............و في وقت مضى كانو يضعونها في علبة من زجاج -- بوقال -- او بلارة و يوضع فوقها طبقة من الزيت كي لا تتعفن
بالنسبة للماييس لا اظن انه يفسد و اذا خفتي عليه ضعيه بمائه في بوقال و ضعي فوقه طبقة من الزيت كي لا يفسد
الفطر لا اعلم عنه كثيرا فقط الطريقة المثلى في مثل هاته الحالات تقسيم المادة المراد استعمالها على مدار مدة طويلة الى حصص و تضعينها في صاشيات صغار متفرقة يعني كل صاشي فيها مقدار يكفيك لاعداد وجبة مثلا و تضعينها في المجمد و كلما احتجتي الى طبق تأخذين صاشي و تبقى بقية الحصص مجمدة
اتمنى ان اكون موفق في الاجابة ...........ههههههههههه
بارك الله فيك و جزيتي كل خير
ســــــــــــــــــــــــــــــــلام

ام ايمان16 · 2013-03-15, 19:39

اقتباس:

المشاركة الأصلية كتبت بواسطة لذريق

حسب ما أعلمه أختي الكريمة في البيت عند فتح الطماطم يتم تجميدها في المبرد.............و في وقت مضى كانو يضعونها في علبة من زجاج -- بوقال -- او بلارة و يوضع فوقها طبقة من الزيت كي لا تتعفن
بالنسبة للماييس لا اظن انه يفسد و اذا خفتي عليه ضعيه بمائه في بوقال و ضعي فوقه طبقة من الزيت كي لا يفسد
الفطر لا اعلم عنه كثيرا فقط الطريقة المثلى في مثل هاته الحالات تقسيم المادة المراد استعمالها على مدار مدة طويلة الى حصص و تضعينها في صاشيات صغار متفرقة يعني كل صاشي فيها مقدار يكفيك لاعداد وجبة مثلا و تضعينها في المجمد و كلما احتجتي الى طبق تأخذين صاشي و تبقى بقية الحصص مجمدة
اتمنى ان اكون موفق في الاجابة ...........ههههههههههه
بارك الله فيك و جزيتي كل خير
ســــــــــــــــــــــــــــــــلام

ربي يبارك فيك اخي
عندك معلومات جيدة عن التخزين

شكرا لك