عصاة الخدمة الوطنية. و المحكمة العسكرية

abdeldjalil147 · 2013-03-04, 21:02

اقتباس:

المشاركة الأصلية كتبت بواسطة المرسم

الله يسلمك خويا انا دفعت ملف كفالة كي روحت صباح دخلت عندهم على الساعة 9 دخلت عند بست بوليس قلي شتا عندك قتلو راني انسومي قلي اعطيني رسالة التوجيه لاكارت ناسيونال شافهم وردهم لي يشدو لبورتابل عندهم وامبعد تدخل الداخل المحكمة عند الباب يشد منك الرسالة +لاكارت ناسيونال ويقلك ريح في القاعة قعدت شوية عيطلي باسمي دخلت عند التحقيق قلي علاش مافوتش السارفيس قتلو كفيل عائلة دا مني الكفالة فيش فامليال شهادة انفصال الاح وفيش تاعو يحقق معاك بزاف بصح نورمال ماتخافش خويا الكوراج برك ريحت في القاعة وامبعد عيطلي اعطاني استدعاء لمدة 3اشهر قلي بعد 20يوم روح للجوندارم يديرو معاك تحقيق كي يلحق وقت الاستدعاء ارواح عندنا عطاوني الكارطة وخرجت من المحكمة 11:30

شكرا جزيلا على التوضيح اخ مرسم
يعني قعدت من 9-------11.30
كم من الوقت استغرق معك التحقيق ؟ و ماهي اهم الاسئلة التي قدمت اليك ؟
هل كان هناك اشخاص قدمو ملفات سواءا طبية او كفالة ؟ يعني هل كان هناك اكتضاض في المحكمة
!!!
اذا ممكن نتواصل على الفايس..