اجب على السؤال .. و ناقش الذي يات بعدك بسؤال

[أبو الحروف]

المشاركة الأصلية كتبت بواسطة حقوقية

نجبد الدراهم من الخزينة الوطنية و نوكل الشعب كيما راهو ...و نلبسهم ...........و نخرج المحابسية اللي دخلوا للحبس علاجال الرجلة و النيف .......نحل البرلمان و نقيل الحكومة
نفس السؤال ...........اللي بعدي اتهلى

ترددت في دخول الموضوع أصلا وترددت أكثر في الاجابة على هذا السؤال ممكن رأيي ما يعجبش الكثير من الاعضاء ومع ذلك أنقوله وإلي يسرا يسرا

أول شيء نسحب الجزائر من كل المنظمات والمعاهدات الي راهي مشتركة فيها
نعطي لكل ولاية استقلالها الذاتي وكل واحد إعول على روحوا بركه من الحقرة في توزيع ثروة لبلاد الشمال عايش على ظهر الجنوب وياكل فيها طايبه مكفاش البترول والغاز حتى البطاطا راهي إهزوا فيها من الجنوب وإلي ماهوش مصدق يزور اسواق الخضار بالوادي ومكلاه نحكي على اللحوم من ولايات الجلفة والاغواط ويكفي من نهب وإستنزاف ثروة الجنوب ممكن واحد فيكم إقول هذا حقود وما يحبش لبلاد وحاب يخليها والله راني عكس هذا الكل بصح الفقر والهم والحرمان والحقرة واللامبالات تع السلطات للجنوب وأهلوا إطلع الشيب للولد الصغير يقدر واحد فيكم إقولي وعلاه ميزانية الجزائر تقريبا اكلها من الجنوب وكل الخير أتشوفوا في الشمال المدن الكبيرة والمؤسسات المهمة في لبلاد والجامعات العملاقة والوزارات ممكن واحد فيكم إقول الكثافة السكانية في الشمال أكثر من الجنوب هذا عادي الناس دائما تروح وين كاين الثروة وفي الجنوب مكاين حتى وجهة صغير من وجوه الثروة والله واحد فيكم إذا كان عندوا الكوراج وجاوبني بصراحة إذا أكمل البترول والغاز تع الجنوب زعمه مازال الدولة أتفكر في الجنوب والله تنساه وأتنحيه من خريطة الجزائر اليوم الخير أكل يخرج منوا وناسيينوا وعلاه منديروش كيما كل دول العالم دائما المنطقة إلي فيها الثروة تستفاد هي الاولة وهذا حقها الطبيعي وحنا في الجنوب وكأننا مواطنين من الدرجة الثانية تكفيك زيارة واحدة لبضعة أيام لمدن الشمال وتلاحظ الفرق الرهيب بين مستوى المعيشي بين سكان الشمال والجنوب على الاقل والله بدون مبالغة كاين حوالي 20سنة فرق
إلي حاب إرد يا جماعة إرد بالمنطق والواقع ماكلاه العواطف العمياء والوطنية المبالغ فيها والحمية العمياء وإلي زار مدن الجنوب والشمال راهوا يفهمني مليح لأنك تلاحظ كل الامور بسهولة تامه والله ما علابالي واش انقول إذا كان شباب الشمال راهم يحرق في البحر وأحنا أنتاع الجنوب واش أنديروا.

السؤال

إذا وقع إستفتاء في الجزائر موضوعه السؤال التالي ماذا يكون تصويتك

هل توافق على أن تنال كل ولاية حكمها الذاتي وتتصرف بكل حرية في الشؤون الداخلية الخاصة بها وتتمتع بالثروات والخيرات الموجودة على اقليمها ؟