هــــل و هــــل !

[BAROUD]

المشاركة الأصلية كتبت بواسطة khadouj_1985

السلام عليكم اخي انا بصفتي امرأة ماعنديش المشكل بنفس الحجم لانو المرأة بطبيعتها حنونة و طيبة كيما نقولوا بالعامية تتبلعط بابسط حركة من الناس و كيما قلت لقينا انفسنا في عائلة و لكن كبيرة شويا و مخلطا و لازم نتاثرو يعني شيء طبيعي و العكس انا من خلال مشاركاتك و مواضيعك نحسك انسان عاقل و رزين و مبادئك صحيحة و لست بلين لدرجة تتبدل للاسوأ انا نقولك بسط الامور و ما تعطيش اهمية كبيرة للمحيط خصوصا الناس اللي ما تقدرش تناقشهم انا برك لاحظت ظاهرة ما عجبتنيش في المنتدى و اذا استفحلت الذاهرة رح يخسر و هي الكــذب في المواضيع و تاليف قصص من نسج الخيال انا نتمنى نكونوا صادقين مع نفوسنا حتى و ان كنا في عالم افتراضي شكراااا على الموضوع

شكرا جزيلا لك الاختkhadouj_1985 علئ الافادة
انا فقط حبيت نبدا من الاخير و هذا سبب تخلف معظم الناس و هو انهم يكذبوا من جال يفررظوا رواحهم علئ غيرهم و يحسبوا الامر شطارة و قفازة لالا انت تبقئ انت طول و لا تقصر يجي نهار يعرفوك علئ اصلك مهما طول نهار يعني داخل علئ الناس هف و لف و تغير في مظهرك و مظاهرك باش تكون فارض نفسك افرضها بحكمتك و شخصيتك و اسلوبك و تعاملك المحترم مع الاخرين اما تبقئ منا و منا تاكد انك نهار تموت ما يعرفوك لا انت منا و لا منا مليحة هذه منا و منا
الشيء اللي يهمنا هو انو نحافظ علئ جوهرنا و هذا لانقاش فيه اما المعاملات الاخرئ تؤول الئ الظروف و البيئة بنسب متفاوتة و في زيادة هذا مؤكد لانك لو تنقص و تحط من امورك لا تستغرب انك تكون في يوم ما مجرد انسان و فقط

سلامتك اختنا و متشرفين بك

[سعاذ]

المشاركة الأصلية كتبت بواسطة baroud

امين منا و منكم بالصح قالوا لي دعاويك من فمك ل ربي
اواااه انت تفكرينا بدعوة بعد صلاة الصبح
المهم حبيت نقول و لاول مرة هنا و شخصيا الصداقة تصنيفي للاصدقاء هو كالاتي
درجة اولئ للاسف حتئ واحد ما وصلها يعيني ولا صديق ممتاز عندي
درجة ثانية صديق علئ الاقل او اثنين علئ الاكثر
درجة ثالثة كل الناس او عموم الناس

اقول هذا الكلام الشخصي مش لاني انسان محدود الفكر او معنديش الزهر ف الاصدقاء لالا
اصدقائي نختارهم بمواصفات حتئ و ان كلفني الامر ان ابقئ بدونهم او ابقئ باصدقاء الدرجة اللي هم ما يهموني في و لا شيء يعني بينهم السلام و الحكي في حدود حتئ و ان قاسوني بكلام لا يؤثر عليا ذلك مطلقا لانهم عابرين و مسامحين دنيا و اخرة
هكذا
البيئة هنا تلعب دور اخر في كيفية استقطاب و اختيار الاصدقاء و هذا ما نراه بوضوح
اصدقاء العامة اصدقاء موسميين اصدقاء مصالح اصدقاء دراسة اصدقاء اخرين
و لهذا انا لما بحثت عن صديق الدرجة الاولئ لم اجده تماما اللي هو محتمل جدا يكون نسخة عني يعني هو انا و انا هو
و بقيت في اصدقاء الدرجة الثانية و تعرفي مستواهم يطلع و يهبط علئ حسب الظروف يعني مش ثابت وجودهم و التنازل لهم محدود جدا
و علئ هذا كما يقولوا حال خير من حال و كما قلت نغيروا من افكارنا و ما نغيروا من مبادئنا

هكذا اختنا سعاذ

السلام عليكم


كي نتفكر خويا ندعيلو يستاهل كل خير
صراحة كلامك هذا وضحلي حوايج بزاف و تفكرت واحدة نعرفها
كل مرة تجبد اسم طفلة تسبقها بكلمة صحبتي و خطرات تشكي منهم وديما نلومها كي تشكي منهم و خطرى سقسيتها عندك صحبات قالتلي مانامنش بصداقة ثم قلتلها وعلاش كل ماتجبدي طفلة تقولي صحبتي قالتلي فيا طبيعة ثم انا قلتلها منقدرش نهدر كلمة انا منقصدهاش و صحبة ماشي تتبني بين عشية و ضحاها صداقة عشرة عمر باضافة الى كلام اخر علبالي بلي زعفت منى تاع الصح ثم قالتلى ملا انا ماشي صحبتك قتلها كيفاش عرفتي هذا قلتلي كل مانعرفك على طفلة انا نقلك هذي صحبتي و انتي نشير لك بانك صحبتي بصح انت عمرك ماستعملتي هذا المصطلح كي تعرفيني على اي وحدة
المهم خويا بارود ابقى كيما انت في اخلاقك و تربيتك و صراحتك و صرامتك و انضباطك خاطر حتى لو كانو ناس لي ديرين بيك قليل بصح تاكد بلي كامل يحترموك و يقدروك خاطر صح ناس تميل لي يبلعط في كلام و لي لهو لي جا يديه بصح كي يولي لصح و كي يحتاجو شخص بجانبهم يمدلهم النصائح و انسان صدوق يرجعو ليك و الله حتى اشخاص لي تحسهم ينفرو منك و الله في داخلهم يحترموك و يقدروك على اقصى حد و عن تجربة
و المهم انسان حتى لاخسر اشخاص ميخسرش نفسو خاطر صعيب بزاف يسترجع الثقة بنفسة لاراحت
دمت في رعاية الله و حفظك
وربي يسرلك امرك ان شاء الله

[BAROUD]

المشاركة الأصلية كتبت بواسطة سعاذ

السلام عليكم


كي نتفكر خويا ندعيلو يستاهل كل خير
صراحة كلامك هذا وضحلي حوايج بزاف و تفكرت واحدة نعرفها
كل مرة تجبد اسم طفلة تسبقها بكلمة صحبتي و خطرات تشكي منهم وديما نلومها كي تشكي منهم و خطرى سقسيتها عندك صحبات قالتلي مانامنش بصداقة ثم قلتلها وعلاش كل ماتجبدي طفلة تقولي صحبتي قالتلي فيا طبيعة ثم انا قلتلها منقدرش نهدر كلمة انا منقصدهاش و صحبة ماشي تتبني بين عشية و ضحاها صداقة عشرة عمر باضافة الى كلام اخر علبالي بلي زعفت منى تاع الصح ثم قالتلى ملا انا ماشي صحبتك قتلها كيفاش عرفتي هذا قلتلي كل مانعرفك على طفلة انا نقلك هذي صحبتي و انتي نشير لك بانك صحبتي بصح انت عمرك ماستعملتي هذا المصطلح كي تعرفيني على اي وحدة
المهم خويا بارود ابقى كيما انت في اخلاقك و تربيتك و صراحتك و صرامتك و انضباطك خاطر حتى لو كانو ناس لي ديرين بيك قليل بصح تاكد بلي كامل يحترموك و يقدروك خاطر صح ناس تميل لي يبلعط في كلام و لي لهو لي جا يديه بصح كي يولي لصح و كي يحتاجو شخص بجانبهم يمدلهم النصائح و انسان صدوق يرجعو ليك و الله حتى اشخاص لي تحسهم ينفرو منك و الله في داخلهم يحترموك و يقدروك على اقصى حد و عن تجربة
و المهم انسان حتى لاخسر اشخاص ميخسرش نفسو خاطر صعيب بزاف يسترجع الثقة بنفسة لاراحت
دمت في رعاية الله و حفظك
وربي يسرلك امرك ان شاء الله

سلامتك سعاذ نهارك مبارك
قالوا الصاحب ساحب مش عارف منين جات من راسي و شكون جاب هذ المقوله شكون هو
حقيقة الواحد يحتاج وقت باش يتخلى عما اعتاد عليه طوال الوقت ك يستوعب انو لم يعد مناسبا لكن انا نقدر بطريقتي الخاصة ارجع بسهولة لما كنت عليه مسبقا علئ هذا لازم تعرفي انو الانسحابات التي تحفظ الكرامة هي في حد ذاتها انتصارات يك هكذا و علئ هذا يكون التجاهل الحل الامثل لبعض التفاهات التي تمر بنا من البشر
اما حالة صاحبتك هذه الله اعلم يعني اذا هي بقات معاك من زمان ممكن جدا تعرفي عقليتها و بطريقتك الخاصة انت تقدري تفرضي عليها نوع جديد من المعاملة باش تكون اكثر موضوعية شيء اخر غير عرفني و نعرفك بالاصدقاء و الكثرة مش مليحة هنا و الخلطة ثاني مش مليحة مع بعض الناس لانك تفتحي علئ نفسك باب كنت تقدري تخليه مغلق او علئ الاقل يفتح كما يقولك غير لواحد واحد
و اذا لالا يا سعاذ مقولة اخسر و فارق تكون لها كلمة الفصل مع البعض لانو ليس كل البشر بشر

شكرا علئ الاهتمام و التواصل و الافادة من تجاربك و تجارب الغير

[جنة الورد]

نحن بزمن لا يؤمن بالطيبة

الطيبة تعتبر ضعفا و عدم ثقة فالنفس

خليك على صفاتك القديمة ..

فهي الاصح مع اهل هذ الزمن

احيي فيك الصدق و الصراحة

مع اني متاكدة ان داخلك قلب طيب و معطاء

تحية و تقدير لنبلك ..

[BAROUD]

المشاركة الأصلية كتبت بواسطة جنة الورد

نحن بزمن لا يؤمن بالطيبة

الطيبة تعتبر ضعفا و عدم ثقة فالنفس

خليك على صفاتك القديمة ..

فهي الاصح مع اهل هذ الزمن

احيي فيك الصدق و الصراحة

مع اني متاكدة ان داخلك قلب طيب و معطاء

تحية و تقدير لنبلك ..

سلامتك جنة متشرفين بك
كلام وجيز و عميق و حقيقة انو الانسان يصبح لا يساوي شيء اذا تمازل عن امور باسم الصداقة و الطيبة و في الاخير يطلعوا اصدقاء زفت يفرحوك يومين و يغيبوا سنين ايمالا من اول الواحد يفرض هيبته و وقاره بنفسه لا نو علاش من غير الطبيعي انك تروح لواحد و تطلب منو انو يهتم بك كل شيء مطلوب الا ان تطلب الاهتمام هذا مش طبيعي
كما قلت انت وقتنا هذا اختلطت النيات و اصبحت من ظاهرها رحمة و من قبلها العذاب
علئ كل حال نحاولوا قدر الامكان انو نرجعوا للصل لاني علئ مقربة من الرجوع للاصل و تصبح العقلية فيها جمود او علئ الاقل لاتكون متاحة للكل

شكرا جنة

[BAROUD]

االاخت sarah متشرفين بك

[loulou02]

مرحبا ، شوف أخي Baroudالوقت لي رانا فيه مكانش أصلا الصداقة ، سواءا بين البنات أو الرجال ، كلها علاقات يسودها الهف و النفاق ويزيدو يحسدوك على أبسط الأمور ، و لي قال "إرضاء الناس غاية لاتدرك" مغلطتش ، و نزيد نقولك الإنسان النية و العاقل يحسبوه ضعيف و يحقروه و يطلعوله فوق راسه .

[AMINA.Z]

عادي جدا اخي
انا وحدا من الناس نمشي برايي و الباقي ما يهمنيش خلاص
شخصيتي الحمد لله عاجبتني و راضية عليها حتى و لو كاين ناس مانعجبهمش
نسمع رايهم بالصح والله كيما يدخل يخرج لانو اغلبهم ما يحوسوش على صلاحك
هوما فارغين شغل برك يحبو يفسدو على الناس

المعنى عيش حياتك كيما تحبها انت
واحد ماراح يوقف معاك قدام ربي
المهم ما تظلمش الناس و ما تعصيش مولاك

[BAROUD]

المشاركة الأصلية كتبت بواسطة loulou02

مرحبا ، شوف أخي baroudالوقت لي رانا فيه مكانش أصلا الصداقة ، سواءا بين البنات أو الرجال ، كلها علاقات يسودها الهف و النفاق ويزيدو يحسدوك على أبسط الأمور ، و لي قال "إرضاء الناس غاية لاتدرك" مغلطتش ، و نزيد نقولك الإنسان النية و العاقل يحسبوه ضعيف و يحقروه و يطلعوله فوق راسه .

لا تفكر في إرضاء الجميع لأنه عمل مستحيل لم ينجح فيه حتى الأنبياء عليهم السلام

[prettyangel]

السلام عليكم و رحمة الله و بركاته
ردي أخي بارود هو توقيعك فبالرغم من أن البعض يرونك متكبر وهذا ما يحدث معي الا أني مازلت متمسكت بمبادئي المهم في ذلك أنني لا أاذي غيري و الله هو الذي يعلم ما في القلوب
أما فيما يخص الطيبة فعلى كل واحد منا يعرف متى يظهر طيبته و متى يخفيها ، لأننا أصبحنا في زمن لا يرحم كما قال بعض الأعضاء أصبح الانسان الطيب و النية يسمى بالضعيف ( بهلول)
لكن هذا لا يدفع الانسان الى ان يستعمل الحيلة مع غيره و ما الى ذلك و انما يتذكر ان ما يقوم به هو لله سبحانه و تعالى فرغم قسوه الحياة عليه الا أنه سيجازيه الله على أفعاله فما علينا الا الصبر و التوكل على الواحد الأحد.

[yako02]

نعم يا اخي الناس كيما تتعامل معاهم يصيبو فيك العيب اذا كنت طيب يقول معندوش شخصية و جايح و اذا كنت صارم مع الناس يقولو قبيح و معندوش ذرة حنانة
مثلا انا نتعامل مع الناس في حدود خاصة في العمل اذا كاين خدمة نتعامل معامهم و اذا مكانش نقول السلام عليكم و منزيدش معاهم في الاخير يقولو عليا وحدة متكبرة متجبرة و معلبليش بالناس و انا في الحقيقة طيبة و معنديش هذي العقلية
يعني ارضاء الناس غاية لا تدرك
فكن كما يجب ان تكون و لا تكن شخصا اخر غير انت كن انت و حسب ......

[dahbi01]

يا أخي رانا كامل كيف كيف
والله متواضعين مع الناس كامل ومحترمينهم صدقني أخي نحكي لك على روحي ننقص من روحي ونعطي للناس فقط من أجل إسعادهم ومانيش منتاظر منهم والو ولكن الله غالب عيينا نا نسرطوا ونكووها لجنبنا بصح خلاص ما وليناش نقدروا.
والشخص الي نحسبوا فور هو الي يخرج من الشكارة.صدقني كاين حوايج نديرهم للناس (مواقف) والله مانقدرش انا نطلبهم لا قدر الله وحصلت نخاف نلقى رد موش مليح.
والله نحب واحد يكون مثالي كيما نعاملو يعاملني لكن للأسف ............تلقى واحد صوالح مخك يحبس.
مرات تقول يكلمني واحد ندخل فيه بدماغ.
والسبب نهدر على روحي: لقيت المشكل انو إذا حبينا شخص ما نحبوه ضربة وحدة.............نعم هذا هو المشكل
بصح كاينة حاجة خويا بارودي:
-رغم كل هذا كاين واحد الامور سرية يعلمها غير الله سبحانه تلقى روحك في واحد النعم سبحان الله ممكن النية نتاعنا تسلكنا.
وكذالك كاينة ناس تقدر شخصيتي وعقليتي ويستعرف بها وهاد الناس تجدهم ماشاء الله عاقلين وناضجين والسبب يكمن ممكن في تقارب الشخصيات
ونقولك : أعطي كل ذي حق حقه وخاطب الناس على حساب عقولها.
والرسول صلى الله عليه وسلم قال : ادفع بالتي هي أحسن.