هــــل و هــــل !

[BAROUD]

المشاركة الأصلية كتبت بواسطة سعاذ

السلام عليكم
انا واحدة رسمتلك شخصية من خلال مشاركاتك و انا نقلك بلي انت كيما نقولو عندنا راسك خشين يا خويا يا بارود تاع صح قتلك كبر خط راني قريب نولي مانشوفش و هكذاك مكبرتش و زدت سقسيتك واحد سؤال عندو شحال من شهر و محبيتش جواب عليه و انا شاهدة بلي راك تبدلت خاطر كنت ماتمنش بالصداقة و ذوك وليت تقول صحابي و صاحبي

صراحة مشكل مرهوش فيك مشكل في لعباد لي رانا عيشين معاهم تحير كيفاش راهم يخمموا و عن تجربة شخصية ننصحك يا خويا يا بارود تولي كيما كنت والله واش سرالك سرالي تاب انا و كيما قلت انت حاولت نكون مرنة في التعامل مع الغير و هما فهموها بلي هذا ضعف منى و اني وليت نساير حياة كيما راهي تمشي ماشي كيما لازم تمشي بصح صراحة انا محسيتش براحة بالتحول لي جبرت روحي نديرو على جال هذاك وليت كي زمان
على فكرة انا ثاني عندي هذا المنطلق
الافكار تتغير لاكن مبادئ لا تتغير

يا ستي سعاد اصبت من حيث اني عنيد جدا جدا دك نفهمك بالعقل
هذيك تاع اصحابي و الله للغدوة و انا مامن بها لا صداقة و لا اصدقاء و بما اني كنت من قبل صارم و كما يقولوا مزير و سيريوا علئ هذا تعمدوا صحابي يفقدوني لاني العقليات ماش نفس الشيء و ف مجتمعنا يميلوا للاشخاص اللي يمشوا علئ هواهم و نفحتهم و انا منحبش علئ نمشي علئ عقلية غيري عندي شخصيتي و عندي مبادئ و قيم و انا عارف وش نقول بالمختصر ما قنعوني ف طريقة فهمهم للحياة يعني عايشين من اجل العيش و بس
اعز الاصدقاء و اللي درسوا معي حتئ ف الجامعة لا املك لهم ارقام و لا معلومات في مكان العمل كما يقولوا ما مداصر حتئ واحد
نزيدك شيء اخر بارود لا يؤمن بالصداقة الدائمة و لا العداوة الدائمة بل بالمصالح المتجددة او بعبارة اخرئ صديق عن صديق يفرق و المصالح ادرئ هذه لازم تعرفيها و تلقاي لها مكان في مجتمعنا الحنون
اما باش نفرض عليهم يديروا فيا مزية لالا لانو مش من حقنا نتكلف باش نكونوا ملاح احنا بعفويتنا رائعون
و اظن اني و قلتها من قبل الرجوع سيد المواقف
لاني تحملت جزء من عقليات و افكار خلاتني نتراجع عن بعض مكتسباتي الفطرية و الان حان وقت جذبها
و نرجع للاصل و نمسح غبار الطريق ليظهر لمعاني مجددا و من شاء ان يدخل لفضائي و من لم يشاء فهو حر

سلامتك يا سعاذ


اه نست اذا ممكن تفكريني بالسؤال نروح نصلي و نولي