||حكايات مشوّقة عن ورطات وقع فيها غيرنا و قد نقع فيها نحن كذلك .. شاركونا بالحلول و كونوا هنا بالقرب||.. مفآجآتـ متجددة.

[~ حراير ~]

السلام عليكم و رحمة الله تعالى و بركاته
ياه اول مرة نجي انا الأولة في طرح الحل
حاجة مليحة
قبل ما نقول حلي البسيط جدا و هو وقاية قبل ان يكون علاج
حبيت نشكر اختنا معا إلى الله على ملخصها للورطة الثالثة فقد استفدت كثيرا كثيرا من مشاركتها ففيها افكار رائعة للتطبيق
لكن بكل صراحة أول مابديت نقرأ في الحلول رحت لآخر الصفحة ابحث عن النكت لكن مالقيت والو فطلعت لقراءة المفيد و خلاص و انا اتمنى ان تكون اختنا لعزيزة معا الى الله في حالة صحية جيدة و متهنية هي و عايلتها كل
و ان شاء الله تكون ظروفها بخير و على خير

بالنسبة لمشكلة الرجلين فلي حل مجرب و رااااااااائع و سهل جدااااااااااا
تضعي القليل من "الدنوس" في الحذاء يالوكان تقعدي سمانة و انت لابسة حذاء رياضي تجري بيه و ترقدي بيه مايفوح وااااااااااااالو من رجليك
و هذا الدنوس لمن لا يعرفه هو شب مطحون ارطب جدا و كاين الي يحب يزيدلو شوية مسك غبرة باش يطلق ريحة مليحة و تلقايه عند العطار او بائع الأعشاب و التوابل او تلقايه في الأسواق الشعبية او تكوني شاطرة و تطحنيه وحدك لكن يجب يكون عندك مهراس النحاس باش يتطحن
و نستعملو الدنوس تحت الإبطين باش مايفوحش ريحة العرق و نستعملوه مثل ماقلتلكم في الأحذية
و حاجة أخرى لكن ماجربتهاش بكل صراحة سمعت بيها فقط و هي انه نستعملو الشب مع صابون مرسيليا كسنفرة للوجه فيقال انها ترد الوجه ابيض كي الشمعة و تساهم في محاربة علامات الشيخوخة والله اعلم
هاد وش عندي و كاش ما تفكرت نزيد نقولكم