روائع الخرز

didahe · 2013-02-08, 16:28

من فضلكن ساعدونى فى انجاز هذا المفرش انتظر مساعدتكن

منارة الوفاء · 2013-02-08, 17:40

مودال اشباب حتى أنا راني حابة نخدم واحد انتاع طابلة
طريقة العمل اديالو تشبه نوعا ما المودال الي راني عاملتلو ورشة بع بعض التعديلات في نوع العقاش وفي بداية العمل ولكن في هذا المودال متغلقيش الوحدة وانما تخليها مفتوحة وتخدمي منهم 6 كبار و4 صغار وتلاقي بيناتهم وبوحدات صغيرة على شكل وردة
نحاول نديرلك شرح بسيط باذن الله
أول شىء تبداي بيه تأخذي خيط تديري في 33 حبة من العقاش الأبيض ( يعني ديري حبة عقاش أبيض تعقدي اعليها الخيط ثم تزيدي 23 حبة الباقية ) امبعد اديري عقاش على شكل قصيبات كما هو مبين في الصورة يعني 7 قصيبات في وسط كل واحدة حبة عقاش بيضاء
وفي آخر العمود تديري 4 عقاشات بيضاء امبعد ترجعي الابرة فالحبة الأولى من العقاشات الاربع الي درتيهم فالأخير يعني تشكلي حلقة مكونة من 3 عقاشات بيضاء وتواصلي العمل بحبة حمراء وحبة بيضاء تم حمراء وتدخليها فالعقاشة البيضاءالثانية حتى تتشكلك مقروطات .....ارجعي لموضوعي تفهمي قصدي
وتواصلي العمل حتى توصلي للخيط الأول الي درتيه تعاودي تدخلي في نفس العقاشة البيضاء الي خرجتي منها وتخرجي الإبرة فالعقاشة الموالية وتواصلي العمل للحصول على مقروطات متخالفة الي نهاية 33 حبة وبالتالي تتحصلي على 33 عمود
تخدمي من هاد البياسة 6 بياسات حطيهم بجيه
وزيدي اخدمي من نفس البياسة السابقة لكن تكون صغيرة تتكون من 10 أعمدة وهي الوحدات البيضاء
تخدمي منها 4
أمبعد تلاقي مابيناتهم على حساب الصورة بالعقاش مباشرة وبواسطة الوردات المصنوعة من العقاش

مبدئيا ان شاء الله نكون وصلتلك الفكرة ومن الأفضل اصبري اعليا يامات نجرب نخدم واحد ليا ونوريلك الطريقة بالصور

didahe · 2013-02-08, 20:07

اقتباس:

المشاركة الأصلية كتبت بواسطة منارة الوفاء

مودال اشباب حتى أنا راني حابة نخدم واحد انتاع طابلة
طريقة العمل اديالو تشبه نوعا ما المودال الي راني عاملتلو ورشة بع بعض التعديلات في نوع العقاش وفي بداية العمل ولكن في هذا المودال متغلقيش الوحدة وانما تخليها مفتوحة وتخدمي منهم 6 كبار و4 صغار وتلاقي بيناتهم وبوحدات صغيرة على شكل وردة
نحاول نديرلك شرح بسيط باذن الله
أول شىء تبداي بيه تأخذي خيط تديري في 33 حبة من العقاش الأبيض ( يعني ديري حبة عقاش أبيض تعقدي اعليها الخيط ثم تزيدي 23 حبة الباقية ) امبعد اديري عقاش على شكل قصيبات كما هو مبين في الصورة يعني 7 قصيبات في وسط كل واحدة حبة عقاش بيضاء
وفي آخر العمود تديري 4 عقاشات بيضاء امبعد ترجعي الابرة فالحبة الأولى من العقاشات الاربع الي درتيهم فالأخير يعني تشكلي حلقة مكونة من 3 عقاشات بيضاء وتواصلي العمل بحبة حمراء وحبة بيضاء تم حمراء وتدخليها فالعقاشة البيضاءالثانية حتى تتشكلك مقروطات .....ارجعي لموضوعي تفهمي قصدي
وتواصلي العمل حتى توصلي للخيط الأول الي درتيه تعاودي تدخلي في نفس العقاشة البيضاء الي خرجتي منها وتخرجي الإبرة فالعقاشة الموالية وتواصلي العمل للحصول على مقروطات متخالفة الي نهاية 33 حبة وبالتالي تتحصلي على 33 عمود
تخدمي من هاد البياسة 6 بياسات حطيهم بجيه
وزيدي اخدمي من نفس البياسة السابقة لكن تكون صغيرة تتكون من 10 أعمدة وهي الوحدات البيضاء
تخدمي منها 4
أمبعد تلاقي مابيناتهم على حساب الصورة بالعقاش مباشرة وبواسطة الوردات المصنوعة من العقاش

مبدئيا ان شاء الله نكون وصلتلك الفكرة ومن الأفضل اصبري اعليا يامات نجرب نخدم واحد ليا ونوريلك الطريقة بالصور

جزاك الله نعيم الجنة سوف انتظرك اختى متطوليش اعليا ربى ايحققلك كل رغباتك

didahe · 2013-02-09, 13:44

هل انا فى طريق الصح

fatyb · 2013-02-09, 14:43

ايه والله صلحتيها ممكن تفهميني كيما تبداي وتطلعي السطر الاول كيفاه ديري باه تزيدي طلعي السطر التاني

منارة الوفاء · 2013-02-09, 15:37

اقتباس:

المشاركة الأصلية كتبت بواسطة didahe

هل انا فى طريق الصح

جبتيها يالشاطرة

يعطيك الصحة
ذرك تخدمي منهم 6 وتلسقيهم مع بعض حسب المودال الي راكي حاباتو
وهذوك لبراج الصغار 4 الي باللون الأبيض ديريهم هكذا برك ديريهم صغار تبعي الحساب الي فالمودال
موفقة حبيبتي

didahe · 2013-02-09, 16:00

اقتباس:

المشاركة الأصلية كتبت بواسطة منارة الوفاء

جبتيها يالشاطرة

يعطيك الصحة
ذرك تخدمي منهم 6 وتلسقيهم مع بعض حسب المودال الي راكي حاباتو
وهذوك لبراج الصغار 4 الي باللون الأبيض ديريهم هكذا برك ديريهم صغار تبعي الحساب الي فالمودال
موفقة حبيبتي

merci bcp soeur c tres gentil de ta part