ادخلو تشوفو نتيجة الزعاف هههه

أنوثة شرقية · 2013-01-26, 18:21

اقتباس:

المشاركة الأصلية كتبت بواسطة omnadjem.10

اختي هايل انا جربت وصفة من المنتدى بصح جات من داخل معجنة قوليلي كيفاش عملتية وطريقة طيابو وشكرا هداك الننوس الله يبارك ديريلنا فوطو واح اخرى باش نشوفوه دركي كيفاش ولى داير الله يبارك عليه

ام نجم ارواحي ارواحي اقعدي حدايا هههه ماتراطيش هاذ الفرصة وانا طالعلي المورال باش نوريلك طريقتي في الاكلير جربيهم وادعيلي
بسم الله نبداو
المقادير هذي تجيك سنيوة تاع فور
بالنسبة للعجينة
كاس الا ربع فرينة + كاس الا ربع ماء + ربع كاس مارغرين طرية+بيضتين الى ثلاث بيضات على حسب حجم البيضة +قرصة ملح حوالي ربع ملعقة صغيرة
الطريقة هي الصح انتبهي
حطي الماء والزبدة والملح في كاسرول وخليهم حتى يبداو الغليان وحطي الفرينة وخلطي مليح بملعقة خشب..انا مع الزعاف خلطت وضربت هههههه

... ماتنحيش الكاسرول من فوق النار اكيد تكون النار هادية لما تصير ماتلصقش ف الكاسرول امسكي بالملعقة اجبدي بالشوية وقطعي العجينة وقلبي زيدي قطعي وقلبي وخلطي مليح نحيها من النار وحطيها في صحن عامق خليه دقيقة وضيفي بالحبة تاع البيض وخلطي مليح حتى تدخل البيضة في العجينة خلاص زيدي حطي الحبة الثانية وخلطي مليح اذا جاتك قاسية شوية زيدي الثالثة انا استعملت بيضتين لانو العجينة جاتني طرية ورخوة وناعمه. افرغي من العجينة في جيب الحلواني وشكلي اصابع غليظة قليلا وحطي في الفرن على درجة 200 درجة لمدة 10 دقائق ثم نقصي في درجة الحرارة الى 180 درجة وخليهم حتى يحمارو. انتبهي تفتحي الفرن في بداية الطياب راح يتفشو خليهم 10 او ربع ساعه وطلي عليهم وكي يحمارو اجبديهم. وسر البنة هي انك تخلطي كريم شانتييه وكريم باتسيير وكريمة الزبدة مع بعض للحشو. جربيهم واذا صلحولك ادعيلي لي ولعائلتي