حين بالغت أخت زوجي في التسلط

[خربشة ناعمة]

شكون فينا ما كانتش تعاني مع اهل زوجها
حماتها او بناتها
و لكن في حالتك انت اول حاجة راكي ساكنة وحدك
و اخت زوجك كيف كيف ساكنة وحدها
اول حاجة غاضتها منك انك لما راكي تزوري يماها اول حاجة لازم تعاونيها في الشغل
وعلى حساب ما فهمت عجوزتك وحدها مكانش الللي عاونهافي شغل الدار
و انت لما رحتي خليتي عجوزتك واقفة و اخت زوجك تسيق فالدار
و طلعتي عند سلفتك
برايي انت جيتي لعند عجوزتك ماشي لعند سلفتك
و من المفروض كنت تبقاي عند عجوزتك
لما تسمع بيك سلفتك باللي راكي تم راح تهبط و جي تسلم عليك
هذا الامر خلا اخت زوجك تحس باللي راكم متفاهمين على راسهم

الاهم في الامر و اللي لازم تتمسكي به هو رضا عجوزتك حتى لو تبدلت معاك ما تتبدليش معاها
خليكي دايما انت العاقلة و راح يجي نهار وتعرف قيمتك
اما بالنسبة لاخت زوجك ما لازمش تروحي في نفس اليوم اللي تزور فيه يماها
باش تتفاداي تطيحي معاها فالكلام الزايد
و اذا شفتيها خلي علاقتك معاها رسمية
يعني الكلام على قد السؤال

و بالنسبة لعجوزتك حتى اذا حبت تهدرلك على بنتها
كوني سريعة وبدلي الهدرة تم تم

ما دامك ساكنة وحدك حاولي تركزي في راجلك و اولادك و دارك
و تجنبي الحديث مع زوجك فيما يخص موضوع اخته ويماه
لان الزوج كل شيء يتحملوا الا زعاف يماه عليه
و دائما كوني انت اللي تذكريه باش يتصل بيماه و يروح لعندها و يشوف واش خاصها
باش كاش ما يقولولوا عليك يتعجب يقول هي اللي دايما تنصحني باش نكون بار بيما
و ما يصدقش كلامهم عليك
ما دام راجلك متفاهمة معاه و عايشة لاباس معاه
متكسريلوش راسو بالهدرة اللي تقولها اخته

الله يهنيك ويسخر لك زوجك

[imane1]

المشاركة الأصلية كتبت بواسطة خربشة ناعمة

شكون فينا ما كانتش تعاني مع اهل زوجها
حماتها او بناتها
و لكن في حالتك انت اول حاجة راكي ساكنة وحدك
و اخت زوجك كيف كيف ساكنة وحدها
اول حاجة غاضتها منك انك لما راكي تزوري يماها اول حاجة لازم تعاونيها في الشغل


كنت ولا أزال أفعل .. عمري ما تأففت
وإنما ما حصل يومها أن أخت زوجتي سبقتني الى بيت اهلها وبدأت بمحض ارادتها التنظيف
ولو انها تركته لحين مجيئي لكان خير لها من ان تحدث مشكلا فيما بعد على لاشيء
أنا طلعت عند سلفتي كي كانت الدنيا مزرزقة لتحت وماكانش كاين حتى شغل اخر يمكنني القيام به


وعلى حساب ما فهمت عجوزتك وحدها مكانش الللي عاونهافي شغل الدار
و انت لما رحتي خليتي عجوزتك واقفة و اخت زوجك تسيق فالدار

عجوزتي سلمت عليها وسلتها وسألتني وقالتلي ماعندنا مانديرو الان
يعني ماحرقتهاش وطلعت
او خليتها تخدم وطلعت


و طلعتي عند سلفتك
برايي انت جيتي لعند عجوزتك ماشي لعند سلفتك
و من المفروض كنت تبقاي عند عجوزتك
لما تسمع بيك سلفتك باللي راكي تم راح تهبط و جي تسلم عليك



هما في بيت واحد , وهي كانت مازال ماكملت شغلها رحت صباح ربي
يعني طلعت نشوفها عادي , وموالفة هي تنزل
لا أدري لم أجد حينها حرجا في صعودي اليها ولم اجد بعده ندماً لانني اصلها وتصلني عادي يعني
كيما سلمت على اخت زوجي وشفتها نشوف مرت خوه


هذا الامر خلا اخت زوجك تحس باللي راكم متفاهمين على راسهم

سبحان ربي

الاهم في الامر و اللي لازم تتمسكي به هو رضا عجوزتك حتى لو تبدلت معاك ما تتبدليش معاها
خليكي دايما انت العاقلة و راح يجي نهار وتعرف قيمتك
اما بالنسبة لاخت زوجك ما لازمش تروحي في نفس اليوم اللي تزور فيه يماها
باش تتفاداي تطيحي معاها فالكلام الزايد
و اذا شفتيها خلي علاقتك معاها رسمية
يعني الكلام على قد السؤال

و بالنسبة لعجوزتك حتى اذا حبت تهدرلك على بنتها
كوني سريعة وبدلي الهدرة تم تم

ما دامك ساكنة وحدك حاولي تركزي في راجلك و اولادك و دارك
و تجنبي الحديث مع زوجك فيما يخص موضوع اخته ويماه
لان الزوج كل شيء يتحملوا الا زعاف يماه عليه
و دائما كوني انت اللي تذكريه باش يتصل بيماه و يروح لعندها و يشوف واش خاصها
باش كاش ما يقولولوا عليك يتعجب يقول هي اللي دايما تنصحني باش نكون بار بيما
و ما يصدقش كلامهم عليك
ما دام راجلك متفاهمة معاه و عايشة لاباس معاه
متكسريلوش راسو بالهدرة اللي تقولها اخته

الله يهنيك ويسخر لك زوجك

آمين يارب

أجزلت أختي الفاضلة , كفيتي و وفيتي
أشكر لك حضورك بعمق