بشرى آخر أجل لمفتش رخصة السياقة ما زال.

غصن زيتون · 2013-01-20, 16:13

اقتباس:

المشاركة الأصلية كتبت بواسطة hichame47

السلام عليكم اخواني

المهيم انا دفعت الدوسي عبر البريد و بعدها ب 9 ايام دخلو عمال البريد في اضراب و مانيش عارف اذا الدوسي وصل ولا لا المهيم خليها على ربي

بعدما درت حسابي قررت نروح نحط دوسي اخر بيدي على اساس الدوسي تا البريد ما وصلش
و بعد قطع مسافة كبيرة من وادي رهيو الى الرويبة و عناء شديد باش لقيت المركز و كان هذا يوم 9 جانفي قالي البواب بلي حبسو ما راهمش يستقبلو الدوسيات لان الاجل انتهى و اول اعلان ف الجرائد كان يوم 2 ديسمبر و الاجل ينتهي يوم 2 جانفي و زادو ف الاجل مدة 5 ايام و رجعت خائب و المورال في الارض

المهيم يا جماعة الي وصلو الاستدعاء يخبرنا يارك الله فيكم مازال عندي امل في الدوسي تاع البريد:d:d:d
ربي يسهل للجميع

اخي اذا بعثتو عبر البريد السريع اي خلصت عليه70دج فانو يصل في مدة يومين حتى لو تكون المسافة بعيدة

غصن زيتون · 2013-01-20, 16:38

بما انو المسابقة وطنية والعدد المطلوب 93منصب هل يكون عدد المترشحين بالالاف ام لا

hichame47 · 2013-01-21, 13:45

اقتباس:

المشاركة الأصلية كتبت بواسطة عاشق سهام

اخي اذا بعثتو عبر البريد السريع اي خلصت عليه70دج فانو يصل في مدة يومين حتى لو تكون المسافة بعيدة

ما ظنيتش اخي الكريم

وحد الخطرة تلاقيت صدفة باحد الشباب يعمل في البريد المركزي بالجزائر العاصمة و سقسيتو هل حقيقة البريد السريع كاين منو ؟؟

و الاجابة كما كنت متوقعها مخيبة للامل

قالي كي البريد العادي كي البريد السريع كي البطيخ كاملين يروحو في وقت واحد و في سيارة وحدة و قالي في بعض الاحيان رسائل البريد السريع تتعرض لعدة عراقيل باش توصل لمولاها

و الفائدة الوحيدة في البريد السريع هي وصل الاستلام الى يثبت بلي الرسالة وصلت و فقط

هذي هي بلادنا ادي ولا خلي