شرط السكن مع العائلة

[brahimi31]

المشاركة الأصلية كتبت بواسطة كاميلا

السلام عليكم ورحمة الله تعالى وبركاته
كم من عائلة بالاخص الامهات اصبحن يأكلهن الندم على اشتراطهن على ان يسكن ولدها معها
قداش وحدة راهي تشتكي من هاد الحال
كم من واحدة قالت ندمت ولدي راهو ساقط وبخيل عايش على ظهري وظهر الشايب لا يصرف ولا يجيب
هي فعلا حقيقة لا يمكن انكارها ان الرجل واغلبيتهم وليس الكل خاصة اذا كان ذو دخل قليل يسكن مع والديه ليس حبا بهما واقول ليس الكل بل كيما نقوله بالعامية بروفيتاج يبقى هو وزوجته يكنزه في النقود هذا اللي يكون يخمم لبعيد وحاب يستقل وكاين اللي ميكنزش حاطها داره يعني والديه راهم ضياف واقيلا هوما والبنات؟
كم اكره هذا النوع منهم
تقول وحدة جارة لنا راهو غير يطلع على ظهري ميخلص تريسيتي معانا مايصرف وزيد زوجته يوم كامل وهي مريحة في سريرها ههههههه "ماكلة ورقاد عسكر بغداد هههه
وهي يشريلها الذهب وباباه يصرف ويقضي للدار

ماهو رايكم في هذه النوعية ؟ هل هذه رجولة؟ تعيش عالة على والديك؟ يعني حابة نفهم واش هل يعرف مثل هؤلاء معنى المسؤولية؟ او معنى الرجولة؟
هيه اسيدي اك ساكن مع والديك تعيش بالتطفل عليهم؟

ياو واش هذا ؟؟؟؟؟ راه راسي حبس ويقولك رانا رجالة ؟ هاذو des escro

وعليكم السلام
مشكورة على طرح هذا الموضوع القيم
كل اللوم يقع على الوالدين هم من يتسببون في هذه المشكلة بالمفهوم الخاطئ حيث يوجد الكثير من الاولياء من يدللون ابنائهم ويعلموهم الاتكال منذ نعومة اضافرهم ويولفونهم بالمصروف والكسوة واذا اراد الشاب منهم ان يذهب ويبحث عن عمل خارج مدينته يعارضونه ويقولون له ((ما يخصك حت شي ريح نيفرج ربي )) ثم يتقدم به العمر فيقولوا زوجوه باش يخدم على روحو وتخدنما الكنة فماذا ننتضر من الانسان الي طول عمرو انوض على 11انتع النهار لا خدمة لا قدمة ماكلة ورقاد و بيع لبلاد وهذه الفيئة يطلق عليها أشباه الرجال من برّا ألله الله ومن داخل يستر ألله
لهذا يجب اعادت النظر في هذه التنشئة
تقبلوا مروري

[كاميلا]

المشاركة الأصلية كتبت بواسطة brahimi31

وعليكم السلام
مشكورة على طرح هذا الموضوع القيم
كل اللوم يقع على الوالدين هم من يتسببون في هذه المشكلة بالمفهوم الخاطئ حيث يوجد الكثير من الاولياء من يدللون ابنائهم ويعلموهم الاتكال منذ نعومة اضافرهم ويولفونهم بالمصروف والكسوة واذا اراد الشاب منهم ان يذهب ويبحث عن عمل خارج مدينته يعارضونه ويقولون له ((ما يخصك حت شي ريح نيفرج ربي )) ثم يتقدم به العمر فيقولوا زوجوه باش يخدم على روحو وتخدنما الكنة فماذا ننتضر من الانسان الي طول عمرو انوض على 11انتع النهار لا خدمة لا قدمة ماكلة ورقاد و بيع لبلاد وهذه الفيئة يطلق عليها أشباه الرجال من برّا ألله الله ومن داخل يستر ألله
لهذا يجب اعادت النظر في هذه التنشئة
تقبلوا مروري

اولا شكرا جزيلا للرد الكريم
صحيح اللوم يقع على الوالدين هوما اللي يساهمه في هاد الشيء وكاين منهم اللي ماساهمش من الصغر يعني ممكن امه تشرط عليه او تقنعه يجي يسكن معاها وطمعه باللي كل شيء باطل النفس ضعيفة امام بوباطل اذا هو يستحلاها ويعجبه الحال وهاد الام ترد ولدها عايش عالة وليس لديه حس المسؤولية

مع انه هاد الظاهرة تاني لاحظتها من طرف البنات خاصة اذا كانت ساكنة مع حماتها تلقاها طوال الايام تقريبا يالوكان في النهار عند امها هههه الى درجة انه وحدة معريفتنا زوجها زعك بنته قالها احكمي دارك