فهوني راهو راسي جمد

كاميلا · 2012-12-30, 16:36

السلام عليكم
ههههههههه
والحمد لله قربت خلاص خطبتي بعد المواضيع اللي طرحتها هنا ان خالة زوجي كل ساعة يتأجل الشوفة اولا وثانيا الخطبة وهذا على حسب سفرياتها ؟ في آخر هدرة هي ماش مفهمة روحا وحماتي قاتلك على حساب وقت اختي المهم بدون ان ادخل في سوء الظن عندما رسى الموضوع على موعد قالت لا ميساعدش خالتك؟ هنا لخطيبي كان موقف وقالهم خلاص حددنا موعد وخلاص الشيء اللي زاد وغطى كي جايين قالت عجوزتي نجيب معايا 12 مرا و نفس العدد رجال
برك فهموني راهي خطبة ؟ والا عرس ؟ امي ما قالت واله كي هدرت معاها قاتلي يا بنتي واش ندير
الصالون كبير لكن لا يتسع لهم ولنا بل لا يتسع لي كي نجي يعني نقعد في الارض احسن باش الحماة تفرح هذا ماكان
مخي جمد ياك هاذي خطبة ودايرتها خفيفة يعني تلبيس خواتم وطارطة وخلاص

قولولي انتم كيفاش تشوفه في هاد لحكاية

انا تبانلي راهم يديره في العقبات باش احنا نقلقه ونفركشوها او ماذا يعني yaprovikiw
هههههههههه ملقيت منقول صراحة
هل هذا طبيعي يجيو يخطبه في قرابة 30 ؟ ام انا من زمن آخر
نهار رحنا خطبنا لخويا خطبة وجرية كيما نقوله في قسنطينة يعني اكثر من الخطبة داولها الفاليزات وحناو بالرجال والنساء 15 والصغار البنات مداوهمش
هل هذا يعقل

maiar · 2012-12-30, 16:45

ههههههههه ربي يهنيك اختي و يكملك ما يبروفكيو فيك ماولو فكرتيني في روحي
اني لحتى لذرك راني مزوجة و كي يجبدوها نقولهم لي درتولي يعني ما نسميها نقولهم لاه ماعندهاش اسم
حنا نسميوها شوفة و عماتي يقولو جرية و هما ( اهل زوجي( ماش مسيينها خلاص و السبب ان حنا حطينها حنا فحنا
لا غناء و لا هم يحزنون قلنا شوفة برك يا ختي فالليلة لي تسبق الحادثة عيطتلي سلفتي و قالتلي حنا جايين نزهاو و حطيلنا الغناء
و ماعرف واش و خلصت انو بلاطارط و دخل لبسلي الخاتم و فرحو و جابو معاهم 15 مراة و 15 راجل هههههههههه هذاك النهار ما ننساهش
الناس كامل خارو واش هذه واش اسمها مع العلم انا عقدت و فتحت قبل هذه الحادثة

كلش يجوز حبيبتي المهم الهناء

كاميلا · 2012-12-30, 16:49

اقتباس:

المشاركة الأصلية كتبت بواسطة maiar

ههههههههه ربي يهنيك اختي و يكملك ما يبروفكيو فيك ماولو فكرتيني في روحي
اني لحتى لذرك راني مزوجة و كي يجبدوها نقولهم لي درتولي يعني ما نسميها نقولهم لاه ماعندهاش اسم
حنا نسميوها شوفة و عماتي يقولو جرية و هما ( اهل زوجي( ماش مسيينها خلاص و السبب ان حنا حطينها حنا فحنا
لا غناء و لا هم يحزنون قلنا شوفة برك يا ختي فالليلة لي تسبق الحادثة عيطتلي سلفتي و قالتلي حنا جايين نزهاو و حطيلنا الغناء
و ماعرف واش و خلصت انو بلاطارط و دخل لبسلي الخاتم و فرحو و جابو معاهم 15 مراة و 15 راجل هههههههههه هذاك النهار ما ننساهش
الناس كامل خارو واش هذه واش اسمها مع العلم انا عقدت و فتحت قبل هذه الحادثة

كلش يجوز حبيبتي المهم الهناء

مي هادي ماش جرية راهي خطبة simple هههههههههههههههههههههههههه

sarah1424 · 2012-12-30, 16:53

ربي يكملك ويهنيك

sali-sali · 2012-12-30, 16:59

ههههههههههه حتى و انتي راكي مخلطة في الكتبة بالاك من كترت ماراه راسك جامد

يا اختي انتي تعرفي العادات والتقاليد نتاعكم وواش هو الشي لي تقدري عليه كيما قلتي حابة تديري حاجة خفيفة اهدري مع خطيبك ولا يماه قوليلها حنا هدا واش نقدروا نديروا وحاولوا تتفاهمو بالعقل
ربي يهنيك

كاميلا · 2012-12-30, 17:03

المشكل عايلتنا في زوج راهم ولاد بلاد يعني نعرفه للاصول وهاد الشيء واضح ماهوش حاجة قال معلابالهمش بيها يعني في عاداتنا تعيط الحماة تهدر مع الام تقولها راني نجيب العدد الفلاني هل يساعدك الاخرى تقولها هيه والا لا
هادي عيطت قاتلها ديروا ف يحسابكم نجيب العدد الفلاني مع العلم راهي خطبة خويتم وطارطة يعني مافيهاش كيما يديروه وحايد فاتحة

الدر المكنون · 2012-12-30, 17:10

يا اختي فوتي وخلاص خليهم يديرو كيما يحبو وبالطريقة اللي تعجبهم المهم انت ويباه تكونو متفاهمين وما تخليش حتى شاردة ووراردة تنكد عليك وادعي ربي يكملكم ويسهلكم كل عسير

طولي بالك واصبري على عوج النساء مازال يشوفوك ويخرجو فيك 100عيب ويحاولو يفسدو انت فوتي والعبيها ولا علابالك

وربي يسهل لاختي ويفرحها والف الف مبروك مسبقا

كاميلا · 2012-12-30, 17:29

اقتباس:

المشاركة الأصلية كتبت بواسطة الدر المكنون

يا اختي فوتي وخلاص خليهم يديرو كيما يحبو وبالطريقة اللي تعجبهم المهم انت ويباه تكونو متفاهمين وما تخليش حتى شاردة ووراردة تنكد عليك وادعي ربي يكملكم ويسهلكم كل عسير

طولي بالك واصبري على عوج النساء مازال يشوفوك ويخرجو فيك 100عيب ويحاولو يفسدو انت فوتي والعبيها ولا علابالك

وربي يسهل لاختي ويفرحها والف الف مبروك مسبقا

وهذا راي امي مي خايفة زيد تخرجلنا خرجة جديدة واعرة هههههههههه لانه تبانلي حاطتني في راسها
ادعيولي يسهلي ربي وينصرني على اللي يكيدلي اكثر حاجة نحبها هي نعيش بدون مشاكل ومنحبش نقيس عبد ولا هو يقيسني مي الله غالب مرسيا اني نقعد في حجر عجوزتي لانه ماعندي وين رح نقعد ههههههه

assia81 · 2012-12-30, 18:32

يا اختي بالنسبة لنا الخطبة نديروها مع الجرية منديروش الخطبة وحدها والجرية وحدها ولكان درنا الخطبة برك حتى العرس بش يحنيو لوكان درتوا كلش في بعضاه ونهنيتو رحكم ولا درتو فاتحة برك هكا حنديروا في الخطبة تاعي هده السمانة نديروا فاتحة وخلاص وراحيين يجيوا بزاف كما نتوما يعني عادي

كاميلا · 2012-12-30, 18:47

اقتباس:

المشاركة الأصلية كتبت بواسطة assia81

يا اختي بالنسبة لنا الخطبة نديروها مع الجرية منديروش الخطبة وحدها والجرية وحدها ولكان درنا الخطبة برك حتى العرس بش يحنيو لوكان درتوا كلش في بعضاه ونهنيتو رحكم ولا درتو فاتحة برك هكا حنديروا في الخطبة تاعي هده السمانة نديروا فاتحة وخلاص وراحيين يجيوا بزاف كما نتوما يعني عادي

نو وووووووو هل انت من قسنطينة؟ دركا عاده يديره الخطبة وحدها ومن بعد الجرية والعرس مع بعضاهم الا تعرفين هذا؟ خرجة جديدة خرجوهالنا هههه
انتيا رح ديري خطبة وفاتحة مي انا لا راهي غير خطبة وماهيش عادي يجيو فيها جيش من النساء والرجال الى حد الساعة راهم هوما اللي ديسيداو هكدا

سعاذ · 2012-12-30, 19:06

السلام عليكم
شوفي متحطيش في بالك خلاص لاحبين يجيبو 20 امرة يجبو على روحهم والله كلش يفوت و تبقى ذكريات برك كاين بزاف عندهم هذي العقلية بصح انت قتليهم بلقدر شوفي انا صحبتي نهار جابولها لملاك جاو في 10 نساء و هما سكنين في باطيمات و صالو راكي تعرفي شحال صغير و زيد جاو نهار ثاني تاع العيد و زادو تغداو عندهم و خلي لحوايج لخرين لي صرولها و رهي ذوك متزوجة و متهنية و الحمد الله والله كل شيئ يفوت معندو ماداك لتطياح هدرة و لقمار و تخشان راس علبالك بعد ماتزوجي ذوك هما يعودو يحشمو من التصرفات تاعهم
المهم ربي يهنيك ان شاء الله
دمتم في رعاية الله و حفظه

سدرةالمنتهى · 2012-12-30, 19:09

السلام عليكم
اولا ربي يهنيك و الف مبروك عليك ماتجمدي راسك ماوالو غير خليه سايح هههههههههه والله ماستغربت انا جاتني عادي نقلك علاش في هذا الزمان ماراهمش يمشو على قوانين اجتماعية معينة ........ بكري كانت تروح الام وبناتها او الجدة معاهم فقط ظرك الي عندها حبيبتها من الصغر و لا جارتها تديها .........المهم انا نحكيلك قصة الشوف نتع اختي يعني اول مرة راح تشوفها عجوزتها و نتعرفو على افراد الاسرة ..........في الاخير انبهرنا بدون سابق انذار يعني بلا ماقالولنا شحال مراة جاية تشوف جابولنا 16 مراة و الرجال تقريبا 10 و الكراريس قدام الدار وحد 6 و لا 7 مانحكيلش حقيقة خلعونا و حنا الحمد لله بيت كبيرة و دارنا كبيرة كنا مفرشين غير بالصالون ماروكان و شاريين القاطو 3 انواع قيمة مليون و زيادة و ........ تقدري تقولي فيونساي بصح مع الزحمة نتع النساء و الهاراج اختي كي دخلت ماعرفتش كيفاش تمشي و مالقاولهاش بلاصة وين تقعد و في النهاية قالتلنا عجوزتي شفتها كي المنام و اخت زوجي الكبيرة هذه ماشفتهاش قع و اخرى جات بجهة ماعقالتهاش و النساء الاخرين قع عجايز كبار يقربولو عمات باباه و نساء عمامو و نساء اخواو يعني لا علاقة مع الشوف نتع العروس ...............بصح في العرس خلفناها دينا معانا 32 مراة و بناتنا الصغار لابسات لاغوب بلونش و العزبات غي في العشرينات 7 هكذاك حصلو فينا من بعد زكارة واش دارولنا يعني ماتستغربيش و توقعي كلش في المجتمع الجزائري

maiar · 2012-12-30, 19:10

اقتباس:

المشاركة الأصلية كتبت بواسطة كاميلا

مي هادي ماش جرية راهي خطبة simple هههههههههههههههههههههههههه

واشكون قالك بلي تاعي جرية لالا حبيبتي اذا كنت من الشرق رايحة تفهميني الجرية عتدي يحنيولها و تلبس الفرقاني بعد ما تخلص من لاطارط و الخاتم بصح انا هاذو مكانش و اضيفي على ذلك ما عرضنا حتى و احد و بقاو يلومو حتى لذرك حاطينها جرية و حنا نفهموهم بلي قلنالهم شوفة برك بين الام و بناتها برك و فاجؤنا

samar89 · 2012-12-30, 19:17

كل شي مبروك.....اختي....مي كيماراكي تقولي هاذي خطبة ماشي شوفة...يعني كيما يحبو هوما انت متقدريش تقوليلهوم لالا وبالاك عندهم غاشي بزااااااااااااف.....احنا نهار الشوفة صح مايجوش بزااااااااااااااااف مي الخطبة كيما يحبو .....متتقلقيش اختي راهي تفوت ..والصح فلهنا ...ربي يهنيك نشالله

كاميلا · 2012-12-30, 19:18

اقتباس:

المشاركة الأصلية كتبت بواسطة سعاذ

السلام عليكم
شوفي متحطيش في بالك خلاص لاحبين يجيبو 20 امرة يجبو على روحهم والله كلش يفوت و تبقى ذكريات برك كاين بزاف عندهم هذي العقلية بصح انت قتليهم بلقدر شوفي انا صحبتي نهار جابولها لملاك جاو في 10 نساء و هما سكنين في باطيمات و صالو راكي تعرفي شحال صغير و زيد جاو نهار ثاني تاع العيد و زادو تغداو عندهم و خلي لحوايج لخرين لي صرولها و رهي ذوك متزوجة و متهنية و الحمد الله والله كل شيئ يفوت معندو ماداك لتطياح هدرة و لقمار و تخشان راس علبالك بعد ماتزوجي ذوك هما يعودو يحشمو من التصرفات تاعهم
المهم ربي يهنيك ان شاء الله
دمتم في رعاية الله و حفظه

صحيح اختي مي انا حبيت نعبر على اندهاشي ديما تقولي امي يا بنتي اذا انتي تربيتي على واش ربيناكم الناس ماش كيفنا يعني اذا الواحدة تعرف الاصول كاين اللي ميعرفش والا يديرها مكرة
وتقولي واشبيكي مازالك تتشوكاي في الناس لاني مزلت نستنى من الناس واش حاطة في راسي والشيء اللي تعودت عليه
بارك الله فيكي