هل انت...... من هذا النوع؟ - الصفحة 2

~~knives55~~ · 2012-12-25, 16:28

اقتباس:

المشاركة الأصلية كتبت بواسطة مريم الصابرة

السلام عليكم اخي
علاه معرفة الناس كنوز هكذا يقولو ناس زمان وهذا صحيح ممكن تقولي هذوك ناس زمان لكن مازال الخير في امة محمد لحد قيام الساعة الحمد لله كاين ناس ماشاء الله وحتى لو تفكيرك بعيد عليهم هذا ما يمنعش تناقشهم او دخل روحك وسط الناس تعرف معادنهم وكيفاه تعرف الناس وتخيرهم
هي فالحقيقة حتى حما وحسيناك معقد خاصة على النسا لو تلقى تطلق الموت علينا نتمنى ما تزعفش مني خوياااااااااااااااااا إن شاء الله سمعتني مناك
موفق وندعي ربي يوفقك يا رب شكرا

نعم معرفة الناس كنوز

تقريبا كل عقليتهم وحدة ناذرا وين نلقي واحد يصلح

مخليها على ربي وخلاص

جملة اخير مافهمتهاش معليش شكرا

soso sirin · 2012-12-25, 16:30

الانسان الاجتماعي و الله مليح لانو راح يربح حوايج بزاف.انا عن نفسي كنت نعاني في فترة من فترات حياتي لانو كنت جابدة بزاف مي منبعد ولفت روحي نولي نهدر مي تاني هذا على حسب الشخص و الجماعة معنتها ممكن تلقايني مع ناس نهدر ماشاء الله و تقول بوست خاسر و تلقايني مع ناس وخدخرين ساكتة .معنتها نفهم العقلية و منبعد نشوف اذا نهدر و لا لالا.و كاين ناس هوما يخلوك تهدري تقول عندهم مغناطيس و لا عندهم طاقة تجذبك ليهم و تخليك معاهم بالذات تنساي روحك.في المنتدى كاين ناس ماشاء الله اجتماعيين و مانذكرش الاسماء خليهم في الستر خير

amiramirna · 2012-12-25, 16:53

انا اوافق التعايش والإندماج مع الناس يكون مختلف بختلاف تفكير وعقلية الناس

خولة لبابة · 2012-12-25, 16:56

موضوع جميل.........انا اجتماعية أكثر مما تتصورين....هه.....و الحمد لله على كل حال.......ننتظر المزيد يا أختنا الغالية...منوّرة بمواضعك............

khawhal · 2012-12-25, 17:50

انا في المنتدى نحب نقرا المواضيع جامي نشارك يعني بخيل و.....

مريم الصابرة · 2012-12-25, 20:10

اقتباس:

المشاركة الأصلية كتبت بواسطة نيروز

السلام عليكم اختي مريم
اهلا بهذ الطلة الجميلة

موضوعك مهم لكن انا علاقاتي محدودة جدا

بالرغم من اني اجتماعية لكن نحب تكون علاقاتي محدودة

لانه في كثير من الاحيان الابتعاد عنهم غنيمة

اما المنتدى حتى علاقاتي فيه محدودة

وراني نفكر في مغادرة المنتدى نهائيا

سلامي الحار

السلام عليكم اختي نيروز
اواه يا اختي أنت اكثر الناس إجتماعية بحكم تخصصك ودراستك وما رايته انا حكيت معاك عدة مرات والله يبار روعة بالخف توالفي الناس وتحكي وتدخلي فالقلب هذي شهادة نشهد بها
لا ما تغادريش المنتدى راكي عارفة راني ندير دورة حول المنتدى من الشلف نجيك لسطيف إمالا ريحي ترونكيل

مريم الصابرة · 2012-12-25, 20:12

اقتباس:

المشاركة الأصلية كتبت بواسطة knives55

نعم معرفة الناس كنوز

تقريبا كل عقليتهم وحدة ناذرا وين نلقي واحد يصلح

مخليها على ربي وخلاص

جملة اخير مافهمتهاش معليش شكرا

السلام عليكم اخي
اكيد الناس تتفرق ومهما كثرو اللي ماشي صالحين كاين الصالحين وفي ناس ممكن ما راهمش اقرب ليك توقع الخيرمن اللي دير فيه الشر هذي قاعدة
الجملة الاخيرة كانت مجرد مزاح اخي قتلك تكره النسا لو تلقى تقتلهم هذا فقط شكرا

مريم الصابرة · 2012-12-25, 20:15

اقتباس:

المشاركة الأصلية كتبت بواسطة soso sirin

الانسان الاجتماعي و الله مليح لانو راح يربح حوايج بزاف.انا عن نفسي كنت نعاني في فترة من فترات حياتي لانو كنت جابدة بزاف مي منبعد ولفت روحي نولي نهدر مي تاني هذا على حسب الشخص و الجماعة معنتها ممكن تلقايني مع ناس نهدر ماشاء الله و تقول بوست خاسر و تلقايني مع ناس وخدخرين ساكتة .معنتها نفهم العقلية و منبعد نشوف اذا نهدر و لا لالا.و كاين ناس هوما يخلوك تهدري تقول عندهم مغناطيس و لا عندهم طاقة تجذبك ليهم و تخليك معاهم بالذات تنساي روحك.في المنتدى كاين ناس ماشاء الله اجتماعيين و مانذكرش الاسماء خليهم في الستر خير

السلام عليكم اختي
عجبوني الشرات يا ختي فور فيهم تخصصك المعاني والمعاير الله يعطيك النو
بالنسبة لردك صح على حساب الشخص مرات تلقاي ناس تحكي وما تسكتيش ومرات تسكتي ةما تحكيش حتى كلمة
رانا فهمنا الاسماء يا لالة شكرا

مريم الصابرة · 2012-12-25, 20:16

اقتباس:

المشاركة الأصلية كتبت بواسطة amiramirna

انا اوافق التعايش والإندماج مع الناس يكون مختلف بختلاف تفكير وعقلية الناس

السلام عليكم اختي
اكيد رانا متوافقين التعايش بحسب الناس شكرا وبارك الله فيك

مريم الصابرة · 2012-12-25, 20:18

اقتباس:

المشاركة الأصلية كتبت بواسطة خولة لبابة

موضوع جميل.........انا اجتماعية أكثر مما تتصورين....هه.....و الحمد لله على كل حال.......ننتظر المزيد يا أختنا الغالية...منوّرة بمواضعك............

السلام عليكم اختي
انا التي تعرفك جيدا غاليتي وزاد الله حبا للناس وزادهم تعلقا بك موفقة عزيزتي شكرا

مريم الصابرة · 2012-12-25, 20:20

اقتباس:

المشاركة الأصلية كتبت بواسطة khawhal

انا في المنتدى نحب نقرا المواضيع جامي نشارك يعني بخيل و.....

السلام عليكم ورحمة الله تعالى وبركاته
علاه البخل اخي كاليوم تتعرف وتشارك وتولي محبوب بيناتنا إن شاء الله المهم حاول إنت تدخل فالجماعات شكرا

~~مـجيد~~ · 2012-12-25, 20:24

السلام عليكمن
كيفك اختي مريم ؟اتمنى ان تكوني بصحة جيدة
شكرا على الموضوع الراقي
بالنسبة لي انا انسان مزاجي كل مرة كيفاش نكون

مريم الصابرة · 2012-12-25, 20:57

اقتباس:

المشاركة الأصلية كتبت بواسطة مـجيد

السلام عليكمن
كيفك اختي مريم ؟اتمنى ان تكوني بصحة جيدة
شكرا على الموضوع الراقي
بالنسبة لي انا انسان مزاجي كل مرة كيفاش نكون

السلام عليكم خويا مجيد واش اخبارك؟
انا الحمد لله بخير ربي يخليبك السوال عليكم
لكن فالمنتدى نشوفك غجتماعي وتشارك وتناقش وتحكي الإنسان فالمزاج كل مرة كيفاه على حساب احوالو ربي يدوم هناك يا رب شكرا

مسلم سني · 2012-12-25, 20:58

السلام عليكم
والله لا أدري كيف يكون جوابي
مرة أجد نفسي اجتماعيا مرة أخرى أفضل الابتعاد
وأقول لك شيئا مر علي شخصيا
الناس الذين نتعرف عليهم في بداية حياتنا المهنية أو أول جيران لنا بعد أن نغير مكان السكن ليسوا كمن تخالطيهم من جديد
أقصد عندما تكونين ذكريات معينة مع أشخاص معينني ثم تفترقين عنهم لأسباب معينة صعب أن تكوني نفس الذكريات والأحداث
أنا هذا ما أمر به حاليا
أما عالم النت صراحة ليس لدي أصدقاء من خلاله الحقيقة أنا لا أرغب في ذلك حتى الفايس بوك لحد الآن لا أتواصل من خلاله
أما منتدى الجلفة بالخصوص أعرفكم من بعيد من خلال الأفكار
وأنا مرتاح هكذا وحقيقة من لا يخالط الناس تطلق عليه صفة المتكبر لكن صدقيني أحيانا الوحدة خير من جليس السوء أيضا في بعض الأحيان تندمين على مخالطة بعض الناس بعدما كانوا يقدرونك وأنت بعيدة عنهم
إذن بالنسبة لي المسألة حسب الاشخاص أما المساعدة فلن أبخل بها متى استطعت
أحيانا تخالطين الكثير وفي النهاية لا تجدين من يساعدك إلا من كنت تظنينه أنه غير اجتماعي هذا من خلال تجاربي
آسف على الإطالة
(حكيتلك قصة حياتي كامل)

Lydia istanboul · 2012-12-25, 22:17

حسب مزاجي.....يعني نفحات. علاش ماكيش تكوناكتي في س؟؟؟