حبيت انشارك بهذه الحلوى اللذيذة لفطور الصباح
كروكي روخامي
المقادير
فرينة ، 5 بيض ، 2 خميرة ، كأس و نصف زيت ، كأس و نصف سكر ، كأس و نصف نشاء ، 2 ملعقة كبيرة كاكاو ، ملعقة صغيرة مبشور الليمون .
طريقة التحضير
خلطي كل المقادير مع بعض جيدا ما عدا الكاكاو و الفرينة ، اقسمي الخليط الى قسمين متساويين ، الخليط الاول ضيفي عليه الكاكاو و شيحيه بالفرينة و لازم يبقى طري و القسم الثاني شيحيه بالفرينة من دون اضافة الكاكاو و خلي العجينة طرية و فوق ورقة بلاستيكية (نيلون) حلي قليل من العجينة البنية و اطرحي فوقها قليل من العجينة البيضاء ، مرري فوقهم الحلال بلطف و شكلي مستطيل ، قومي بلف العجينة حول نفسها حتو تتحصلي على حربوش و كملي العجينة الباقية بنفس الطريقة ، ضعي الحرابيش في بلاطو مدهون بالزيت و دخليها الى فرن مسخنن من قبل (180 درجة) ( المدة حسب حرارة كل فرن) و بعد ما تطيب الحلوى خرجيها و ادهنيها بمعجون مشمش مخفف بماء الزهر ، رشي عليها لوز ايفيلي او كاوكاو مهرمش و قطعيها كيما الكروكي العادي
و انشاء الله تجربوها و تعجبكم خصوصا مع حليب الصباح
( تقرير عن مشاركة سيئة )، و الموجودة أسفل كل مشاركة .
2012-12-16, 21:53
العرض الشجري