ودائما مع النساء

[مريم الصابرة]

المشاركة الأصلية كتبت بواسطة sarl02

لا تتحدثي عن بنت ما تعرفيهاش واتقولي ما تحشمش لمجرد الانسياق وراء الردود السابقة والتعاطف مع صاحب الموضوع ...الله وحده اعلم بظروف عباده نساءا ورجالا ...ثانيا هل الرزق في نظرك بيد هذه المراة لكي تنزعه عن هذا الرجل؟...اخيرا اقول لك نورمالمو انت اكثر وحدة تعرفي قيمة الكسب المشروع والحلال بالاعتماد على النفس.

السلام عليكم اخي
اولا إنت كالأخت فهمتوني غلاط انا ما حكيتش على شخص المرا هذي اولا راهي غايبة وما نحكيش عليها في غيابها وثانيا اخي حكيت قلت من المفروض تحشم لانو طلب منها وحكالها ظروفو والصراحة هو اولى منها بالخدمة ويا اخي ما نغوش الشمس بالغربال واقع نقولوه المرا مكانها الدار وحتى ورظوفها ربي يعلم بيها لكن لو انا طلب مني شاي ورغم ظروفي القاسية صدقني والله نحشم يقولي راني بلا خدمة وبلا مستقبل وما رانيش متزوج والله محال نخمم نديلو بلاصتو على العكس
وكيما قلت إنت ان اكثر وحدة نعرف قيمة الكسب المشروع ومهما كانت ظروفي لانو ما عنديش راجل لو عندي راجل محال نروح نخدم كل وحدة حرة في ٍايها نحكي على روحي ونحترم العاملات مهما كانو لكن حكيت من الباب الواسع لو النسا الخدامات كامل يقعدو فالدار ماكانش باب بطال ممكن ‘نت خدام ما تحسش بيه ولكن لو صرالك الموقف اللي صرالو تتأثر وبزاف
وبالنسبة للزوج انا عندي اللي يطلق مرتو تخدم وهو يتكسل ماشي راجل اللهم إذا كان مريض هذيك حالة اخرى شكرا وبارك الله فيك

[sarah1424]

المشاركة الأصلية كتبت بواسطة مريم الصابرة

السلام عليكم اختي
اولا انا ما حكيتش على شخصها حتى تعلقي على ردي حكيت قلت من المفروض تحشم إنو طلب منها وحكالها ظروفو قارة تسمحلو يكون في محلها وما قلتش إرتكبت كبيرة من الكبائر وما نحوسش نعرف قلبها او ما نعرف ظروفها حكيت بالظاهر قلت تحشم لما شاب يطلب منها تخليلو محلها هي إمرأة قادرة تقعد فالدار وحتى وظروفها صعاب ممكن ذيك الوظيفة قادرة تخليهالو ما فيها والو وربي يجيبلها هو مسكين ممكن ما كنش فرصة مي هي عندها فرص هذا قصدي المرا ما نعرفها ما حكمت عليها قلت تحشم من باب طلب منها وحكالها وعادي ما تأثرتش وشكرا على التعقيب

سلام كيفاه هيا راحت تدير كونكور مناش عارفين ظروفها حياتها بمجرد ماشكالها تخليلو مكانها وش من تفكير راكي تخممي بيه؟؟؟ حتى هي محتاجة خدمتها وزيد نسيتي بلي ربي هو الرزاق اكيد رايح يرزقو فرزقك مقسوم
نقلك بصراحة انت تعاطفتي مع صاحب الموضوع وقلتي تحشم على روحها؟؟ وتقوليلي مقصدتهاش مالا قصدتي شكون
المهم كل كلمة نقولو ها نتحاسبو عليها ربي يهدينا كامل وياريت منحكموش على الناس بلا منعرفو ظروفهم
وماتحرموش ما احلى الله لانو عمل المراة مهوش محرم في الكتاب والسنة سلام

[جمال الدين الأفغاني]

المشاركة الأصلية كتبت بواسطة sarah1424

سلام كيفاه هيا راحت تدير كونكور مناش عارفين ظروفها حياتها بمجرد ماشكالها تخليلو مكانها وش من تفكير راكي تخممي بيه؟؟؟ حتى هي محتاجة خدمتها وزيد نسيتي بلي ربي هو الرزاق اكيد رايح يرزقو فرزقك مقسوم
نقلك بصراحة انت تعاطفتي مع صاحب الموضوع وقلتي تحشم على روحها؟؟ وتقوليلي مقصدتهاش مالا قصدتي شكون
المهم كل كلمة نقولو ها نتحاسبو عليها ربي يهدينا كامل وياريت منحكموش على الناس بلا منعرفو ظروفهم
وماتحرموش ما احلى الله لانو عمل المراة مهوش محرم في الكتاب والسنة سلام

أقول لك كلمة واحدة فقط لو كان هذا الشاب

أخوك أو قريبا لك أو خطيبك

ما كان رأيك هو نفسه هذا ولكن كثيرون آراؤهم منحازة


فالأخ وضع اصبعه على الجرح الذي يعاني منه الشباب والبنات على حد سواء

فقد قلتها وأكررها المتضرر ليس الشباب وحدهم بل حتى البنات يتضررن

إذ تقل فرص زواجهن لانعدام الاستطاعة لدى الشباب ؟؟

فهلا فهمتن الابعاد التي نقصدها من وقوفنا مع هذا الاخ وليس تعاطفا

كما تفضلت بل هو تحليل للواقع المرير الذي إن لم يتغير وبسرعة

فلن تكون عواقبه سليمة لا علينا ولا على الجيل القادم

والله المستعان

[amine1232]

انا ما فهمتش امراه تزاحم رجل في خدمه ومن بعد تخدم وديري السياره وتحب دير اسره وبكون عندها رجل بطال تصرف عليه ...هدا منكر والاخت هديك عندها الحق ادا قالت ما تحشمشهيا قاطعه 600 كلم لانها كانت مخيطه علي العمل ...والاخت لي قايله
وماتحرموش ما احلى الله لانو عمل المراة مهوش محرم في الكتاب والسنة سلام .... فماشي راجل مع امراه وقافلين علي بعضاهم وتقوليلي حلال فما تفتيش لينا لانو و عمل المرأة قد يرد عليه الأحكام الخمسة من حرمة و كراهة و إباحة و ندب و وجوب .... انا ضرني قلبي لانو وحده تكتب ثقافه الرجال قوامون علي النساء يعني تكتب غي لي تحتاجه وتقولك اماتنا استغلوهم اباءنا ....انت عندك فكره علي المراه لي طالبي بمساواتها مع الرجل كي تدخل تخدم وتكون خدمه علي الميدان تقولك لا انا امراه ما نقدش انت راجل ..

[مريم الصابرة]

المشاركة الأصلية كتبت بواسطة sarah1424

سلام كيفاه هيا راحت تدير كونكور مناش عارفين ظروفها حياتها بمجرد ماشكالها تخليلو مكانها وش من تفكير راكي تخممي بيه؟؟؟ حتى هي محتاجة خدمتها وزيد نسيتي بلي ربي هو الرزاق اكيد رايح يرزقو فرزقك مقسوم
نقلك بصراحة انت تعاطفتي مع صاحب الموضوع وقلتي تحشم على روحها؟؟ وتقوليلي مقصدتهاش مالا قصدتي شكون
المهم كل كلمة نقولو ها نتحاسبو عليها ربي يهدينا كامل وياريت منحكموش على الناس بلا منعرفو ظروفهم
وماتحرموش ما احلى الله لانو عمل المراة مهوش محرم في الكتاب والسنة سلام

السلام عليكم اختي
وعلاه راكي منفعلة كل وحدة ورأيها اختي إيه من المفروض تحشم فالها راني بلا مستقبل وبلا خدمة وما رانيش متزوج عارفين الرزق بيد ربي هذي نعرفوها وانا ما قصدتش شخصيتها وما قصدت حتى وحدة ما نعرفها ما نعرف اي وحدة من المفروض لما قاللها تتعاطف معاه وتخلي امرها لربي هي مرا تطلع تهبط بلاصتها الدار مي هو راجل كل الابواب راهي مقفولة في وجهو وهذي مشكلة شبابنا علاه الصراحة تزعفو منها
يا اختي رايك عندك ورأي عندي حكيت بصفة اللي طلب منها ورفضت طلبو وما غاضهاش
وما تعاطفتش مع صاحب الموضوع فقط تخيلت لو خويا او زوجي صرالو هكذا اكيد تكون هذي ردة فعلي وشكرا

[sarah1424]

المشاركة الأصلية كتبت بواسطة جمال الدين الأفغاني

أقول لك كلمة واحدة فقط لو كان هذا الشاب

أخوك أو قريبا لك أو خطيبك

ما كان رأيك هو نفسه هذا ولكن كثيرون آراؤهم منحازة


فالأخ وضع اصبعه على الجرح الذي يعاني منه الشباب والبنات على حد سواء

فقد قلتها وأكررها المتضرر ليس الشباب وحدهم بل حتى البنات يتضررن

إذ تقل فرص زواجهن لانعدام الاستطاعة لدى الشباب ؟؟

فهلا فهمتن الابعاد التي نقصدها من وقوفنا مع هذا الاخ وليس تعاطفا

كما تفضلت بل هو تحليل للواقع المرير الذي إن لم يتغير وبسرعة

فلن تكون عواقبه سليمة لا علينا ولا على الجيل القادم

والله المستعان

سلام اولا كل كلمة نقولها تعكس نضرتي وتجربتي ومبادئ في الحياة انا عندي مبدء ولكل منا تفكيرو الخاص
ومستحيل نقدر نوصل كلمتي وراي كاين بزاف مشاكل لازم تتعالج كون جات عندنا مشكلة واحدة كون تخلصنا منها لكن توجد مجموعة كبيرة من المشاكل وعمل المراة ليس بمشكلة
ثانيا علقت على الفتاة الي قالت تروح تحشم على روحها صراحتنا انا في الدار انفعلت من اسلوب الكلام يعني والله احيانا منحبش نعلق افكار مختلفة ومبادئ مختلفة لكن نتمنى يكون عندنا اسلوب للتحاور المحترم والانسان الي نحكو عليه حتى كان نعرفوهش لازم نحترموه ونعذرو ظروفو قبل مانحكمو عليه

[sarah1424]

المشاركة الأصلية كتبت بواسطة مريم الصابرة

السلام عليكم اختي
وعلاه راكي منفعلة كل وحدة ورأيها اختي إيه من المفروض تحشم فالها راني بلا مستقبل وبلا خدمة وما رانيش متزوج عارفين الرزق بيد ربي هذي نعرفوها وانا ما قصدتش شخصيتها وما قصدت حتى وحدة ما نعرفها ما نعرف اي وحدة من المفروض لما قاللها تتعاطف معاه وتخلي امرها لربي هي مرا تطلع تهبط بلاصتها الدار مي هو راجل كل الابواب راهي مقفولة في وجهو وهذي مشكلة شبابنا علاه الصراحة تزعفو منها
يا اختي رايك عندك ورأي عندي حكيت بصفة اللي طلب منها ورفضت طلبو وما غاضهاش
وما تعاطفتش مع صاحب الموضوع فقط تخيلت لو خويا او زوجي صرالو هكذا اكيد تكون هذي ردة فعلي وشكرا

يا اختي انا قتلك ياريت نتعلمو نحترمو بعضنا البعض لكل منا وجهة نضر الخاصة لكن تقولي على انسانة متعرفيهاش ومتعرفيش ظروفها تروح تحشم خلات راجلها ربي يهدي ومنزيدش نعلق كتر من هكا ردي وش بغيتي لا تزيدي تقوليلي احشمي على روحك

[مريم الصابرة]

المشاركة الأصلية كتبت بواسطة sarah1424

يا اختي انا قتلك ياريت نتعلمو نحترمو بعضنا البعض لكل منا وجهة نضر الخاصة لكن تقولي على انسانة متعرفيهاش ومتعرفيش ظروفها تروح تحشم خلات راجلها ربي يهدي ومنزيدش نعلق كتر من هكا ردي وش بغيتي لا تزيدي تقوليلي احشمي على روحك

السلام عليكم اختي
معليش انا قلت راي وإنت قلت رايك وعادي ماكان والو ربي يهدينا كامل إن شاء الله لا ما نقولكش ما تحشميش نعرف واش نكتب ونعرف واش نقول المهم اختي شكرا

[biti]

نسيتو اهم حاجة الرزق بيد اللله لا العباد و بالمناسبة ماادرانا بظروف المراة ربما والد عاجز يحتاج دواءا و قس على ذلك واؤكد الرزق بيد الله و سبب البطالة ليس عمل المراة و انما جوابه اين اموال البنرول لما لاتقام مشاريع للقضاء على البطالة

[faty05]

و ما ادراك بظروفها
فوض امرك لله و راح تشوف
ربي هو الرزاق و رزقك ما ينحيهولك حتى واحد ما تجهلش

[azizinfo]

المشاركة الأصلية كتبت بواسطة biti

نسيتو اهم حاجة الرزق بيد اللله لا العباد و بالمناسبة ماادرانا بظروف المراة ربما والد عاجز يحتاج دواءا و قس على ذلك واؤكد الرزق بيد الله و سبب البطالة ليس عمل المراة و انما جوابه اين اموال البنرول لما لاتقام مشاريع للقضاء على البطالة

يا اخي قلت للمرة الف اني اعرفها وليست بحاجة لذلك العمل وقد سبق وقلت انها لو كانت بحاجة لذلك العمل لفقرها او عجزها او ايا كان السبب لكان الامر عادي اقرا الموضوع لتفهم

[azizinfo]

المشاركة الأصلية كتبت بواسطة faty05

و ما ادراك بظروفها
فوض امرك لله و راح تشوف
ربي هو الرزاق و رزقك ما ينحيهولك حتى واحد ما تجهلش

انا اعرفها واعلم انها ليست بحاجة لذلك العمل
وكما قلت سابقا للاخ انها لو كانت بحاجة ماسة لذلك العلم لكان الامر عادي
ومن شروط عمل المراة في الاسلام هو
ألا يؤثر عملها على عمل الرجال , كأن تكون سببا في قطع رزقه :
فالمرأة قد تقبل أن تعمل بأجر زهيد على عكس الرجل الذي يعيش هو ، و من تحت جناحيه من هذا العمل ، مما يؤدي إلى انتشار البطالة ، و تفاقمها في صفوف الرجال .
لقوله تعالى : ( (الرجال قوامون على النساء )) . سورة النساء الآية 34 .
و لقوله عليه الصلاة والسلام : ( لا ضرر و لا ضرار في الإسلام )[11] .
قال ابن عبد البر : ( معنى لا ضرر : لا يدخل على أحد ضرر لم يدخله على نفسه ، و معنى لا ضرار لا يضار أحد بأحد )[12].
و قال الخشني : ( الضرر الذي لك فيه منفعة ، و على جارك فيه مضرة ، و الضرار الذي ليس لك فيه منفعة ، و على جارك فيه المضرة )[13] .
- فالمرأة عندما تعمل دون ضوابط شرعية تجلب منفعة لنفسها لا تتناسب مع المضرة التي تلحقها بغيرها على أحسن وجه ، و ربما تجلب من جراء عملها الضرر ، و المضرة و الضرار لها ، و لغيرها . إذا لم تراع الضوابط الشرعية التي وضعها العلماء المعتبرون.
https://www.djelfa.info/vb/showthread...5#post12318095

[azizinfo]

المشاركة الأصلية كتبت بواسطة sarl02

تاكد انك بهذا التفكير راح تبقى كيما راك .....افهم بلي مكتوبك حتى واحد ما يديهلك لا مراة ولا رجل .يا عبد ربي الرزق بيد الله وحده ....اذا ابغيت تربح وربي يفتح عليك خليك من قذف بنات الناس لانو كل واحد ادرى بظروفو ...وشتا جوزت مسابقات انت ما جوزنا حنا ...جوز وارمي وراء ظهرك حتى يفتح عليك ربي ..ماشي غير ما تنجحش اجي ادير موضوع فالمنتدى واتقولهم بنت اداتلي المنصب بربك هل هذا كلام؟؟.

ايها الصديق المتنور
ان من شروط عمل المراة في الاسلام هو ان لا يؤثر عملها على عمل الرجل وان لا تكون سببا في قطع رزقه
الحمد لله الذي انارنا بالاسلام الذي نعرف به ما لنا وما علينا
ولا ننجر الى العلمانية التي حطمت فينا رجولة رجالنا وانوثة نسائنا
https://www.djelfa.info/vb/showthread...5#post12318095

[جمال الدين الأفغاني]

لا عليك أخي عزيز

ما نراه الآن في هذا الموضوع من بعض الردود يعكس

طريقة التفكير التي طغت على الناس فهاهو الأخ عزيز قد أخبركم

أنه يعرف تلك الاخت وهي ليست بحاجة الى ذلك العمل أكثر منه هو

فما قولكم ؟؟؟؟

وهاهو قد أتاكم بحكم التفضيل في العمل بين المرأة والرجل

ياك راكم تقولو ربي والمكتوب شوفو ربي واش يقول وارجعو لدينو

اذا كنتو تحوسو على الحق !!!!!!!!!!

لكن للأسف كثيرا ما نجد البعض يتحجج بالدين

ولما نأتيه بالدليل من الدين لا يعترف بالحق ويفضل نظرته الضيقة

واتباعه لرأيه على أوامر الشريعة الاسلامية التي كلها لصالح المسلم

ذكرا كان ام انثى

لذلك حتى لا نكثر الجدال ونزيد في النقاش دون داعي لذلك

بالنسبة لي أختم الردود بهذه الجملة :


اللي راهو يدير حاجة على وجه ربي أكيد مش راح يضيع ربي

العمل نتاعو إن في الدنيا أو الآخرة واللي حاب يدي حقو ويزيد

يدير حقوق من راسو باسم الدين فهو لا يخدع احدا الا نفسه

و في الأخير لن يخسر أحد الا هو عرف ذلك ام لم يعرف


والله المستعان

[z.abdo]

المشاركة الأصلية كتبت بواسطة جمال الدين الأفغاني

لا عليك أخي عزيز

ما نراه الآن في هذا الموضوع من بعض الردود يعكس

طريقة التفكير التي طغت على الناس فهاهو الأخ عزيز قد أخبركم

أنه يعرف تلك الاخت وهي ليست بحاجة الى ذلك العمل أكثر منه هو

فما قولكم ؟؟؟؟

وهاهو قد أتاكم بحكم التفضيل في العمل بين المرأة والرجل

ياك راكم تقولو ربي والمكتوب شوفو ربي واش يقول وارجعو لدينو

اذا كنتو تحوسو على الحق !!!!!!!!!!

لكن للأسف كثيرا ما نجد البعض يتحجج بالدين

ولما نأتيه بالدليل من الدين لا يعترف بالحق ويفضل نظرته الضيقة

واتباعه لرأيه على أوامر الشريعة الاسلامية التي كلها لصالح المسلم

ذكرا كان ام انثى

لذلك حتى لا نكثر الجدال ونزيد في النقاش دون داعي لذلك

بالنسبة لي أختم الردود بهذه الجملة :


اللي راهو يدير حاجة على وجه ربي أكيد مش راح يضيع ربي

العمل نتاعو إن في الدنيا أو الآخرة واللي حاب يدي حقو ويزيد

يدير حقوق من راسو باسم الدين فهو لا يخدع احدا الا نفسه

و في الأخير لن يخسر أحد الا هو عرف ذلك ام لم يعرف


والله المستعان

حب المال والمادة أعمى البصيرة