السلام عليكم و رحمة الله
يبدو انو الموضوع مر عليكم مرور الكرام لكن معليهش دك نفهمكم حاجة باش تعرفوا واش معنئ دولة فلسطين ف الامم المتخدة
اسمحوا لي نتكم بالدارجة باش كامل تفهموا لاني عارف اغلبكم ما راه فاهم والوا
دك فلسطين علئ حسب الاعتراف تاع البارح ف الامم المتخدة اعترفوا لهم ب 22% فقط من الاراضي للفلسطنيين و اللي هي الضفة و القطاع و الباقي وين راح 78% اه السي عباس اهداه للصهاينة و مش من حق الفلسطنيين باش يزيدوا يطالبوا به و زيد فوق هذا ينحوا وكالة الغوث الاونروا من الضفة و القطاع علئ خاطر صبحتوا دولة بهذيك ال 22% شوف اسيدي و زيد ما يوليش عندكم لاجئين فلسطينيين
بمعنئ الكلمة الفلسطنيين هربوا من السجن و طاحوا في بابه ربي يكون في عونكم من ازمة صغيرة لازمة كبيرة جدا يعني السي عباس خربها و قلبها تماما كل الانتفاضات راحت سدئ
حاجة اخرئ بهذا الاعتراف فلسطيني واحد ما يزيد يحبس مستوطن في عملية بناء مستوطنات جديدة في هذيك ال 78% الجديدة تاع الصهاينة و اللي اعطاها ابو مازن للصهاينة علئ طبق من الماس لانو ارض فلسطين اصبحت دولة للصهاينة
حبيت انقول كل هذ المخطط هو صهيوامريكي عباسي غير باش يرفعوا راس عباس و يقولوا جابنا دولة من الفوق و عطانا 22% خير من والوا
يعني ك شغل رجع كامل فلسطين واش نقولك يا عميل من غير حسبي الله و نعم الوكيل يا عباس يا بياع القضية
و ممكن نعطيكم صورة تشوفوا فلسطين واش صح لها و الصهاينة واش صح لهم
المهم
اعذروني لان القضية لازم تعرفوها و ما تفوتوها بكل سهولة لانكم مسؤولين امام الله
هكذا
الله يبارك
( تقرير عن مشاركة سيئة )، و الموجودة أسفل كل مشاركة .
2012-11-30, 18:35
العرض الشجري