حاليا رانا نسمعو الغاشي نهار الي تنوي تتزوج يقلك رانا نحوسو اعليها صغيرة لدرجة أنهم لما يلقاو الطفلة عندها 20 سنة يقلك لالالالالالالالالالالالالالالالالالا كبيرة احنا نحوسو اعليها أقل، وكي يدو هاذيك الصغيرة الي كانو يحوسو اعليها يقلك ماتصلح لوالو
؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا شخصيا نشوف بلي مولات 20سنة مازالت ذراري فمابالك بأقل و راني نخدم فالبلدية ونشوف الناس الي راهي تجي تعقد حاليا و الله العظيم غير قاع صغار كي النسا كي الرجال كيفاش تحب الزواج يدوم كي ولى الزواج لعبة يلعبوها الذراري الصغار
صح بكري كانو يتزوجو وهوما صغار بصح يحسراااااااااااااااااااااااااااااااااااااه على بكري وناس بكري وين نلحقوهم لما كان الراجل راجل قادر على مسؤولية أسرة من جميع النواحي ، ولما كانت المرأة مرأة نهار الي تشوفها تقنعك فالرزانة و الشطارة و الهمة ماشي كيما جيل ضرك يشطار غير في الصوالح الي مايصلحوش و يزعفوا على والو المرأة متساعفش وفي دقيقتها ترفد روحها لدارهم غضبانة و الراجل يشطار غير فالجري لدار الشرع ويخمم غير كيفاش يجيب الدوزيام
ولما تروح تشوف سبب الخصام تلقاه مشكل أو بالإحرى إختلاف بسيط يمكن حله بمجرد اعتذار أو هدية أو تنازل أحد الطرفين
راني نحكي من الواقع المعاش وهاذ الشيء كامل لأنو الجيل اديال ذرك ماراهوش فاهم معنى الزواج الحقيقي وعليها ولى فالصيف القاطو والشتاء البوقاطو
ربي يصلح الأحوال ان شاء الله لأنو الطلاق مراهوش حل وأنا نعتبرو بداية المشاكل انطلاقا من الأسرة وصولا إلى المجتمع
تقبلوا تحياتي
( تقرير عن مشاركة سيئة )، و الموجودة أسفل كل مشاركة .
2012-11-05, 21:09
العرض المتطور
