التلفاز : هل يمكنكم الاستغناء عنه ؟

[مريم الصابرة]

السلام عليكم
اختي فكرتيني في الأيام الخوالي
كانت انطونيلا ما نروحش نقرا نهار نيكولاس يجي رونجيها نقول للمراقب كنت مريضة ونهار الحلقة الأخيرة قالنا المراقب غدوى لبنات اللي ما تجيش تجيب ولي امرها ايا انا ما رحتش نقرا تخيلي رحت عند الفورنو حتى لويت نغلي قلت لبابا الله يرحمو راني مريضة قالي بنتي روحي للمطرح ترقدي وختك الله الله مخدة وكانت الشتا واحد التكسيلة وانطونبلا خلاصت والمراقب قالي علاه ما جيتيش جيبي باباك قتلو عام وانا نتفرج في انطونيلا نهار الصح نخليها لالا وجبت بابا وين المشكل هههههههه
من بعد جاو الابطال لخرين نتاع المكسيك وانا ما نراطي حتى حلقة
ومن بعد بديت نستعقل وبديت نمل التليفيزيو خلاص إلا الرسوم المتحركة لحد اليوم نحبهم ونتفرجهم الآن عادي نقعد بلا بيه عوضتو بالميكرو وما نتفرجش إلا ابو ظبي أشرطة وثقافة عامة برك شكرا على الموضوع