نداء لكلّ محترفة. اللّه ايخليكم ساعدوني....

غزالة الصّحراء · 2012-11-02, 13:01

السّلام عليكم.
طلبي يكمن في طلب مساعدة من كلّ محترفة في إعداد البزلوف .. في الكوشة . ( الفرن ).
عندي ضياف راهم جايني . وهما ايحبوا بزّاف البزلوف. . فرجاء من كلّ من عندها الطّريقة اتحمّر وجهي اللّه ايحمّر وجهها في الدّنيا والآخرة. متخيبوا ظنّي فيكم . اللّه ايخليكم ساعدوني.

أم ماجد · 2012-11-02, 13:23

انا نغليه مليح في الماء ثم نقطعه قطع صغيرة ونتبله مليح ب ملح كصبر موطارد هريسة
نضع فيصحن الكوشة بطاطا مقلية نصف قليان ثم قطع البوزلوف ونصب صوص طماطم ودبشة مقطعة نخليها تطهى
جربي وردى الخبر

ام ملاك. · 2012-11-02, 14:03

ماما تغليه مليح حتان بطيب وتدير ثوم مرحي وفلفل لحمر بودرة وكمون وفلفل لكحل تخلطهم مع لعض وتزيد شوية زيت وكي يطيب البوزلوف ترفد بامورصو وتدهنو مليح يالدرسة اللي دارتها وتستفو في البلا نتاع الكوشة وتحطهو في الكوشة لمدة 25 الى نصف ساعة وتخرجو قع اللي ياكلو من عندها يشكرو ويتمنى يزيد انا مانحلوش مانقدرش نقولك اذا مليح ولا لا

BACHIRA2 · 2012-11-02, 15:15

السلام عليكم و رحمة الله تعالى و بركاته كيف حالك غزالة الصحراء ؟عيد مبارك سعيد و الله انا اضع البوزلوف يغلي حوالي ربع ساعة ثم ارمي هذاك الماء و ديري ماء ساخن اخر و ديري حبة بصل فيها حبات قرنفل و سنات ثوم و رند و ديري حبات قصبر و سكنجبير ما تكثريش بزاف و ديري ملح و فلفل اسود و كاس شاي خل و اتركيه يطيب بعدها انزعيه و ادهني البوزلوف كامل بالموتارد و ديري ايضا شوية ملح و فلفل اسود و ضعيه في صينية مدهونة بالقليل من الزبدة و اذا حبيبتي ديري بطاطا مقلية و فوقها البوزلوف و من فوق صوص تومات و معدنوس و ادخليه الفرن يجي لذيذ جدا و اذا حبيبتي حمريه فقط بدون بطاطا و لا صوص تومات موفقة اختي و رديلي الخبر كيفاه جا

غزالة الصّحراء · 2012-11-02, 19:45

اقتباس:

المشاركة الأصلية كتبت بواسطة أم ماجد

انا نغليه مليح في الماء ثم نقطعه قطع صغيرة ونتبله مليح ب ملح كصبر موطارد هريسة
نضع فيصحن الكوشة بطاطا مقلية نصف قليان ثم قطع البوزلوف ونصب صوص طماطم ودبشة مقطعة نخليها تطهى
جربي وردى الخبر

يعطيك الصحّة على الطريقة وعلى ردّك السّريع اللّه ايجازيك بما تتمناي.

غزالة الصّحراء · 2012-11-02, 19:47

اقتباس:

المشاركة الأصلية كتبت بواسطة مونية ك

ماما تغليه مليح حتان بطيب وتدير ثوم مرحي وفلفل لحمر بودرة وكمون وفلفل لكحل تخلطهم مع لعض وتزيد شوية زيت وكي يطيب البوزلوف ترفد بامورصو وتدهنو مليح يالدرسة اللي دارتها وتستفو في البلا نتاع الكوشة وتحطهو في الكوشة لمدة 25 الى نصف ساعة وتخرجو قع اللي ياكلو من عندها يشكرو ويتمنى يزيد انا مانحلوش مانقدرش نقولك اذا مليح ولا لا

مشكورةحبيبتي . اللّه ايجازيك كلّ خير على الطّريقة وعلى الرّد السّريع. واللّه ايخليك الأمّ أنتاعك ويطوّل في عمرها.

غزالة الصّحراء · 2012-11-02, 19:52

اقتباس:

المشاركة الأصلية كتبت بواسطة bachira2

السلام عليكم و رحمة الله تعالى و بركاته كيف حالك غزالة الصحراء ؟عيد مبارك سعيد و الله انا اضع البوزلوف يغلي حوالي ربع ساعة ثم ارمي هذاك الماء و ديري ماء ساخن اخر و ديري حبة بصل فيها حبات قرنفل و سنات ثوم و رند و ديري حبات قصبر و سكنجبير ما تكثريش بزاف و ديري ملح و فلفل اسود و كاس شاي خل و اتركيه يطيب بعدها انزعيه و ادهني البوزلوف كامل بالموتارد و ديري ايضا شوية ملح و فلفل اسود و ضعيه في صينية مدهونة بالقليل من الزبدة و اذا حبيبتي ديري بطاطا مقلية و فوقها البوزلوف و من فوق صوص تومات و معدنوس و ادخليه الفرن يجي لذيذ جدا و اذا حبيبتي حمريه فقط بدون بطاطا و لا صوص تومات موفقة اختي و رديلي الخبر كيفاه جا

وعليكم السّلام ورحمة اللّه وبركاته. راني بخير . وأتمنّى أن تكوني انت أيضا بألف خير وأسرتك الكريمة, وعيدك أسعد .مشكورة ألف شكر على طريقتك. واللّه ايفرحك كيما فرحتيني أنت وكامل العضوات ألي شاركوا برودهم على هاذي الصّفحة. اللّه اينورك، ويشدلك في كلّ ألي اتحبيهم.فرحني ردّك بزاف بزاف يابشيرة . ربّي يسعدك ويهنيك.

BACHIRA2 · 2012-11-04, 18:44

لا شكر على واجب عزيزتي و انا في الخدمة رانا اخوة في الله و الي تعرف حاجة توريها لاختها بارك الله فيك و جعلك من عباده الصالحين تقبلي تحياتي الحارة اختي

تغرينية · 2012-11-06, 17:18

معكم ومنكم نستفيد

super tita · 2012-11-07, 10:28

شوفي اختيالغالية اذا شريت بوزلوف واجد ومنقي من عند الجزار فوريه ومن بعد دريله الدرسةثوم فلفل ملح حمار حار زبدة وديريه في بلا بعد ما حطيتي بصل دي روندال اي دريه كامل وادا شوطتيه نتي طيبه في المابيه البصل والحمار والملحشي نصف ساعة وضعيه في البلا وديريلو الدرسة وما غاديش تندمي باسكو يجي يهبل

غزالة الصّحراء · 2012-11-07, 14:35

اقتباس:

المشاركة الأصلية كتبت بواسطة super tita

شوفي اختيالغالية اذا شريت بوزلوف واجد ومنقي من عند الجزار فوريه ومن بعد دريله الدرسةثوم فلفل ملح حمار حار زبدة وديريه في بلا بعد ما حطيتي بصل دي روندال اي دريه كامل وادا شوطتيه نتي طيبه في المابيه البصل والحمار والملحشي نصف ساعة وضعيه في البلا وديريلو الدرسة وما غاديش تندمي باسكو يجي يهبل

مشكورة يا غالية. على ردّك الواّضح .
البزلوف أنا ألي رايح انشوطو . وأكيد رايح نأخذ بنصائكم جميعا. ربيّ ايخليكم ويسعدكم وينوّر لكم حياتكم .

غزالة الصّحراء · 2012-11-07, 14:37

اقتباس:

المشاركة الأصلية كتبت بواسطة bachira2

لا شكر على واجب عزيزتي و انا في الخدمة رانا اخوة في الله و الي تعرف حاجة توريها لاختها بارك الله فيك و جعلك من عباده الصالحين تقبلي تحياتي الحارة اختي

اللّه ايخليك ويحفظك. ويحفظ لك أوليدك لعزيز ألي راه أخموس عليه أقريب أيولي راجل. إن شاء كاليوم تبداي أتحضري له حلويات أفراحه. كل اليوم إ ن شاء اللّه فرح.
إن شاء اللّه لمّا أنجرّب الطّريقة راني أنرد لك بالخبر أكيد.

غزالة الصّحراء · 2012-11-07, 14:52

اقتباس:

المشاركة الأصلية كتبت بواسطة تغرينية

معكم ومنكم نستفيد

أهلا وسهلا ومرحبا بك. واشنو هاذا النّور ألي نوّر صفحتي؟؟ هاذي أنتيايا لعزيزة تغرينية.

أكيد معنا ومعا نستفيد.واللّه استفدنا كثيرا . والفضل يعود إلى طباخاتنا الماهرات. جزاهنّ اللّه كلّ الخير.

alilou34 · 2012-11-08, 12:57

شكرا انا اليوم انشاء الله رايح نجربو

غزالة الصّحراء · 2015-01-11, 20:54

شكرا جزيلا لكنّ ولكنّ أجمل وأروع تحيّة.