الطبعة التاسعة "دورة الرقي لمدبرة منزل مثالية"

[~ حراير ~]

السلام عليكم و رحمة الله تعالى و بركاته
عزيزتي سندوسة الفحلة و حرة الحراير
شوفي باش ما تزعفيش مني و تقولي وش بيها هادي أم أريج جات اتطبق في البرنامج و إلا جات تعرض في النسيوات لركن همزة وصل
راني فكرت في زوج إقتراحات تزيديهم في البرنامج و إن شاء الله يكونو صدقة جارية عليك

الإقتراح الأول : تزيدي في البرنامج كل يوم "ماذا علمتي ابنك أو أخوك الصغير ؟؟؟ ".... يعني علمتيه الصدق، غلط مع صديقه فنهيتيه، صليتو مع بعض جماعة، يعني باختصار أمر يخص التربية لأنها من الأعمال اليومية التي تقوم بها المرأة و هذا المقترح تقدري تزيديه في "الديني"

الإقتراح الثاني : مثل ما قالت أم أمجد ربي يبارك فيها و يصلحلها ذريتها و ذرية كل أمة محمد صلى الله عليه و سلم تزيديلنا عمل يومي و هو المراجعة للدراسة ... و أنا عن نفسي نقوم بيها بعد العصر ... و لكني بعد إنتهائي من أعمال المنزل الصباح انقوم بتحضير التمرينات و الواجبات باه نلقاها واجدة كي نجي نراجعلهم في المساء

هاه وش رايك و إلا انروح نروح منين جيت .....هيهيهيه راني غير نتمسخر ... في بالك بعد ما لقيتكم راح نطلقكم ؟؟؟ والله اهنا ايموت قاسي ...هيهيهيهيهيه

هيا السلام عليكم في إنتظار رد مديرتنا العزيزة