الطبعة التاسعة "دورة الرقي لمدبرة منزل مثالية"

[sarra5]

المشاركة الأصلية كتبت بواسطة oummalak

السلام عليكن حبيباتي ان شاء الله عيدتو بخير

البارح نضت الساعة الخامسة صليت قريت الادكار والقران حتى السابعة من بعد كنست كامل الدار وطيبتلهم القهوة كى راحو للجامع وجدت الباسينات والمواس كي رجعوا تغافرنا مع بعض وكدللك مع الجيران

لما دبح راجلي بدات بالراس شوطتو واغسلتوا شويت الكبدة درتها ملفوف ... وبنتى وجدت الطاولة لاني كنت طيبت الفلفل في المساء وغسلت السلاطة حتى هى فالمساء فطرنا اي على

الراس قطعتو واغسلتوا وعلى الكونجيلاتور

غليت الماء نقيت الدوارة شد معاى اسامة جاتني ساهلة كملتها سريعا غسلت المواعين والي درتهم فالاف فيسال منبعد بنتى مسحت الدروج من فوق الى تحت كاملين والهول انا سيقت الكوزينة من بعد الي كنت درت يد انتاع الحم يتحمر

دوشت صليت الظهر بناتى جاو يهبلو كي لبسوا رحنا عند عجوزتى مريضة قعدنا معها حتى المغرب كي رجعنا كنت ميتة عياء ما قدرتش نجي نكتب تطبيقاتى حت اليوم كي صليت الصبح عاد رانى نكتب

سلامى اليكن يا الفحلات

mahsoub a3malna metchabha f had lyoum ljamiiil

rabii yahafdak

[oummalak]

المشاركة الأصلية كتبت بواسطة sarra5

mahsoub a3malna metchabha f had lyoum ljamiiil

rabii yahafdak

ويحفظك انت تانى يا لعزيزة بصح كما قالت اريج والله نتعب كي نقرا بالفرنسية لكن ماعليه غير بقاى تدخلي رانا والفناك