الرافيولي من مطبخك!!!,,,مع أم كوثر

[غزالة الصّحراء]

المشاركة الأصلية كتبت بواسطة *أم كوثر*

السلام عليكم ورحمة الله وبركاته
الرافيولي
من اجود واغلى انواع المعجنات
وغير متوفر في بعض المناطق
لما لا تكون تجربة ونديروه في مطبخنا
ولا اسهل منه

المقادير
300 غ فرينة
من 2 الى 3 بيضات
مغرف صغيرة ملح
الطريقة

نحط الملح والفرينة ونلمها بالبيض وندلكها مليح ونخليها ترتاح ربع ساعة
نحلها رقيقة ونحشيها والباقي موضح بالصور







هنا منضغطش مليح بالطابع نحدد المكان فقط



الحشو جبن ابيض ومغرف زبدة ووسنة توم مرابية وملح وفلفل اسود ومعدنوس كلهم في ميكسور














باقي العجينة عملت منها الرشتة اسهل من التقليدية

نحلها بالمشينة على الرقم قبل الاخير
ونفوتها في جهة الرشتة الخشينة ونرشها بفرينة ونخليها ربع ساعة ونغليها في ماء وملح وتكون واجدة




اللي معندهاش مشينة تحلها رقيقة وتروليها وتقطعها تعطيها نفس النتيجة







لاصوص
سنة توم نقليها في شوية زيت ونضيف لحم مفروم كي يبدة يطيب نضيف فلفل اسودوملحوطماطم مصبرة ونمرق بكاس ماء حتى يطيب



ماء يغلي وملح وقطعة زبدة ونرمي فيه الحبات ونحسب ربع ساعة ونصفيهم ونغلي بنفس الطريقة الرشتة








نسخن خليط اللحم المرحي ونرمي فيه الرافيولي يغلي شوية حتى يكملوا طياب
















وامممممممممممممم الدوق صدقوني رهييييب
هدي لابات اغتيزانال ونديرو منها شحال منع مقرونة ان شاء الله مع الوقت نتعلموهم مع بعض
اتمنى يكون الموضوع افادكم
سلامي اخواتي

ـــــــــــــــــــــ
أم كوثر سلامي الحّار لك ولكلّ من يساهم في مساعدة كلّ واحدة بحاجة غلى مساعدة.
حبيت انسقسيك يا أختي ام كوثر
راكي قلتي: نحط الملح والفرينة ونلمها بالبيض وندلكها مليح ونخليها ترتاح ربع ساعة
نحلها رقيقة ونحشيها
قوليلي إذا حبيت انحضّر العجينة في الصباح . ولكن الطياب أنخليها حتي لعشيّة ايجوز وإلاّ لالا؟ لأنّك قلتي العجينة ترتاح ربع ساعة. وهل ايجوز أنبدّل الفرينة بالمايزينة؟؟؟؟
جاوبيني اللّه ايخليك ويخليلك كلّ الي اتحبيهم.

[ميرثا]

المشاركة الأصلية كتبت بواسطة غزالة الصّحراء

ـــــــــــــــــــــ
أم كوثر سلامي الحّار لك ولكلّ من يساهم في مساعدة كلّ واحدة بحاجة غلى مساعدة.
حبيت انسقسيك يا أختي ام كوثر
راكي قلتي: نحط الملح والفرينة ونلمها بالبيض وندلكها مليح ونخليها ترتاح ربع ساعة
نحلها رقيقة ونحشيها
قوليلي إذا حبيت انحضّر العجينة في الصباح . ولكن الطياب أنخليها حتي لعشيّة ايجوز وإلاّ لالا؟ لأنّك قلتي العجينة ترتاح ربع ساعة. وهل ايجوز أنبدّل الفرينة بالمايزينة؟؟؟؟
جاوبيني اللّه ايخليك ويخليلك كلّ الي اتحبيهم.

نجاوبك فبلاصة ام كوثر بالشىء لنعرف

لانو نظن مشفتش ردك

تقدري تخدميه صباح وتقطعيه وترشيه بيان بالفرينة باش متعجنش وخليه فسنيوة ولا صاشي

ولعشية استعمليه

مايزينة ادا تقصدي فالحلان والعمل تصلح عادي حسب ظنيني لانو نفس المفعول اما ادا تقصدي فبلاصة 300 غ نتاع فرينة فلا يجوز

تقدري تخدي بالروبو كلش حتى لحلان ادا متحبيش تكسري راسك هنا اني نهدر على رشتة اما رفيولي الاختلاف فالتخزين بالهداوة عليه لانو فيه حشو شفتهم ففتافيت تحطهم فالكونجيلاثوغ هديك طليانية لتدير بزاف طبخ الايطالي

[*أم كوثر*]

المشاركة الأصلية كتبت بواسطة ميرثا

نجاوبك فبلاصة ام كوثر بالشىء لنعرف

لانو نظن مشفتش ردك

تقدري تخدميه صباح وتقطعيه وترشيه بيان بالفرينة باش متعجنش وخليه فسنيوة ولا صاشي

ولعشية استعمليه

مايزينة ادا تقصدي فالحلان والعمل تصلح عادي حسب ظنيني لانو نفس المفعول اما ادا تقصدي فبلاصة 300 غ نتاع فرينة فلا يجوز

تقدري تخدي بالروبو كلش حتى لحلان ادا متحبيش تكسري راسك هنا اني نهدر على رشتة اما رفيولي الاختلاف فالتخزين بالهداوة عليه لانو فيه حشو شفتهم ففتافيت تحطهم فالكونجيلاثوغ هديك طليانية لتدير بزاف طبخ الايطالي

بارك الله فيك على الاضافة ميرثا
غزالة الصحراء حولتلي السؤال ع الخاص واجبتها